மேட்டூர், ஆக.15–
கர்நாடகாவில் காவிரி நீர்ப்பிடிப்பு பகுதிகளில் கடந்த வாரம் கனமழை கொட்டித்தீர்த்தது. இதன்காரணமாக, கபினி, கே.ஆர்.எஸ். உள்ளிட்ட அணைகளின் நீர்மட்டம் உயர்ந்தது. இதையடுத்து, வேறுவழியின்றி உபரி நீரை கர்நாடகா அரசு திறந்து விட்டது.
கர்நாடகா அணைகளில் திறந்து விட்ட உபரி நீர் காரணமாக, மேட்டூர் அணைக்கு நீர்வரத்து அதிகரித்தது. கடந்த சில நாட்களாக வினாடிக்கு 8 ஆயிரத்து 600 கன அடி வரை வந்து கொண்டிருந்த நிலையில் தற்போது அணைக்கான நீர்வரத்து வினாடிக்கு 6 ஆயிரத்து 247 கன அடியாக குறைந்துள்ளது. மேட்டூர் அணையின் நீர்மட்டம் 80 புள்ளி 7 அடியாக உள்ளது. அணையில் இருந்து குடிநீர் தேவைக்காக வினாடிக்கு ஆயிரத்து 500 கன அடி நீர் திறக்கப்பட்டு வருகிறது.
சென்னை, ஆக.15–
சென்னை பல்கலைக்கழகப் பேராசிரியர் கதிரவன் வெளியிட்டுள்ள அறிக்கையில், த.வெ.க. அரசின் வெற்றி வீடு திட்டத்திற்கு 330 கோடியை பட்டியலின மக்களின் நிதியிலிருந்து மாற்றம் செய்துள்ளது என்றும், தாய்மாமன் தங்க மோதிரம் திட்டத்திற்கு 112 கோடியும் மற்றும் அண்ணனின் சீர்வரிசை என தங்கம் வழங்கும் திட்டத்திற்கான நிதி 812 கோடி ரூபாயும் பட்டியலின மக்களுக்கு ஒதுக்கப்படும் நிதியிலிருந்து ஒதுக்கீடு செய்துள்ளதாக அவர் தெரிவித்துள்ளார்.
மேலும், அரசு பெரும்பாலான நிதியினை பொது திட்டங்களுக்கு ஆதிதிராவிட நிதியிலிருந்து செயல்படுத்தி வருகின்றது என்றும், புலிகள் பாதுகாப்பு திட்டத்திற்கு ஆதிதிராவிடர் நலத்திட்ட நிதியிலிருந்து நிதி ஒதுக்கப்படுகின்றது, இது எவ்விதத்தில் ஆதிதிராவிட மக்களின் வாழ்க்கையை மேம்படுத்தும் என்று தெரியவில்லைஎன்றும், அதுபோல் ஆதிதிராவிட நிதியிலிருந்து மாநிலத் தோட்டக்கலை வளர்ச்சி திட்டத்திற்கும் நிதி ஒதுக்கப்படுகிறது என்றும் அவர் குறிப்பிட்டுள் ளார்.
தமிழ்நாடு அரசு பட்டியலின மக்களின் வளர்ச்சிக்கு என சிறப்பு திட்டங்களை உருவாக்காமல் பொது பிரிவினருக்கு வழங்குகின்ற திட்டங்களை ஆதிதிராவிடர்களுக்கும் வழங்குகின்றோம் என்று கூறி அந்தத் திட்டத்திற்கான முழு நிதியினை ஆதிதிராவிட நிதியிலிருந்து எடுத்து செலவழித்து வருகின்றது என்பது வேதனைக்கு உரியதாகும் என்று அவர் குறிப்பிட்டுள்ளார்.