தென்காசி, ஆக.15 –
தென்காசி மாவட்டத்தில் பிரதம மந்திரி கிசான் சம்படா யோஜனா (PMKSY) திட்டத்தின் கீழ் தென்காசியில் உணவு பதப்படுத்தும் தொகுப்பு (Food Processing Cluster) அமைக்க வேண்டி ஒன்றிய அரசின் உணவு பதப்படுத்துதல் தொழில்த்துறை அமைச்சர் சிராக் பாஸ்வானிடம் தென்காசி நாடாளுமன்ற உறுப்பினர் மருத்துவர் ராணி ஸ்ரீகுமார் கோரிக்கை மனு வழங்கியுள்ளார்.
டெல்லி நாடாளுமன்ற கூட்டத்தொடரில் 13.08.2026 அன்று காலை ஒன்றிய அரசின் உணவு பதப்படுத்துதல்
தொழில்த்துறை அமைச்சர் சிராக் பாஸ்வானிடம் தென்காசி மாவட்டத்தில் பிரதம மந்திரி கிசான் சம்படா யோஜனா (PMKSY) திட்டத்தின் கீழ் தென்காசியில் உணவு பதப்படுத்தும் தொகுப்பு (Food Processing Cluster) அமைக்க வேண்டுமென தென்காசி நாடாளுமன்ற உறுப்பினர் மரு.ராணிஸ்ரீகுமார் கோரிக்கை மனுவை வழங்கி வலியுறுத்தினார்.
அதற்கு ஒன்றிய அமைச்சர் கண்டிப்பாக மனுவை பரிசீலனை செய்து கோரிக்கையை நிறைவேற்றிட நடவடிக்கை எடுப்பதாக உறுதி அளித்துள்ளார்.
அந்த கோரிக்கை மனுவின் விபரம் வருமாறு.
தமிழ்நாட்டின் தென்காசி மாவட்டத்தில் உள்ள விவசாயத் துறை சார்ந்த ஒரு முக்கிய கோரிக்கையை, அரசின் உடனடி கவனத்திற்குக் கொண்டுவர விரும்புகிறேன்.தென்காசி மாவட்டம் மாம்பழம்,எலுமிச்சை,வாழை மற்றும் தேங்காய் உற்பத்தியில் முக்கிய பங்கு வகிக்கிறது.இருப்பினும்,நவீன சேமிப்பு மற்றும் உணவு பதப்படுத்தும் வசதிகள்இல்லாததால்,அறுவடைக்குப் பிந்தைய நிலையில் விவசாயிகள் கடுமையான இழப்புகளைச் சந்திக்கின்றனர். இதனால், விளைபொருட் களைக் குறைந்த விலைக்கு விற்க வேண்டிய கட்டாயம், வருவாய் இழப்புமற்றும் மதிப்பு கூட்டுதலுக்கான வாய்ப்புகளை இழத்தல் போன்ற சிக்கல்கள் ஏற்படுகின்றன.
உணவு பதப்படுத்தும் தொழில்கள் அமைச்சகத்தின் கீழ் செயல்படுத்தப்படும் ‘பிரதான் மந்திரி கிசான் சம்பதா யோஜனா’ (PMKSY) திட்டம், உள்கட்டமைப்பு மேம்பாடு,பதப்படுத்தும் அலகுகள்,குளிர்பதனக் கிடங்குகள் மற்றும் சரக்குக் கையாளும் வசதிகள் (logistics) ஆகியவற்றை உள்ளடக்கிய ‘உணவு பதப்படுத்தும் தொகுப்புகளை’ (Food Processing Clusters) அமைக்க நிதி உதவியை வழங்குகிறது.
ஆனால் தென்காசி மாவட்டத்தில் விவசாயம் சார்ந்த சிறந்த வாய்ப்புகள் இருந்தபோதிலும்,இத்திட்டத்தில் தென்காசி மாவட்டம் இதுவரை சேர்க்கப்படவில்லை.தென்காசியில் பிரத்யேக உணவு பதப்படுத்தும் தொகுப்பு ஒன்றை அமைப்பதன் மூலம் பின்வரும் நன்மைகள் கிடைக்கும்:
1.விவசாயம் சார்ந்த பொருட்கள் வீணாவதைக் குறைத்து, அப்பொருளில் மதிப்பு கூட்டுதலை அதிகரிப்பதன் மூலம் விவசாயிகளின் வருமானம் உயரும். உணவு பதப்படுத்துதல், பேக்கேஜிங் மற்றும் சரக்குக் கையாளுதல் ஆகிய துறைகளில் வேலைவாய்ப்புகள் உருவாக்கப்படும்.
2.விவசாயம் சார்ந்த தொழில்கள் ஊக்குவிக்கப்படுவதோடு, உள்ளூர் தொழில்முனைவோரும் ஊக்கப்படுத்தப் படுவார்கள்.விவசாயிகள் தங்கள் விளைபொருட்களைப் போட்டித்தன்மை வாய்ந்த விலையில் விற்பனை செய்வதற்கான சந்தை வாய்ப்புகள் மேம்படுத்தப்படும்.
எனவே,மிகவும் அவசியமான இந்த உள்கட்டமைப்பை உருவாக்கத் தேவையான நிதி மற்றும் செயல்பாட்டு உதவிகளை உறுதி செய்து,PMKSY திட்டத்தின் கீழ் தென்காசியில் ஒரு உணவு பதப்படுத்தும் தொகுப்புக்கு ஒப்புதல் அளிக்குமாறு கேட்டுக் கொள்கிறேன்.
இவ்வாறு அவர் மனுவில் கூறியுள்ளார்.