#Title

கோவை தனியார் கல்லூரியில் போதை கும்பலால் அடித்து கொலை செய்யப்பட்ட கள்ளக்குறிச்சி மாணவர் அமுதன் மரணத்திற்கு நீதி விசாரணை கேட்டு தி.மு.க. சார்பில் கண்டனப் பேரணி! மாவட்ட கழக செயலாளர் வசந்தம் க.கார்த்திகேயன் எம்.எல்.ஏ. அறிவிப்பு!

கள்ளக்குறிச்சி, ஆக. 15-

கோவை தனியார் கல்லூரியில் போதை கும்பலால் கொலை செய்யப்பட்ட கள்ளக்குறிச்சி மாவட்டத்தைச் சேர்ந்த மாணவர் அமுதனின் மரணத்திற்கு நீதி விசாரணை கேட்டு திமுக சார்பில் மாவட்ட கழக செயலாளர் வசந்தம் க.கார்த்திகேயன் எம்எல்ஏ தலைமையில் நாளை ஞாயிற்றுக்கிழமை மாலை 4 மணிக்கு மாபெரும் கண்டன பேரணி நடைபெறுகிறது என ஒருங்கிணைந்த மாவட்ட கழகம் அறிவித்துள்ளது.

இதன் விவரம் வருமாறு:–

கோவை தனியார் இன்ஜினியரிங் கல்லூரியில் படித்து வந்த கள்ளக்குறிச்சியை சேர்ந்த ஆசிரியர் கென்னடி-சுமதி ஆகியோரின் மகன் அமுதன் என்பவரை அதே கல்லூரியை சேர்ந்த மாணவர்கள் மற்றும் 20க்கும் மேற்பட்ட கும்பல் கத்தியால் குத்தியும், இரும்பு பைப்புகளால் அடித்தும் படுகொலை செய்யப்படுவதற்கு காரணமான வர்கள் மீது நடவடிக்கை எடுக்க கோரியும் தமிழ்நாட்டில் போதைப்பொருட்கள் விநியோகத்தை தடுக்க திராணியற்ற தவெக அரசை கண்டித்தும், ஒருங்கிணைந்த கள்ளக்குறிச்சி மாவட்ட திராவிட முன்னேற்றக் கழகம் மற்றும் தோழமைக் கட்சிகளின் சார்பில் மாபெரும் கண்டண பேரணி,

தெற்கு மாவட்ட கழக செயலாளர், ரிஷிவந்தியம் தொகுதி சட்டமன்ற உறுப்பினர் வசந்தம் க.கார்த்திகேயன் தலைமையில், வடக்கு மாவட்ட கழக செயலாளர் தா.உதயசூரியன் முன்னிலையில், நாளை (ஆகஸ்ட் 16 ஞாயிற்றுக்கிழமை) மாலை 4 மணி அளவில் கள்ளக்குறிச்சிஅம்பேத்கர் சிலை முதல் மந்தகரை அண்ணா சிலை வரை பேரணி நடைபெறுகிறது என ஒருங்கிணைந்த கள்ளக்குறிச்சி மாவட்ட கழகம் அறிவித்துள்ளது,

ஆகவே இந்த கண்டன பேரணியில் தோழமைக்கட்சிகளின் மாவட்ட செயலாளர்கள் மற்றும் நிர்வாகிகள், கழகத்தின் மாநில, மாவட்ட ஒன்றிய, நகர, பேரூர் கிளைக் கழக நிர்வாகிகள், சார்பு அணிகளின் அமைப்பாளர்கள் துணை அமைப்பாளர்கள், கழகத்தின் உடன்பிறப்புகள், தொண்டர்கள், பொதுமக்கள் என ஏராளமானோர்கலந்துகொண்டு கள்ளக்குறிச்சி மாணவர் அமுதனின் மரணத்திற்கு காரணமாக இருக்கும் போதை கும்பலையும் அதற்கு உறுதுணையாக இருப்பவர்களையும் கைது செய்து தகுந்த நடவடிக்கை எடுக்க போராட வேண்டும், ஆகவே அனைவரும் வருக ஆதரவு தருக என ஒருங்கிணைந்த கள்ளக்குறிச்சி மாவட்ட திமுக சார்பில் அழைப்பு விடுத்துள்ளனர்.