#Title

தமிழ்நாட்டில் டிஜிட்டல் – தொலைத்தொடர்பு இணைப்பை மேம்படுத்த எடுத்துள்ள நடவடிக்கைகள் என்ன? மக்களவையில் – ஆ.மணி கேள்வி!

புதுடெல்லி, ஆக. 14 –

கடந்த மூன்று ஆண்டுகளில் தமிழ்நாட்டில்,குறிப்பாக கிராமப்புறங்கள் மற்றும் தொலைத்தொடர்பு வசதி குறைவாக உள்ள பகுதிகளில், டிஜிட்டல் மற்றும் தொலைத்தொடர்பு இணைப்பை மேம்படுத்த ஒன்றிய அரசு மேற்கொண்டுள்ள முக்கிய நடவடிக்கைகள் என்ன? என்று மக்களவையில் ஆ.மணி கேள்வி எழுப்பினார்.

கடந்த மூன்று ஆண்டுகால காலகட்டத்தில் தமிழ்நாட்டில் அதிவேக பிராட்பேண்ட் இணைய வசதியுடன் இணைக்கப்பட்டுள்ள கிராமங்கள்,கிராம ஊராட்சிகள் மற்றும் அரசுபொது நிறுவனங்களின் எண்ணிக்கை மற்றும் விவரங்கள் என்ன?

இதில் தருமபுரி மாவட்டத்தில் பிராட் பேண்ட் இணைய வசதி செய்து தரப்பட்டுள்ள கிராமங் கள், கிராம ஊராட்சிகள் மற்றும் அரசு பொது நிறுவனங்களின் விவரங்கள் என்ன?

தருமபுரி மாவட்டத்தில் மொபைல் நெட்வொர்க் சேவை மற்றும் இணைய வசதியை மேம்படுத்த புதிய தொலைத்தொடர்பு உள்கட்டமைப்புகளை அமைத்துள்ளதா? அவ்வாறு அமைத்திருந்தால், அதன் விவரங்கள் என்ன?

மேம்படுத்தப்பட்ட தொலைத் தொடர்பு இணைப்பின் மூலம் டிஜிட்டல் சேவைகள், மின்- ஆளுமை (e-Governance), இணையவழிக் கல்வி மற்றும் தொலை மருத்துவச் சேவைகளை (Telemedicine) தமிழ்நாட்டில் ஊக்குவிக்க எத்தகைய நடவடிக்கைகள்மேற்கொள்ளப்பட்டுள்ளன?

தருமபுரி மாவட்டம் உள்ளிட்ட தமிழ்நாட்டின் அனைத்து கிராமப்புறப் பகுதிகளுக்கும் நம்பகமான, அதிவேக தொலைத்தொடர்பு மற்றும் பிராட்பேண்ட்இணைய சேவைகளை வழங்குவதற்காக எதிர்காலத்தில் மேற்கொள்ளப்பட உள்ள கூடுதல் நடவடிக்கைகள் என்ன? என்று தகவல் தொடர்பு மற்றும் ஊரக வளர்ச்சித் துறை இணையமைச்சர் டாக்டர் பெம்மசானி சந்திரசேகரிடம் தருமபுரி நாடாளுமன்ற உறுப்பினர் வழக்கறிஞர். ஆ.மணி மக்களவையில் கேள்வி எழுப்பி உள்ளார்.