திருவண்ணாமலை, ஆக. 17 –
கர்ப்பிணி தாய்மார்களுக்கு உடல் ஆரோக்கியத்தைவிட, மன ஆரோக்கியமே முக்கியம், கர்ப்ப காலம் முழுவதும் மகிழ்ச்சியோடு இருக்க வேண்டுமென திருவண்ணாமலை தூய்மை அருணை சார்பில் நடைபெற்ற வளைகாப்பு விழாவில் கலந்து கொண்டு, முன்னாள் அமைச்சர் சி.வெ.கணேசன் அவர்கள் பரிசு பெட்டகங்கள் வழங்கி வாழ்த்தி பேசும்போது குறிப்பிட்டார்.
திருவண்ணாமலையில் தொண்டு செய்வோம், துணை நிற்போம் என்ற முழக்கத்தோடு கடந்த 7 ஆண்டுகளாக பொதுப்பணித் துறை அமைச்சர் எ.வ. வேலு அவர்களை அமைப்பாளராகக் கொண்டு, தூய்மை அருணை திட்டம் செயல்பட்டு வருகிறது. தூய்மை அருணை திட்டத்திற்கு 4 மேற்பார்வையாளர்களும், 39 வார்டுக்கு 39 ஒருங்கிணைப்பாளர்களும், மாட வீதி தூய்மைப் பணிக்கு 7 ஒருங்கிணைப்பாளர்களும் ஒவ்வொரு வார்டுக்கும் 25 தூய்மைக் காவலர்கள் என ஆயிரக் கணக்கானோர் மரம் நடுதல், பராமரித்தல், கால்வாய் மற்றும் தூர்வாருதல் என செயல்பட்டு வருகின்றனர்.
அதனை தொடர்ந்து மாதந்தோறும் கர்ப்பிணி பெண்களுக்கு வளைகாப்பு விழாவை கடந்த 2025-ஜுலை மாதம் பொதுப்பணித்துறை அமைச்சர் தொடங்கி வைத்தார்.
16.08.2026 ஞாயிற்றுக்கிழமை காலை 9.30மணிக்கு, திருவண்ணாமலை, காந்தி நகர் பைபாஸ் சாலையில் உள்ள நகர்ப்புற அருணை மருத்துவமனை வளாகத்தில், தூய்மை அருணை சார்பில், கர்ப்பிணி பெண்களுக்கு வளைகாப்பு விழா நடைபெற்றது.
விழாவிற்கு அருணை மருத்துவக் கல்லூரி முதல்வர் டாக்டர் குணசிங் தலைமை வகித்தார்.
அருணை கல்விக்குழுமங்களின் துணைத் தலைவர் எ.வ.வே.குமரன், அருணை மருத்துவக் கல்லூரி மருத்துவமனை சி.இ.ஒ. பேராசிரியர் அசோக் தியாகராஜன் ஆகியோர் முன்னிலை வகித்தனர்.தூய்மை அருணை மேற்பார்வையாளர் டாக்டர் எ.வ.வே.கம்பன் அனைவரையும் வரவேற்றுப் பேசினார்.
விழாவில் கலந்து கொண்டு முன்னாள் தொழிலாளர் நலத்துறை அமைச்சரும், சட்டமன்ற உறுப்பினருமான சி.வெ.கணேசன் அவர்கள், கர்ப்பிணி பெண்களுக்கு பட்டுச்சேலை, இனிப்புகள், தின்பண்டங்கள் மற்றும் மங்கலப்பொருட்கள் அடங்கிய பெட்டகங்களை வழங்கி வாழ்த்திப் பேசினார். அவர் உரையாற்றும்போது...
கடந்த 20 ஆண்டுகளாக முன்னாள் அமைச்சர் அண்ணன் எ.வ.வேலு அவர்களின் உடன்பிறவா சகோதரராக விளங்கி வருகிறேன். இங்கே வருகை தந்திருக்கிற கர்ப்பிணி பெண்கள் அனை வருக்கும் என்னுடைய மகள் வயதுதான் இருக்கும். நீங்களெல்லாம் மக்களை பெற்ற மகராசியாக பல்லாண்டு காலம் வாழ வேண்டும்.
திருவண்ணாமலை அண்ணாமலையாரை தரிசிக்க உலகமெங்கும் இருந்து இலட்சக்கணக்கான ஆன்மீகப் பெருமக்கள் வருகை தருகிறார்கள். திருவண்ணா மலை யின் ஒன்பது பக்க சாலைகளையும், நான்கு வழிச் சாலைகளோ என வியக்கும் வண்ணம் அண்ணன் எ.வ.வேலு செய்திருக்கிறார். இந்த தொகுதிக்கு தேவையான அனைத்தையும் அண்ணன் எ.வ.வேலு செய்து முடித்தி ருக்கிறார்.
5, 7, 9 ஆகிய மாதங்களில் தான் பெண்களுக்கு வளைகாப்பு விழா நடத்துவார்கள். அதுவும் பெண் வீட்டில்தான், உற்றார் உறவினரோடு சிறப்பாக நடைபெறும். தந்தைதான் முன்னின்று நடத்துவார். பெண்களுக்கு கணவனைவிட அப்பாவைத்தான் எப்போதும் நினைத்துக்கொண்டிருப்பார்கள். இங்கு உங்களுக்கு தந்தை இடத்திலிருந்து அண்ணன் எ.வ.வேலு அவர்கள் இந்த விழாவை நடத்தி வருகிறார். 30, 40 வருடங்களுக்கு முன்பு இந்த மருத்துவ வசதிகள் கிடையாது. எனக்கு தெரிந்து கிராமங்களில் மசக்கையின்போது சாம்பல், மண்ணு, புளியம்பழம், மாங்காய் இவற்றை உண்ணுவார்கள். இதையெல்லாம் நீங்கள் தவிர்க்க வேண்டும்.
150 நாள் குழந்தையைக் கூட காப்பாற்ற முடியும். இதை மருத்துவ உலகம் சாதித்துக் காட்டியிருக்கிறது. உடல் ஆரோக்கியம் எவ்வளவு முக்கியமோ, அதைவிட மன ஆரோக்கியம் முக்கியம். கர்ப்பக் காலம் முழுவதும் உங்கள் மனம் மகிழ்ச்சியில் திளைக்க வேண்டும். கோபம், ஆத்திரம், மகிழ்ச்சி இவை அனைத்தும் உங்களுக்கு பிறக்கப் போகும் குழந்தைக்கும்போய் சேரும். எனவே மகிழ்ச்சியாக இருங்கள். டி.வி. செல்போனை தவிர்த்துவிடுங்கள். குடும்பத்தா ரோடு மகிழ்ச்சியாக உரையாடுங்கள்.
அதிகம் பெற்றால் அல்லல் மயம், இரண்டு பெற்றால் இன்ப மயம், ஒன்று பெற்றால் ஒளி மயம், நாம் இருவர் நமக்கேன் ஒருவர் என வாழ்ந்தது போதும், இதனால் நமக்கு நாடாளுமன்றத் தொகுதிகள் குறைவதற்கான வாய்ப்புகள் இருக்கிறது. அதனால் ஆணோ, பெண்ணோ இரண்டு குழந்தைகள் பெற்றுக்கொள்ளுங்கள். பெண் என்று கவலைப்படாதீர்கள். இந்தியாவிலேயே பெண்கள் அதிகம் வேலைக்கு செல்கிற மாநிலம் தமிழ்நாடு. நம் தலைவர் பெண்களுக்கு சொத்தில் சமபங்கு தரவேண்டும் என்று சட்டம் கொண்டுவந்துள்ளார். தலைவர் மு.க. ஸ்டாலின் பெண்களுக்கு மாதம் ரூபாய் ஆயிரம், பெண்களுக்கு 50சதவீதம் இடஒதுக்கீடு, பெண்களுக்கு பேருந்தில் விடியல் பயணம், கல்லூரி பயிலும் பெண்களுக்கு புதுமைப்பெண் திட்டத்தில் மாதம் ரூபாய் ஆயிரம் என வழங்கியுள்ளது தொடர்கிறது.
இனி வருங்காலங்களில் ஆண்கள், பெண்களுக்கு வரதட்சணையாக 100 பவுன், கார் இவற்றையெல்லாம் வாங்கித்தந்தால்தான் பெண் தருவார்கள் என்ற காலம் விரைவில் வரும். நீங்கள் சுகப்பிர சவத்தில் ஆரோக்கியமான குழந்தைகளைப் பெற்று நாட்டிற்கும், வீட்டிற்கும் நல்ல குடிமக்களை உருவாக்கிட வாழ்த்தி விடை பெறுகிறேன்.
இவ்வாறு உரையாற்றினார்.
மருத்துவ ஆலோசனைகளை, மகப்பேறு மருத்துவர் டாக்டர் கவிதா வழங்கினார்.
நிறைவாக தூய்மை அருணை மேற்பார்வையாளர் ப.கார்த்தி வேல்மாறன் நன்றி கூறினார்.
விழாவில் டி.வி.எம்.நேரு, குட்டி க.புகழேந்தி, சி.எஸ்.சண்முகம், வழக்கறிஞர் கிருஷ்ணமூர்த்தி, ஆ.தே.முருகையன், பி.ஆர்.நாகராஜ், ஆர்.வெங்கடேஷ், சாம்.ரகுநாத், மணி (எ) விக்ணேஷ், பா.தீபன் உட்பட பலர் கலந்து கொண்டனர்.
விழாவிற்கான ஏற்பாடுகளை மேற்பார்வையாளர்கள் நாடாளுமன்ற உறுப்பினர் சி.என்.அண்ணாதுரை, இரா.ஸ்ரீதரன், முன்னாள் சட்டமன்ற உறுப்பினர் மு.பெ.கிரி, பிரியா ப.விஜயரங்கன், இல.குணசேகரன் ஆகியோர் செய்திருந்தனர்.