சென்னை, ஆக. 17 –

“தமிழ்நாட்டை பாதிக்கும் கனிம வள திருத்த மசோதா குறித்து த.வெ.க. அரசு வாய்மூடி இருப்பது ஏன்?” என்று நாடாளுமன்ற கழகக் குழுத் தலைவா கனிமொழி கருணாநிதி கண்டனம் தெரிவித்துள்ளார்.

தூத்துக்குடி விமான நிலையத்தில் திமுக துணைப் பொதுச்செயலாளரும், நாடாளு மன்ற உறுப்பினருமான கனிமொழி கருணாநிதி செய்தியாளர்களை சந்தித்தார். அப்போது அவர் செய்தியாளர்களிடம் கூறியதாவது:

இதுவரை ஒன்றிய அரசை எதிர்த்து தவெக அரசில் இருக்கக்கூடியவர்களோ, முதலமைச் சரோ, அமைச்சர்களோ எந்தக் கேள்வியும் எழுப்பியதாக எனக்குத் தெரியவில்லை. தமிழ்நாட்டை பாதிக்கும் வகையில் மூன்று நாட்களுக்கு முன்பு கனிம வளங்கள் (மேம்பாடு மற்றும் ஒழுங்குமுறை) திருத்த மசோதா நிறை வேற்றப்பட்டுள்ளது. இதனால் தமிழ்நாட்டிற்கு வரவேண்டிய நிதித் தொகை மிகப்பெரிய அளவில் பாதிக்கக் கூடியதோடு, மாநில உரிமைகளையும் பாதிக்கப்படும். ஆனால், இதுதொடர்பாக எந்தவிதமான விவாதமும் நடைபெறவில்லை. இதுபற்றி இதுவரை தவெக அரசோ, அமைச்சர்களோ பேசவில்லை

மேலும், தமிழ்நாட்டை பாதிக்கக்கூடிய இந்த முக்கியமான விவகாரம் குறித்து இன்று வரை தவெக அரசு எந்தக் கருத்தையும் தெரிவிக்க வில்லை. ஒன்றிய அரசை எதிர்ப்போம் என்று வாய் வார்த்தையாகச் சொல்கிறார்களே தவிர, தமிழகத்தைப் பாதிக்கக்கூடிய பிரச்சனைகளில் எதையும் எதிர்த்து பேசுவதில்லை என்பதுதான் உண்மை.

தி.மு.க. – அ.தி.மு.க. கூட்டணிக்கு வாய்ப்பில்லை!

திராவிட முன்னேற்றக் கழகத்தின் முதல மைச்சராக இருந்த மு.க.ஸ்டாலின் கொண்டு வந்த திட்டத்தின் முக்கியத்துவத்தை உணர்ந்து, தற்போதைய அரசு முதலமைச்சரின் காலை உணவு திட்டத்தை நீட்டித்திருப்பது நிச்சயமாக வாழ்த்துக்குரிய ஒன்று. தி.மு.க.–அ.தி.மு.க. கூட்டணி என்பது த.வெ.க. கட்சியினரின் கனவாக இருக்கலாம். ஆனால், எந்தக் காலத்திலும் அதற்கான வாய்ப்பு இல்லை.

தொடர்ந்து தவெக கட்சியினரைச் சேர்ந்த வர்கள் மீது பல்வேறு பாலியல் குற்றச்சாட்டுகள் முன்வைக்கப்பட்டு வருகிறது. தொடர் குற்றச்சாட்டு கள் வந்துகொண்டிருந்தாலும், சம்பந்தப்பட் டவர்கள் மீது வழக்குப் பதிவு செய்யப்படவில்லை; கைது நடவடிக்கையும் மேற்கொள்ளப்படவில்லை. தூத்துக்குடியில் மட்டுமல்ல, தமிழ்நாடு முழுவதும் பெண்களுக்கு எதிரான குற்றங்கள் அதிகரித்துக் கொண்டே வருகின்றன.

அதேபோல், பள்ளிகளில் படிக்கும் மாண வர்களுக்கும் பாதுகாப்பற்ற சூழல் நிலவி வருகிறது. இதுபோன்ற சம்பவங்களில் தவெக அரசு உரிய நடவடிக்கை எடுப்பதில்லை. குறிப் பாக, தங்களுடைய கட்சியைச் சேர்ந்த நிர்வாகிகள் மீது குற்றச்சாட்டு எழும்போது, கட்சிக்காரர்களை பாதுகாப்பதில்தான் கவனம் செலுத்துகிறார்களே தவிர, பாதிக்கப்பட்ட பெண்களுக்கு நியாயம் கிடைப்பதற்கான நடவடிக்கைகள் மேற்கொள்ளப்படுவதில்லை.

இவ்வாறு கனிமொழி கருணாநிதி கூறினார்.