சென்னை, ஆக.14–
தமிழ்நாடு அரசுசென்னை மாநகராட்சிக்கு உட்பட்ட வீடு, வணிக நிறுவனங்கள், கடைகள் உள்ளிட்டவற்றுக்கான சொத்து வரியை அதிரடியாக பல மடங்கு உயர்த்தியுள்ளது மக்களிடையே கடும் அதிர்ச்சியை ஏற்படுத்தியுள்ளது.
இதுகுறித்து சென்னை மாநகர
மேயரிடம் கூட கருத்து கேட்கப்படவில்லை என்று தெரிகிறது.
முதல்வர் விஜய்யின் நேரடி கண்காணிப்பில் இயங்கும் நகராட்சி நிர்வாகத் துறையில் எடுக்கப்பட்டுள்ள இந்த முடிவு மக்களிடையே கடும் விமர்சனத் தையும் ஏற்படுத்தியுள்ளது.
சென்னை மாநகராட்சிக்கு உட்பட்ட பகுதியில் உதாரணமாக, அரையாண்டுக்கு ரூ.310 செலுத்தி வந்த ஒரு வீட்டுக்கு தற்போது ரூ.10,010 சொத்துவரி நிர்ணயிக்கப்பட்டுள்ளது. இதனால் பழைய வரியுடன் ஒப்பிடுகையில் ரூ.9,700 கூடுதலாகவும், சுமார் 32 மடங்கு அதிகமாகவும் வரி செலுத்த வேண்டிய நிலை ஏற்பட்டுள்ளது.
440 சதுரஅடி நிலப்பரப்பில் உள்ள அந்த சொத்தில் தரைத்தளத்தில் 1,000 சதுரஅடியும், முதல் தளத்தில் 1,000 சதுர அடியும் என மொத்தம் 2,000 சதுரஅடி கட்டிடப் பரப்பு கணக்கில் எடுத்துக்கொள்ளப்பட்டுள்ளதாகவும், கட்டிடம் குடியி ருப்பு பயன்பாட்டில்இருப்பதாகவும் மாநகராட்சி சார்பில் தெரிவிக்கப்பட்டுள்ளது. இதன் அடிப்படையில், ஆண்டு சொத்து மதிப்பு ரூ.76,222 என கணக்கிடப்பட்டு, வயது தள்ளுபடி உள்ளிட்ட கணக்கீடுகளுக்குப் பிறகு அரையாண்டு சொத்துவரி ரூ.10,010 என நிர்ணயிக்கப்
பட்டுள்ளது.
இதுபோல், சென்னை அண்ணா நகரில் 2025-–26ஆம் ஆண்டில் ரூ.5,000 சொத்துவரி செலுத்திய வீட்டுக்கு தற்போது ரூ.28,000 வரி நிர்ணயிக்கப் பட்டுள்ள தகவலும் கவனம் பெற்றுள்ளது. இந்த மறுமதிப்பீடு எவ்வாறு மேற்கொள்ளப்படுகிறது என்பது மாநகராட்சி அனுப்பியுள்ள குறுஞ்செய்தியில் இடம் பெற்றுள்ளது.
அதில், புவியியல் தகவல் அமைப்பு (ஜி.ஐ.எஸ்.), பிற அரசு தரவுத்தளங்கள், செயற்கைக்கோள் படங்கள், சுய அறிவிப்பு உள்ளிட்டவற்றில் இருந்து பெறப்பட்ட சொத்தின் பயன்பாடு மற்றும் பரப்பளவு விவரங்களின் அடிப்படையில் சொத்துவரி மறுசீரமைக்கப்பட்டுள்ளதாக அதில் தெரிவிக்கப்பட்டுள்ளது.
வரி உயர்த்தப்படவில்லை என்று மாநகராட்சி கூறினாலும், ரூ.310 செலுத்தி வந்த ஒரு வீட்டுக்கு ரூ.10,010 செலுத்த வேண்டிய நிலை ஏற்பட்டிருப்பது குறிப்பிடத்தக்கது.
சொத்து வரி உயர்வு குறித்து சென்னை மாநகராட்சி ஆணையர் ஜி.எஸ்.சமீரன் கூறுகையில், ‘‘சொத்து வரி உயர்த்தப்பட்டது எனக் கூறப்படுவது உண்மையல்ல,’’ என்றார்.
எனினும், புதிய சொத்து வரி அறிவிப்பில் முன்பைவிட பல மடங்கு உயர்த்தப்பட்டுள்ள நிலையில், இதனை வரி உயர்வு என்று கூறாமல் வேறென்ன சொல்வது? எனமக்கள் கேள்வி எழுப்புகின்றனர். முதல்வர் விஜயின் நேரடி கண்காணிப்பில் இயங்கும் நகராட்சி நிர்வாகத் துறையில் எடுக்கப்பட்டுள்ள சொத்து வரி உயர்வு நடவடிக்கை மக்களிடையே கடும் அதிர்ச்சியையும், அதிருப்தியையும் ஏற்படுத்தியுள்ளது. த.வெ.க.அரசுக்கு கண்டத்தையும் அவர்கள் பதிவிட்டுள்ளனர்.
சென்னையில் உள்ள வீடு, வணிக நிறுவனங்கள் உள்ளிட்ட அனைத்து சொத்து குறித்த விவரங்கள் அனைத்தும் சென்னை மாநகராட்சி ஆவணங்களில் இடம் பெற்றுள்ளன. மாநகராட்சி ஊழியர்களே நேரில் வந்து வீட்டை டேப் பிடித்து அளந்து உறுதி செய்ததன் அடிப்படையில் தான்சொத்தின் பரப்பளவு குறிப்பிடப் பட்டுள்ளது. இதுபோல், லிப்ட், கார் பார்க்கிங் ஆகியவையும் மாநகராட்சியினரால் உறுதி செய்யப்பட்டவை தான்.
ஆனால், தற்போது ஜி.ஐ.எஸ்.அடிப்படையில் ஆய்வு செய்து கட்டிடப் பரப்பளவு அல்லது பயன்பாட்டில் வேறுபாடுஇருப்பதாகக் கருதப்படும் சொத்துகளுக்குபுதிய வரி மதிப்பீடு செய்துள்ளதாக மாநகராட்சி விளக்கம் அளித்துள்ளது. அப்படியானால், நேரில் வந்த மாநகராட்சி ஊழியர்கள் தான் குறைத்து மதிப்பீடு செய்தார்களா? நேரில் வந்து டேப் பிடித்து அளந்து குறிப்பிட்டதற்கு மாற்றாகஜி.ஐ.எஸ்.தரவு காண்பிக்கின்றது என்றால் புதிய மதிப்பீட்டு முறையில் குளறுபடி தவறு நிகழ்ந்துள்ளதா? என, அடுக்கடுக்கான கேள்விகளை மக்கள் முன்வைக்கின்றனர்.
மாநகராட்சியின் அதிகாரப்பூர்வ நோட்டீசில்,மறுமதிப்பீட்டில் தவறு இருப்பதாக கருதும் பொதுமக்களுக்கு 15 நாட்கள் மட்டுமே அவகாசம் வழங்கப்பட்டுள்ளது. நோட்டீஸ் கிடைத்த நாளிலிருந்து 15 நாட்களுக்குள் சம்பந்தப்பட்ட வட்டார துணை ஆணையரிடம் ஆட்சேபம் தெரிவிக்க வேண்டும் என்று குறிப்பிடப்
பட்டுள்ளது.
பொதுவாக, ஒருசொத்தின் மதிப்பீடு மாற்றி அமைக்கப்பட்ட பிறகு அது குறித்த தகவலை உரிமையாளருக்குமுன்கூட்டியே வழங்கும் போது, அதனைஆட்சேபிக்கும் கால அளவு வழங்கப்படும். தற்போது, மதிப்பீடு செய்து வரியையும் உயர்த்தி விட்டு,செப்டம்பர் 30ஆம் தேதிக்குள் அதனை செலுத்த வேண்டும் என வாட்ஸ் அப் மூலம் மக்களுக்கு அனுப்பப்பட்டுள்ளது. அதிலும் ஒரு வாரத்துக்கு முந்தைய தேதி குறிப்பிடப்பட்டுள்ளது. இது மக்கள் மத்தியில் குழப்பத்தையும் கோபத்தையும் ஏற்
படுத்தியுள்ளது.
மேயர் – துணை மேயரிடம்
கருத்து கேட்கப்படவில்லை
சொத்து வரி உயர்வு குறித்து சென்னை மேயர். துணை மேயர் என்ற முறையில் எங்களிடம் இருந்து எந்தக் கருத்தும் கேட்கவில்லை. எங்கள் கவனத்திற்கு கொண்டுவராமலே, ஒப்புதல்பெறாமலே மாநகராட்சி ஆணையர் மறுமதிப்பீடு செய்வதை அறிவித்துள்ளார் என்று சென்னைமாநகராட்சி துணை மேயர் மு.மகேஷ்குமார் கூறினார்.
குடியிருப்பு பகுதிகளுக்கு வரிகள் வேறு, வியாபார நிறுவனங்களுக்கு வரிகள் வேறு என்பதால் குடியிருப்பு பகுதிகளாக அறிவித்து விட்டு வியாபார நிறுவனங்களாக மாற்றியிருந்தால் ஆய்வு செய்து வரி வருவாயை பெருக்க வேண்டும் என்று இந்த நடவடிக்கையில் ஈடுபட்டுள்ளதாக ஆணையர் விளக்கம் அளித்துள்ளார்.
சென்னை மாநகராட்சிக்கு ரூ.2000 ஆயிரம் கோடி முதல்வர் ஒதுக்கியிருந்தால் இந்த மறுமதிப்பீடு என்பது தேவையில்லாமல் பொதுமக்களுக்கு மேலும் பளுவை ஏற்ற வேண்டியிருக்காது. ஏற்கனவே 25 ஆண்டுகளாக வரி மறுமதிப்பீடு செய்யாமல் இருந்த நிலையில் ஒன்றிய அரசு கொடுத்த அழுத்ததின் காரண மாக கெய்ட்லைன்ஸ் படி வரி ஏற்றியுள்ளனர்.ஆனால் கடந்த 2 ஆண்டுகள் தி.மு.க. ஆட்சியில் பொதுமக்கள் மீது மேலும் சுமையை ஏற்றாமல் வரி ஏற்றுவதை தவிர்த்தே வந்தோம். ஒன்றிய அரசு வருடத்திற்கு 6 சதவீதம் என்று அறிவித்த நிலையில் தி.மு.க. அரசு வரி ஏற்றாமல் தவிர்த்து வந்தது.
ஆனால் இப்போது புதிதாக ஆட்சிப் பொறுப்பேற்றுள்ளவர்கள் சென்னை மாநகராட்சியில் நிதிபற்றாக்குறை எந்த அளவுக்கு உள்ளது, இந்த துறை எப்படி செயல்பட்டு வருகிறது என்று ஆய்வு செய்தார்களா என்று தெரியவில்லை. என்று துணை மேயர் மகேஷ்குமார் கூறினார்.