கள்ளக்குறிச்சி, ஆக.15–
கோவை தனியார் பொறியியல் கல்லூரியில் போதைப்பொருள் விற்றது தொடர்பான தகவல்களை தந்ததால் அடித்து கொலை செய்யப்பட்ட அமுதனின் வீட்டுக்கு கள்ளக்குறிச்சி வடக்கு மாவட்டக் கழக செயலாளர், சங்கராபுரம் தொகுதி முன்னாள் சட்டமன்ற உறுப்பினர் தா.உதயசூரியன் நேற்று முன்தினம் ஆகஸ்ட் 13 வியாழக்கிழமை அன்று நிர்வாகிகளுடன் வீடு தேடி சென்று ரூ.2 லட்சம் நிதி உதவி வழங்கி ஆறுதல் கூறினார்.
கள்ளக்குறிச்சி மாவட்டம், வடக்கனந்தல் பேரூராட்சிக்கு உட்பட்ட அம்பேத்கர் நகர் பகுதியை சேர்ந்தவர் கென்னடி, இவர் அரசு பள்ளியில் ஆசிரியராக பணிபுரிந்து வருகிறார், இவருடைய மனைவி சுமதி, இவர்களுக்கு சார்லஸ், அமுதன் என்ற இரு மகன்கள் உள்ளனர், இதில் அமுதன் கோவையில் உள்ள தனியார் பொறியியல் கல்லூரியில் மூன்றாம் ஆண்டு படித்து வருகிறார். இந்த நிலையில் ஆகஸ்ட் 10 அன்று கோவையில் சில மாணவர்கள் ஒன்று சேர்ந்து அமுதன்மீது கொலை வெறி தாக்குதல் நடத்தியதில் அவர் இறந்துவிட்டார், இறந்து போன மாணவன் அமுதனின் உடல் கடந்தபுதன்கிழமை அன்று சொந்தஊரான வடக்கனந்தல்
பகுதியில் அடக்கம் செய்யப்பட்டது, இந்த மாணவனின் இறப்புக்கு அரசே பொறுப்பேற்க வேண்டும் என்று சட்ட சபையில் உதயநிதி ஸ்டாலின் அவர்கள் பேசினார்,
இந்த நிலையில் இதுகுறித்து கழகத் தலைவர் மு.க.ஸ்டாலின், தமிழ்நாடு எதிர்க்கட்சித் தலைவர், கழக இளைஞரணி செயலாளர் உதயநிதி ஸ்டாலின், முன்னாள் அமைச்சர், கொறடா எ.வ.வேலு ஆகியோரின் உத்தரவின் பேரில், வடக்கு மாவட்டக் கழக செயலாளர் தா.உதயசூரி யன் நிர்வாகிகளுடன் நேரில் சென்று அமுதனின் பெற்றோருக்கு ஆறுதல் கூறி தி.மு.க. சார்பில் ரூ.2 லட்சம் நிவாரணத் தொகையையும் வழங்கியதுடன் இரண்டாவது மகனின் முழு கல்வி செலவையும் ஏற்றுக்கொண்டார். தொடர்ந்து குடும்பத்திற்கு வேண்டிய உதவிகளையும் தி.மு.க. செய்யும் என்றும்உறுதி கூறினார்.
அப்பொழுது அவரிடம் பெற்றோர்கள் தனது மகனின் இறப்புக்கு தக்க நீதி கிடைக்க வேண்டும் அதற்கு உதயநிதி சார் உதவிட வேண்டும் அவரால் மட்டும் தான் அது முடியும் என்று கண்ணீருடன் வேண்டுகோளையும் வைத்தனர். இந்த நிகழ்வின் போது வடக்கனந்தல் பேரூராட்சி மன்ற தலைவர் பன்னீர்செல்வம், மாநில மகளிர் அணி துணை செயலாளர் அங்கையற்கண்ணி, சின்னசேலம் வடக்கு ஒன்றிய கழக செயலாளர் அன்பு மணிமாறன், பேரூர் கழக செயலாளர் ஜெயவேல் உள்ளிட்ட நிர்வாகிகள் தொண்டர்கள் பலர் உடனிருந்தனர்.