புதுடெல்லி, ஆக.14 –
தென்காசி மாவட்டத்தில் செயற்கை தடகள ஓடுதளம் (Synthetic Athletic Track) அமைக்க ஒன்றிய அரசின் இளைஞர் நலன் மற்றும் விளையாட்டுத் துறை அமைச்சரிடம் தென்காசி நாடாளுமன்ற உறுப்பினர் மருத்துவர் ராணி ஸ்ரீகுமார் கோரிக்கை மனு அளித்துள்ளார்.
டெல்லி நாடாளுமன்ற கூட்டத்தொடரில் அன்று (12.08.2026) மாலை ஒன்றிய அரசின் இளைஞர் நலன் மற்றும் விளையாட்டுத் துறை அமைச்சர் டாக்டர்.மன்சுக் மாண்டவியாவிடம் கேலோ இந்தியா’ (Khelo India) திட்டத்தின் கீழ் தென்காசி மாவட்டத்தில் செயற்கை தடகள ஓடுதளம் (Synthetic Athletic Track) அமைக்க வேண்டுமென தென்காசி நாடாளுமன்ற உறுப்பினர் மருத்துவர் ராணிஸ்ரீகுமார் கோரிக்கை மனுவை வழங்கி வலியுறுத்தினார். அதற்கு ஒன்றிய அமைச்சர் கண்டிப்பாக மனுவை பரிசீலனை செய்து கோரிக்கையை நிறைவேற்றிட நடவடிக்கை எடுப்பதாக உறுதி அளித்துள்ளார்.
அந்த கோரிக்கை மனுவின் விபரம் வருமாறு :–
தென்காசி மாவட்டம் தடகள விளையாட்டுகளில் ஒரு முக்கிய மையமாக உருவெடுத்துள்ளது; 100-க்கும் மேற்பட்ட விளையாட்டு வீரர்கள் மாநில மற்றும் தேசிய அளவிலான போட்டிகளில் தொடர்ந்து இம்மாவட்டத்தைப் பிரதிநிதித்து வப்படுத்தி வருகின்றனர். சமீபத்தில், தென்காசியைச் சேர்ந்த இளம் விளையாட்டு வீரர் ஒருவர் தேசிய தடகளப் போட்டியில் வெள்ளிப் பதக்கம் வென்றது, இம்மாவட்டத்தின் அபாரவிளையாட்டுத் திறனைப் பறைசாற்றுகிறது.தற்போது செயற்கை தடகள ஓடுதளத்தில் பயிற்சி பெற விரும்பும் விளையாட்டு வீரர்கள் சுமார் 60 கிலோமீட்டர் தொலைவில் உள்ள திருநெல்வேலிக்குச் செல்ல வேண்டிய கட்டாயத்தில் உள்ளனர். இதனால், குறிப்பாக கிராமப்புற மற்றும் பொருளாதார ரீதியாகப் பின்தங்கிய பின்னணி யைக் கொண்ட மாணவர்கள் மற்றும் விளையாட்டு வீரர்கள் கணிசமான நிதி மற்றும் உடல் ரீதியான சிரமங்களை எதிர்கொள்கின்றனர்.
தென்காசியில் சுமார் 400 விளையாட்டுப் பயிற்சி மையங்கள் மற்றும் பயிற்சிப் பிரிவுகள் செயல்பட்டு வருகின்றன; இது வலுவான விளையாட்டுச் சூழலையும், நவீன தடகள உள்கட்டமைப்பிற்கான பெரும் தேவையையும் வெளிப்படுத்துகிறது. எனவே ‘கேலோ இந்தியா’ திட்டத்தின் கீழ் தென்காசியில் 400 மீட்டர் செயற்கை தடகள ஓடுதளம் மற்றும் அதனுடன் தொடர்புடைய களப் போட்டி
களுக்கான (field events) உள்கட்டமைப்புகளை அமைக்க அனுமதிக்குமாறு அரசை நான் கேட்டுக்கொள்கிறேன். இத்தகைய வசதி உலகத்தரம் வாய்ந்த பயிற்சி உள்கட்டமைப்பை வழங்குவதோடு, விளையாட்டு வீரர்களின் பயணச் சுமையைக் குறைக்கவும், இளைஞர்கள், பெண்கள் மற்றும் பள்ளி மாணவர்களின் பங்கேற்பை ஊக்குவிக்கவும், மாநில, தேசிய மற்றும் சர்வதேசப் போட்டி களுக்கான திறமையாளர் களை முறையாகக் கண்டறிந்து வளர்க்கவும் உதவும்.
இம்முன்மொழிவிற்குமுன்னுரிமை அளித்து, தகுந்த நடவடிக்கை எடுக்குமாறு உங்களை கேட்டுக்கொள்கிறேன்,
இவ்வாறு மனுவில் குறிப்பிடப்பட்டுள்ளது.