நெல்லை, ஆக. 18 –
முன்னாள் சட்டப்பேரவை தலைவர் மு.அப்பாவு தனது எக்ஸ் வலைதள பதிவில் கூறியிருப்ப தாவது.
கர்நாடக மாநிலம் சாம்ராஜ்நகர் மாவட்டம் ஹனூர் சட்டமன்றத் தொகுதிக்குட்பட்ட தோமையார் பகுதியில் தாழ்த்தப்பட்ட கிறிஸ்தவர் தமிழ் மக்கள் விவசாயக் கூலி வேலை செய்து வாழ்ந்து வருகின்றனர்.
சம்பவத்தன்று சமையலுக்குத் தேவையான காய்ந்த விறகுகளை எடுப்பதற்காக அப்பகுதியைச் சேர்ந்தவர்கள் மலைப்பகுதிக்குள் சென்றதாகவும், வனக்காவலர்கள் இவர்களை தவறான வார்த்தைகளால் திட்டி கொலை வெறித் தாக்குதலில் ஈடுபட்டதில் இருவர் மரணம் அடைந்ததாகவும், அதன் பின் வனத்துறையின் உயர் அதிகாரிகள் வரவழைக்கப்பட்டு இறந்தவர்களையும், மற்றவர்களையும் வனவிலங்கு வேட்டைக்கு வந்த போது துப்பாக்கியால் சுட்டுக் கொன்றதாகவும் பாதிக்கப்பட்டவர்களின் உறவினர்கள் புகார் தெரிவிக்கின்றனர்.
பாதிக்கப்பட்டவர்கள் தாழ்த்தப்பட்ட கிறிஸ்தவ”தமிழர்” என்ற காரணத்தினால் “கர்நாடக காங்கிரஸ் அரசு” இது
குறித்து கொலை வழக்கு பதிவு செய்யவோ, குடும்பத்திற்கு ஆறுதல் சொல்லவோ, நிவாரணம் அறிவிக்கவோ இதுவரை முன் வராதது கண்டிக்கத்தக்கது.!
நிவாரணம் வாங்கிக் கொடுப்பீர்களா?
இந்நிலையில் அம்மாவட்டப்பொறுப்பு காங்கிரஸ் அமைச்சர் புட்டா ரங்கா ஷெட்டி அழுத்தத்தால் அப்பகுதி மதச்சார்பற்ற ஜனதா தளம் சட்டமன்ற உறுப்பினர் மஞ்சுநாத்உறவுகளை இழந்து நிற்கும் நம் தமிழ் சொந்தங்களை அழைத்து தான் 10 லட்ச ரூபாயும், அரசிடம் 5 லட்ச ரூபாயும் பெற்றுத் தருவேன், இதோடு இப்பிரச்சினையை முடித்துக் கொள்ள வேண்டும் என்று கண்டிப்புடன் மிரட்டும் தொனியில் சடலங்களை வாங்கிக் கொள்ள வைத்திருப்பது வேதனைக்குரியது.
கர்நாடக காங்கிரஸ் ஆட்சியில் பாதுகாப்பில்லாமல் உயிரை இழந்து நிற்கும் நம் தமிழ் சொந்தங்களுக்கு வாய் திறந்து நியாயம் கேட்கிறீர்களா CMsir? நிவாரணம் வாங்கிக் கொடுப்பீர்களா CMsir? அப்பாவிதாழ்த்தப்பட்ட கிறிஸ்தவ தமிழர்களை கொன்றவர்கள் மீது வழக்குப் பதிவு செய்ய நடவடிக்கை எடுப்பீர்களா CMsir?அல்லது வழக்கம் போல் காவேரிமேகதாது விவகாரத்தில் கர்நாடகா காங்கிரசுக்கு அஞ்சி, நடுங்கி பயந்து தமிழர்களின் உரிமைகளை விட்டுக் கொடுத்துவிட்டு ஓடி ஒளிந்தது போல் இதிலும் ஒளிந்து கொள்வீர்களா CMsir?
இவ்வாறு அவர் தனது எக்ஸ் வலைதளப் பதிவில் கூறியுள்ளார்.