கோவை, ஆக. 15–

கோவை கல்­லூ­ரி­யில் மாண­வர் அமு­தனை போதை கும்­பல் படு­கொலை செய்­ததை மூடி மறைக்க முயற்­சிக்­கும் த.வெ.க. அரசை கண்­டித்து தி.மு.க. மாண­வ­ரணிசார்­பில் கோவை­யில் மாபெ­ரும் கண்­டன ஆர்ப்­பாட்­டம் நடை­ பெற்­றது.

கோவை தனி­யார் கல்­லூ­ரி­யில் போதை பொருள் புழக்­கத்தை பற்றி கல்­லூரி நிர்­வா­கத்­தி­டம் புகார் அளித்த மாண­வர் அமு­தன் போதை பொருள் கும்­பல் கொடூ­ர­மான முறை­யில் படு­கொலை செய்­யப்­பட்­டுள்­ள­தாக புகார் கூறப்­பட்­டுள்­ளது. கல்­லூ­ரிக்­குள் கோஷ்டி மோத­லால் நிகழ்ந்த கொலை என சட்­டப்­பே­ர­வை­யில் பொய் கூறிய அமைச்­சர் ராஜ்­மோ­க­னுக்கு மாண­வர் அமு­த­னின் பெற்­றோர் கண்­ட­னம் தெரி­வித்­துள்­ள­னர். மாண­வ­னின் கொலையை கல்­லூரி நிர்­வா­க­மும், ஆளும் த.வெ.க. அர­சின் காவல் துறை­யும் மூடி மறைக்க முயற்­சித்து வரு­கின்­ற­னர் என தி.மு.க. மாண­வ­ரணி குற்­றம் சாட்­டி­யுள்­ளது.

இந்­நி­லை­யில், த.வெ.க. அர­சின் கைப்­பாவை­யான காவல் துறை­யை­யும், கல்­லூரி நிர்­வா­கத்­தை­யும்கண்­டித்து கோவை­யில் தி.மு.க. மாண­வ­ரணி சார்­பில் மாபெ­ரும் கண்­டனஆர்ப்­பாட்­டம் நடை­பெற்­றது. பல்­லா­யி­ரக்­க­ணக்­கா­னோர் கலந்து கொண்ட இந்த கண்­டன ஆர்ப்­பாட்­டத்­தில், மாண­வர் கொலையை மூடி மறைக்க முயற்­சிக்­கும் த.வெ.க அர­சுக்கு எதி­ரா­க­வும், மாண­வர் கொலைக்கு நீதி கேட்­டும் விண்­ண­திர முழக்­க­மிட்­ட­னர்.

தொழில் நக­ர­மாக திக­ழும் கோவை மாந­கரை, த.வெ.க. ஆட்­சிக்கு வந்த மூன்று மாதங்­க­ளில் கொலை நக­ர­மாக மாற்­றி­விட்­ட­தா­க­வும் ஆர்ப்­பாட்­டத்­தில் ஈடு­பட்­ட­வர்­கள் முழக்­க­மிட்­ட­னர். இதற்­கெல்­லாம் மக்­கள் நீதி­மன்­றத்­தில் பதில் சொல்­லா­மல், முத­ல­மைச்­சர் விஜய் தொடர்ந்து மௌனத்­தையே மக்­க­ளுக்கு பதி­லாக அளிப்­ப­தா­க­வும் சாடி­னர்.

கோவை தெற்கு மாவட்ட செய­லா­ளர் தள­பதி முரு­கே­சன்தலை­மை­யில் நடை­பெற்ற இந்த கண்­டனஆர்ப்­பாட்­டத்­தில், தி.மு.க. மாநில மாண­வ­ரணி செய­லா­ளர் வீர­மணி, கோவை மாந­கர் மாவட்டபொறுப்­பா­ளர் துரை செந்­தமிழ்ச் செல்­வன், வடக்கு மாவட்டச் செய­லா­ளர் தொண்­டா­முத்­தூர் ரவி, மேயர் ரங்­க­நாயகி, நாடா­ளு­மன்ற உறுப்­பி­னர் ஈஸ்­வ­ர­சாமி, சட்­ட­மன்ற உறுப்­பி­னர் சுதா­கர், மாநில மாண­வ­ரணி துணைச் செய­லா­ளர்­கள் கோகுல், பிரபு, அந்­தோணி உள்­ளிட்ட தி.மு.க. நிர்­வா­கி­கள் கலந்து கொண்­ட­னர்.