சென்னை, ஆக. 19 –
‘‘கர்நாடகாவில் மூன்று தமிழர் கள் சுட்டுக் கொல்லப்பட்டது
அப்பட்டமான மனித உரிமை மீறலாகும். இச்சம்பவம் குறித்து அரசு நீதி விசாரணை நடத்த வேண்டும்’’ என்று சட்டப்பேரவையில் கழக உறுப்பினர் மனோஜ் பாண்டியன் வலியுறுத்தினார்.
கர்நாடக வனத்துறையால் தமிழர்கள் மூன்று பேர் சுட்டுக் கொல்லப்பட்டது தொடர்பாக தமிழ்நாடு சட்டப்பேரவையில் சிறப்பு கவன ஈர்ப்பு தீர்மானம் நேற்று (ஆகஸ்ட் 18) கொண்டுவரப்பட்டது.
கர்நாடகாவின் அன்னூர் அருகே தமிழர்கள் மூன்று பேர் அம்மாநில அரசால் கடந்த ஆகஸ்ட் 15-ஆம் தேதி சுட்டுக்கொல்லப்பட்ட விவகாரம், சட்டமன்ற பேரவை விதி 55-ன் கீழ் சிறப்பு கவன ஈர்ப்பு தீர்மான மாக முன்மொழியப்படுவதாக பேரவைத் தலைவர் ஜே.சி.டி. பிரபாகர் தெரிவித்தார்.
மனோஜ் பாண்டியன்
பேச்சு!
சிறப்பு கவன ஈர்ப்பு தீர்மானத்தின் போது பேசிய தி.மு.க. சட்டமன்ற உறுப்பினர் மனோஜ் பாண்டியன்,
“கர்நாடகா வனப்பகுதியில் மூன்று தமிழர்கள் கால்நடைகளை தேடிச் சென்ற போது அம்மாநில வனத்துறையினரால் சுட்டுக் கொல்லப்பட்டுள்ளனர். தமிழர்கள் எங்கே பாதிக்கப்பட்டாலும் அவர்களுக்காக முதன் முதலில் குரல் கொடுத்தவர் முன்னாள் முதலமைச்சர் மு.க.ஸ்டாலின். கர்நாடகாவில் தற்போது தமிழர்கள்
சுட்டுக் கொல்லப்பட்டுள்ள
சம்பவம் முற்றிலும் மனித உரிமை மீறலாகும். இது “Fake என்கவுண்டர்”.
கொலை வழக்கு
பதிவு செய்யப்பட வேண்டும்!
உயிரிழந்த தமிழர்களுக்கு நியாயம் கிடைக்க வேண்டும் என்றால் பாதிக்கப்பட்ட குடும்பங்களுக்கு வேலை வாய்ப்பு கொடுக்கப்பட வேண்டும். இதுத்தொடர்பாக கொலை வழக்கு பதிவு செய்யப்பட்டு, உயிரிழந்தவர்களின் குடும்பங்களுக்கு போதுமான நிவாரணம் வழங்கப்பட வேண்டும்.
இந்த Fake என்கவுண்டருக்கு நீதி விசாரணை தேவை. இது சாதாரணமான பிரச்சனை அல்ல. தமிழர்களுக்கான பிரச்சனை. இந்த விவ காரத்தில் தெளிவான நீதி விசாரணை நடைபெற வேண்டும். இந்த விவகாரத்தில் தமிழ்நாடு அரசு, கர்நாடகாவிற்கு அழுத்தம் கொடுக்க வேண்டும்.
தமிழ்நாடு அரசு இந்த விவகாரத்தை தேசிய மனித உரிமைகள் ஆணையத்திற்கு கொண்டு செல்லலாம் என்று உச்ச நீதிமன்றம் தனது தீர்ப்புகளில் தெரிவித்துள்ளது. அதன்படி, தமிழ்நாடு அரசு இந்த விவகாரத்தில் மேற்கொண்டுள்ள நடவடிக்கைகள் என்ன?
இந்த விவகாரம் தொடர்பாக கர்நாடக அரசிற்கு தமிழ்நாடு அரசு ஏதேனும் கடிதங்களை அனுப்பியுள்ளதா? தமிழர்களை சுட்டுக் கொன்றவர்கள் மீது குற்றவழக்கு பதிவு செய்ய
ஏதேனும் நடவடிக்கை எடுக்கப்பட்டுள்ளதா?” என்று கேள்வி எழுப்பினார்.
இழப்பீடு
வழங்க வேண்டும்!
கர்நாடகாவில் 3 அப்பாவி தமிழர்கள் படுகொலை செய்யப்பட்டது குறித்து நீதி விசாரணை நடத்த வேண்டும் - தி.மு.க. கர்நாடக வனத்துறை யினர் மீது கொலை வழக்குப்பதிவு செய்து பாதிக்கப்பட்டவர்களுக்கு போதுமான இழப்பீடு வழங்க வேண்டும் கர்நாடகாவில் 3 தமிழர்கள் கொலை செய்யப்பட்டதை தமிழ்நாடு அரசு கண்டிக்க வேண்டும். உரிய விசாரணை நடத்தி
சம்பந்தப்பட்டவர்களுக்கு உரிய தண்டனை கொடுக்க கர்நாடக அரசுக்கு தமிழ்நாடு அரசு அழுத்தம் கொடுக்க வேண்டும்.
கிராம மக்கள் சந்தேகம்!
கர்நாடகாவில் 3 தமிழர்கள் சுட்டுக் கொல்லப்பட்ட விவ
காரத்தில், வனத்துறையினர் போலீசாரிடம் ஒப்படைத்த தடயங்களில் சந்தேகம் உள்ளதாக கிராம மக்கள் புகார் கூறியுள்ளனர்.
கர்நாடக மாநிலம் சாம்ராஜ் நகர் மாவட்டம் ஹன்னூர் தாலுகா உள்ள காவேரி
வன விலங்கு சரணாலயத்
தில் கடந்த சனிக்கிழமை
அதிகாலை அந்த கிராமத்தைச் சேர்ந்த மூன்று பேரை வனத்துறையினர் சுட்டுக்கொன்ற னர். இந்த சம்பவம் பெரும் அதிர்வலைகளை ஏற்படுத்தியது.
இந்நிலையில், இந்த சம்பவம் தொடர்பான வழக்கு விசாரணை நடத்தும் போலீசாரிடம் வனத்துறை சார்பில் தடயங்கள் வழங்கப்பட்டன. இந்த தடயங்களில், கொல்லப்பட்டவர்கள் பயன்படுத்தியதாக சில பொருட்களை போலீசாரிடம் வனத்துறை ஒப்படைத்துள்ளது.
காவல்துறையிடம் ஒப்படைக்கப்பட்ட துப்பாக்கி, காலணி, கத்தி உள்ளிட்ட பொருட்கள் புதிதாக இருப்பதால் கிராம மக்களுக்கு சந்தேகம் எழுந்துள்ளது.ஒப்படைக்கப்பட்ட பொருட்களில் ஸ்டிக்கர் கூட பிரிக்கப்படாத காலணி, புதிய பை இருப்பதால் சந்தேகம் எழுந்துள்ளது. வனத்துறையினர் திட்டமிட்டு கொலை செய்ததாக கூறப் படும் நிலையில் சந்தேகம் மேலோங்கியுள்ளது.