#Title

திருச்சி 14.08.2026 வாகனங்களுக்கு இடையிலான தகவல் தொடர்பு தொழில்நுட்பத்தை செயல்படுத்த ஒன்றிய அரசு மேற்கொண்டுள்ள நடவடிக்கை என்ன? மக்களவையில் - தயாநிதி மாறன் கேள்வி!

புதுடெல்லி, ஆக. 14–

நாடுமுழுவதும் V2V எனப்படும் வாகனங்களுக்கு இடையிலான தகவல் தொடர்பு தொழில்நுட்பத்தை செயல்படுத்த ஒன்றிய அரசு மேற்கொண்டுள்ள நடவடிக்கை என்ன?என்றும் V2V வன்பொருளுக்காக வாகன உரிமையாளர்களுக்கு நிதி உதவி வழங்க திட்டமிடப் பட்டுள்ளதா என்றும் ஒன்றிய தகவல் தொடர்புத் துறை அமைச்சர் திரு. ஜோதிராதித்ய சிந்தியா அவர்களிடம் கழக நாடாளுமன்றக் குழுத் துணைத் தலைவரும் மத்திய சென்னை நாடாளுமன்ற உறுப்பினருமான தயாநிதி மாறன் பல கேள்விகளை எழுப்பியுள்ளார்.

அதன் விவரங்கள் பின்வருமாறு:-

வாகனங்களுக்கு இடையிலான தகவல் தொடர்பு (V2V) தொழில்நுட்பத்திற்கான தரநிலைகள் மற்றும் செயல்படுத்தும் கட்டமைப்பை ஒன்றிய அரசு இறுதி செய்துள்ளதா? அவ்வாறெனில், அதன் விவரங்கள் என்ன?

குறிப்பாகத் தமிழ்நாட்டில், V2V தொழில்நுட்பத்தை பெருமளவில் செயல்படுத்துவதற்குத் தேவையான நாட்டின் சாலை உள்கட்டமைப்பு, டிஜிட்டல்இணைப்பு மற்றும்போக்குவரத்து மேலாண்மைஅமைப்புகளின் தயார்நிலை குறித்து அரசு ஆய்வு செய்துள்ளதா? ஆய்வு செய்திருப்பின் அதன் விவரங்கள் என்ன?

கட்டாயமாக்கப்படவுள்ள V2V வன்பொருளுக்காக (hardware) வாகன உரிமையாளர்களுக்கு நிதி உதவி அல்லது மானியங்களை வழங்க அரசு திட்டமிட்டி ருந்தால் அதன் விவரங்கள்என்ன? திட்டமிட வில்லையெனில் அதற்கான காரணங்கள் என்ன?

நாடு முழுவதும் இத்தொழில்நுட்பத்தை அறிமுகப்படுத்துவதற்கு முன்னதாக, பல்வேறு அமைப்புகளுடனான ஒருங்கிணைப்புத் திறன் (interoperability), இணையப் பாதுகாப்பு அபாயங்கள், ஓட்டுநர்களின் தயார் நிலை மற்றும் செலவுத் திறன்ஆகியவற்றை மதிப்பிடுவதற்கான முன்னோடித் திட்டங்கள் ஏதேனும் செயல்படுத்தப்பட்டனவா? அவ்வாறெனில், அவற்றின் முடிவுகள் என்ன?

மேற்கண்டவாறு தயாநிதிமாறன் கேள்விஎழுப்பினார்.