புதுடெல்லி, ஆக. 14 –
திருவண்ணாமலை வழியாக செல்லும் திண்டிவனம் -– கிருஷ்ணகிரி மற்றும் வேலூர் – விழுப்புரம் தேசிய நெடுஞ்சாலைகளை நான்கு வழிச்சாலைகளாக தரம் உயர்த்த வேண்டும். என ஒன்றிய அமைச்சரிடம் சி.என். அண்ணாதுரை எம்.பி. வலியுறுத்தியுள்ளார்.
இது குறித்து, சி.என்.அண்ணாதுரை எம்.பி. தெரிவித்ததாவது;
திருவண்ணாமலைக்கு வரும் பக்தர்கள் எண்ணிக்கை இதுவரை எப்போதும் இல்லாத அளவில் அதிகரித்துள்ளது. இனிவரும் காலங்களில், இதைவிட பல மடங்கு பக்தர்கள் வருகை அதிகரிக்கும் வாய்ப்பு உள்ளது. அதனால் இந்நகருக்கானவாகன போக்குவரத்தும் அதிகரித்துள்ளன.
எனவே திருவண்ணா மலை நகருக்கான பிரதான சாலைகளை நான்கு வழிச்சாலைகளாக தரம் உயர்த்துவது அவசியமாகியிருக்கிறது. அதன்படி, கடந்த திராவிட மாடல் ஆட்சியில முன்னாள் முதல்வர் மு.க. ஸ்டாலின் ஆணைப்படி, முன்னாள் அமைச்சர் எ.வ. வேலு முயற்சியால் திருவண்ணாமலையை இணைக்கும் திருக்கோவிலூர், கள்ளக்குறிச்சி, அரூர் செல்லும் மாநில நெடுஞ்சாலைகள் அனைத்தும் விரிவுபடுத்தப்பட்டன. அதனால் அந்த சாலைகளில் வாகன போக்குவரத்து அதிகரித்துள்ளது.
விபத்துகள் தவிர்க்கப்பட்டுள்ளது. பக்தர்களின் பாதுகாப்பான மற்றும் விரைவான பயணம் உறுதி செய்யப்பட்டிருக்கிறது. அதேபோல் திருவண்ணா மலை வழியாக செல்லும் திண்டிவனம்- – கிருஷ்ணகிரி மற்றும் வேலூர்-–விழுப்புரம் இடையிலான தேசிய நெடுஞ்சாலைகளையும் நான்கு வழிச்சாலைகளாக தரம் உயர்த்துவது அவசி மாகியிருக்கிறது. திண்டி வனம்- – கிருஷ்ணகிரி இடையிலான 182 கி.மீ சாலை 7 மீட்டரில் இருந்து 10 மீட்டராக விரிவுபடுத்தும் பணி, பல்வேறு சவால்களை கடந்து நிறைவேற்றப்பட் டது. ஆனாலும், தற்போதுள்ள போக்குவரத்துக்கு அந்த சாலை போதுமானதாக இல்லை. அதேபோல், ஆந்திரா, தெலங்கானா மாநிலங்களில் இருந்து ஏராளமான பக்தர்கள் திருவண் ணாமலை வருகின்றனர்.
எனவே அந்த மாநில பக்தர்கள் பயன்படுத்தும் வேலூர் – விழுப்புரம் சாலையை நான்கு வழிச்சாலையாக உயர்த்துவதும் அவசியமாகும். அதன் மூலம், தென் மாவட்டங்களில் இருந்து திருவண்ணாமலை வழியாக திருப்பதிக்கு செல்லும் பக்தர்களும் வார்கள். பயன்பெறு எனவே, இதுதொடர்பாக ஒன்றிய சாலை போக்குவரத்துத்துறை நிதின்கட்கரியை நேரில் சந்தித்து கோரிக்கை மனு அளித்திருக்கிறேன். ஆன்மிக நகரான திருவண்ணாமலை யின் சிறப்புகளையும், அங்கு வரும் பக்தர்களின் எண்ணிக்கை குறித்தும் அவரிடம் விளக்கியிருக்கிறேன்.
எனவே, திண்டிவனம் - கிருஷ்ணகிரி மற்றும் வேலூர் - விழுப்புரம் சாலைகளை நான்கு வழிசாலையாக தரம் உயர்த்துவது தொடர்பாக. விரிவான திட்ட அறிக்கை (டி.பி.ஆர்) தயாரிக்க நடவடிக்கை எடுக்கப்படும் அவர் தெரிவித்திருக்கிறார். இப்பணிகளை போராடி பெறுவதற்கான முயற்சியில் தொடர்ந்து ஈடுபடுவேன்.
இவ்வாறு அவர் தெரிவித்தார்.