புது­டெல்லி, ஆக. 14 –

வேலூர் மாவட்­டத்­தின் ரயில்வே இணைப்பு, பய­ணி­கள் வச­தி­கள், ரயில் நிலைய உள்­கட்­ட­மைப்பு, சரக்கு கையா­ளும் வச­தி­கள் மற்­றும் கடைசி மைல் இணைப்பை மேம்­ப­டுத்த ஒன்­றிய அரசு மேற்­கொண்டு வரும் நட­வ­டிக்­கை­கள் குறித்து மக்­க­ள­வை­யில் வேலூர் நாடா­ளு­ மன்ற உறுப்­பி­னர் டி.எம். கதிர் ஆனந்த் கேள்வி எழுப்­பி­னார்.

வேலூர் மாவட்­டம் கல்வி, தொழில், மருத்­து­வம் மற்­றும் ஆன்­மி­கச் சுற்­றுலா ஆகி­ய­வற்­றில் முக்­கி­யத்­து­வம் வாய்ந்த மாவட்­ட­மாக விளங்­கு­வ­தால், அதி­க­ரித்து வரும் பய­ணி­கள் மற்­றும் சரக்கு போக்­கு­வ­ரத்­தைக் கருத்­தில் கொண்டு ரயில்வே உள்­கட்­ட­மைப்பை மேம்­ப­டுத்த ஒன்­றிய அரசு மேற்­கொண்­டுள்ள நட­வ­டிக்­கை­கள் என்ன என்­றும் அவர் கேட்­ட­றிந்­தார்.

மேலும், ரயில் பாதை விரி­வாக்­கம், சிக்­னல் நவீ­ன­ம­ய­மாக்­கல், ரயில் நிலைய மறு­சீ­ர­மைப்பு மற்­றும் கூடு­தல் ரயில் சேவை­கள் குறித்து கேள்வி எழுப்­பி­னார்.

அதற்கு ஒன்­றிய அர­சின் ரயில்வே, தக­வல் மற்­றும் ஒலி­ப­ரப்பு மற்­றும் மின்­ன­ணு­வி­யல் மற்­றும் தக­வல் தொழில்­நுட்­பத் துறை அமைச்­சர் அஸ்­வினி வைஷ்­ணவ் எழுத்து பூர்­வ­மாக அளித்த பதில் வரு­மாறு:- –

வேலூர் மாவட்­டத்­திற்கு முக்­கிய போக்­கு­வ­ரத்து மைய­மாக காட்­பாடி ரயில் நிலை­யம் விளங்கி வரு­வ­தா­க­வும், வேலூர் கண்­டோன்­மென்ட் ரயில் நிலை­ய­மும் மாவட்­டத்­திற்கு சேவை வழங்கி வரு­வ­தா­க­வும் தெரி­வித்­தார்.

ரூ.1,216 கோடி­யில் திருப்­பதி – காட்­பாடி இரட்­டைப் பாதை:

திருப்­பதி – பாகாலா – காட்­பாடி இடை­யே­யான 104 கி.மீ. இரட்­டைப் பாதை திட்­டம் ரூ.1,216 கோடி மதிப்­பில் அனு­ம­திக்­கப்­பட்­டுள்­ள­தாக ரயில்வே அமைச்­சர் தெரி­வித்­துள்­ளார். 2025–26 நிதி­யாண்­டில் இத்­திட்­டத்­திற்­காக ரூ.250 கோடி ஒதுக்­கப்­பட்­டுள்­ளது.

மேலும், அரக்­கோ­ணம் – காட்­பாடி – இரு­கூர் (கோவை) இடையே 407 கி.மீ. தொலை­வுக்கு 3 மற்­றும் 4-வது ரயில் பாதை­கள் அமைப்­ப­தற்­கான இறுதி இட ஆய்வு அனு­ம­திக்­கப்­பட்டு, விரி­வான திட்ட அறிக்கை (DPR) தயா­ரிக்­கப்­பட்­டுள்­ள­தாக தெரி­விக்­கப்­பட்­டுள்­ளது.

அதே­போல், காட்­பாடி – வேலூர் – விழுப்­பு­ரம் இடையே 160 கி.மீ. இரட்­டைப் பாதை அமைக்­கும் திட்­டத்­திற்­கான இறுதி இட ஆய்வு அனு­ம­திக்­கப்­பட்டு, கள ஆய்­வுப் பணி­கள் நிறை­வ­டைந்­துள்­ளன.

வேலூர் மாவட்­டத்­தில் ரயில்வே சிக்­னல் அமைப்­பு­கள் நவீ­ன­ம­யம்:

வேலூர் மாவட்­டத்­தில் 12 ரயில் நிலை­யங்­க­ளில் மின்­னணு இன்­டர்­லாக்­கிங் (Electronic Interlocking) வசதி ஏற்­ப­டுத்­தப்­பட்­டுள்­ள­தா­க­வும், 25 ரயில்வே லெவல் கிரா­சிங்­கு­க­ளில் பாது­காப்பு மேம்­பாட்டு பணி­கள் மேற்­கொள்­ளப்­பட்­டுள்­ள­தா­க­வும் ஒன்­றிய அரசு தெரி­வித்­துள்­ளது.

மேலும், 12 ரயில் நிலை­யங்­க­ளில் முழு­மை­யான டிராக் சர்க்­யூட்­டிங், 13 பிளாக் பிரி­வு­க­ளில் ஆக்­சில் கவுண்­டர்­கள் மற்­றும் வேலூர் மாவட்­டத்­தில் 58 ரூட் கிலோ­மீட்­டர் தூரத்­தில் தானி­யங்கி பிளாக் சிக்­ன­லிங் வசதி ஏற்­ப­டுத்­தப்­பட்­டுள்­ள­தாக தெரி­விக்­கப்­பட்­டுள்­ளது.

அம்­ரித் பாரத் திட்­டத்­தில் காட்­பாடி, வேலூர் கண்­டோன்­மென்ட்:

ரயில் நிலை­யங்­களை நவீ­ன­ம­ய­மாக்­கும் ‘அம்­ரித் பாரத் ரயில் நிலை­யத் திட்­டத்­தின்’ கீழ் தமி­ழ­கத்­தில் 77 ரயில் நிலை­யங்­கள் தேர்வு செய்­யப்­பட்­டுள்­ளன. இதில் காட்­பாடி சந்­திப்பு ரயில் நிலை­ய­மும், வேலூர் கண்­டோன்­மென்ட் ரயில் நிலை­ய­மும் இடம்­பெற்­றுள்­ளன.

இந்­தத் திட்­டத்­தின் கீழ் ரயில் நிலை­யங்­க­ளின் அணு­கு­மு­றைப் பகு­தி­கள், பய­ணி­கள் காத்­தி­ருப்பு அறை­கள், கழிப்­ப­றை­கள், நடை­மே­டை­கள், நடை­மேம்­பா­லங்­கள், லிப்ட்­கள், எஸ்­க­லேட்­டர்­கள், வாகன நிறுத்­து­மி­டங்­கள், மாற்­றுத்­தி­ற­னா­ளி­க­ளுக்­கான வச­தி­கள், பய­ணி­கள் தக­வல் அமைப்­பு­கள் உள்­ளிட்ட பல்­வேறு வச­தி­கள் மேம்­ப­டுத்­தப்­பட உள்­ளன.

காட்­பாடி ரயில் நிலை­யத்­தில் பல்­வேறு பணி­கள்:

காட்­பாடி சந்­திப்புரயில் நிலை­யத்­தில் ரயில்வேபாது­காப்­புப் படை (RPF) குடி­யி­ருப்பு / பாரக் மற்­றும் ஸ்கவுட் கட்­டி­டத்­தின் கட்­ட­மைப்­புப் பணி­கள் நிறை­வ­டைந்­துள்­ளன. பல அடுக்கு வாகன நிறுத்­து­மி­டம் மற்­றும் பார்­சல் அலு­வ­ல­கத்­திற்­கான அடித்­த­ளப் பணி­கள் நடை­பெற்று வரு­கின்­றன.

வேலூர் கண்­டோன்­மென்ட் ரயில் நிலை­யத் ­தில் நிலை­யக் கட்­டி­டம், நுழை­வா­யில், சுற்­றுப்­­ பகுதி, வாகன நிறுத்­து­ மி­டம், முன்­ப­திவு அலு­வ­ல­கம், காத்­தி­ருப்பு அறை, நடை­மேடை, நடை­மேடை மேற்­கூரை, புதிய கழிப்­பறை, குடி­நீர் வசதி மற்­றும் அறி­விப்­புப் பல­கை­கள் உள்­ளிட்ட பணி­கள் நிறை­வ­டைந்­துள்­ளன. லிப்ட் அமைக்­கும் பணி­கள் நடை­பெற்று வரு­கின்­றன.

வேலூர் மாவட்ட பய­ணி­ க­ளுக்கு 6 புதிய ரயில் சேவை­கள்:

வேலூர் மாவட்ட மக்­க­ளின் ரயில் போக்­கு­ வ­ரத்து வச­தியை மேம்­ப­டுத்­தும் வகை­யில் அண்­மை­யில் 6 புதிய ரயில் சேவை­கள் அறி­மு­கப்­ப­டுத்­தப்­பட்­டுள்­ள­தாக ரயில்வே அமைச்­சர் தெரி­வித்­துள்­ளார்.

நர­சா­பூர் – SMVT பெங்­க­ளூரு எக்ஸ்­பி­ரஸ் – காட்­பாடி, ஜோலார்­பேட்டை நிறுத்­தங்­க­ளு­டன்.

சார்­லப்­பள்ளி – திருச்­சி­ராப்­பள்ளி எக்ஸ்­பி­ரஸ் – காட்­பாடி, வேலூர் கண்­டோன்­மென்ட் நிறுத்­தங்­க­ளு­டன்.

நர­சா­பூர் – திரு­வண்­ணா­மலை எக்ஸ்­பி­ரஸ் – காட்­பாடி,வேலூர் கண்­டோன்­மென்ட் நிறுத்­தங்­க­ளு­டன்.

காச்­சி­குடா – தூத்­துக் ­குடி எக்ஸ்­பி­ரஸ் – காட்­பாடி, வேலூர் கண்­டோன்­மென்ட் நிறுத்­தங்­க­ளு­டன்.

நியூ ஜல்­பை­குரி – நாகர்­கோ­வில் அம்­ரித் பாரத் எக்ஸ்­பி­ரஸ் – காட்­பாடி, ஜோலார்­பேட்டை நிறுத்­தங்­க­ளு­டன்.

ஈரோடு – ஜோக்­பானி அம்­ரித் பாரத் எக்ஸ்­பி­ரஸ் – காட்­பாடி, ஜோலார்­பேட்டை நிறுத்­தங்­க­ளு­டன்.

மேலும், வேலூர் மாவட்­டத்­தின் முக்­கிய ரயில் நிலை­ய­மான காட்­பாடி சந்­திப்­பில் தற்­போது 259 ரயில் சேவை­கள் இயக்­கப்­பட்டு வரு­வ­தா­க­வும் ஒன்­றிய ரயில்வே அமைச்­சர்தெரி­வித்­துள்­ளார்.