புதுடெல்லி,ஆக.15–
திராவிட முன்னேற்றக் கழக, மேலவை உறுப்பினர் திரு. எஸ்.ஆர். சிவலிங்கம் அவர்கள் 13 ஆகஸ்ட் 2026 அன்று மாநிலங்களவையில் விவசாயக் காடுகளை வளர்த்தெடுக்கவும், மரங்களின் வியாபாரத்தை அதிகரித்து விவசாயகளின் வருமானத்தை பெருக்கவும், மரம் வெட்டும் தொழிலை ஒழுங்குப்படுத்தவும் ஒன்றிய அரசிடம் ஏதேனும் திட்டங்கள் உள்ளதா? என்றும் அதன் விவரங்களை உறுப்பினர்களுக்கு தெரிவிக்க இயலுமா? என்றும் ஒன்றிய அரசின் மாண்புமிகு சுற்றுச் சூழல் துறை இணையமைச்சர் திரு கீர்த்தி வரதன் சிங் அவர்களிடம் விரிவான கேள்வியை எழுப்பினார்.
ஒன்றியஅரசின் மாண்புமிகு சுற்றுச் சூழல் துறை இணையமைச்சர் அவர்கள் அளித்தபதில் பின் வருமாறு:-
இந்திய காடுகள் சட்டம் 1927ன் படி அந்தந்த மாநில அரசுகளே மரம் வெட்டும் தொழிலை ஒழுங்கு படுத்தி வருகிறது என்றும், ஒன்றிய அரசு வழிகாட்டு நெறிமுறைகளைப் பல்வேறு ஆலோசனைகளையும் அளித்து வருகிறது என்றும் மரங்கள் சார்ந்த தொழிற்சாலைகளுக்கென தனியாக 2016ஆம் ஆண்டில் விதிகள் ஏற்படுத்தப்பட்டுள்ளன என்றும், இந்திய காடுகள் ஆராய்ச்சி மற்றும் கல்வி குழுமம் வழிகாட்டுதலின்படி விவசாயத் காடுகளுக்கென 69 வகை மரங்கள் கண்டறியப்பட்டுள்ளன என்றும், இவற்றை வளர்ப்பதன் மூலம் விவசாயிகளின் வருமானத்தை பெருக்க ஒன்றிய அரசு உதவி வருகிறது என்று இணையமைச்சர் மாநிலங்கள வையில் தெரிவித்தார்.
மேலும் மூங்கில் மர வளர்ப்பிற்காகவும் அதனை சார்ந்த தொழில்களை ஊக்கப்படுத்த கடந்த 2022ஆம் ஆண்டில் கொள்கை முடிவுகளை வெளியிட்டுள்ளது என்றும் செம்மரங்கள், சந்தன மரங்கள் போன்ற முக்கியமான 36 மர வகை களுக்கான விழிப்புணர்வு கைளேடுகள் புத்தகங்கள் ஆகியவற்றை ஒன்றிய அரசு வெளியிட்டுள்ளது என்றும், பல்வேறு மாநிலங்களிடையே நடைபெறும் மரங்களின் வியாபாரத்தை ஒழுங்குபடுத்த கணிணி செயலிகள் மூலம் உரிய அனுமதிகள் வழங்கப் படுகின்றன என்றும், தடையில்லா சான்றிதழ்கள் பெறுவது எளிதாக்கப்பட்டுள்ளது ன்றும் இதற்கான மாதிரி விதிகள் 2025ல் உருவாக்கப்பட்டு விவசாயிகளின் வாழ்வாதாரத்தை பெருக்க ஒன்றிய அரசு அனைத்து முயற்சிகளையும் எடுத்து வருவதாக ஒன்றிய அரசின் மாண்புமிகு சுற்றுச் சூழல் துறை இணையமைச்சர் திரு கீர்த்தி வரதன் சிங் அவர்கள் மாநிலங்களவையில் திமுக மேலவை உறுப்பினர் திரு. எஸ்.ஆர். சிவலிங்கம் எழுப்பிய கேள்விக்கு விரிவான பதிலை அளித்துள்ளார்.