மாதவரம், ஆக.19–
மாதவரம் சட்டமன்ற தொகுதிக்குட்பட்ட வடபெரும்பாக்கம் முதல் ஞாயிறு வரை உள்ள நெடுஞ்சாலை துறைக்கு சொந்தமான வி சி என் சாலையில் ஏற்பட்டுள்ள படு பாதாளக் குழிகளால் போக்குவரத்து ஸ்தம்பித்துள்ளது
வட பெரும்பாக்கம் முதல் செட்டிமேடு விளாங்காடுப்பாக்கம் கண்ணம்பாளையம் பெருங்காவூர் அருமந்தை வழியாக ஞாயிறு செல்லக்கூடிய சாலை வி சி என் சாலை ஆகும் இந்த சாலை பாரம்பரியமிக்க மிக பழைய சாலையாகும்
சென்னை கோயம்பேடு மூலக்கடை பகுதிகளுக்கு மேற்படி பகுதிகளில் இருந்து செல்லும் ஆயிரக்கணக்கான வாகனங்கள் தினந்தோறும் விசிஎன் சாலை வழியாக செல்லுகின்றது
இந்த விஷயம் சாலையில் வடபெரும்பாக்கம் செட்டிமேடு பகுதியில் நெடுஞ்சாலை துறைக்கு சொந்தமான சாலை ஆனது மிகவும் சேதம் அடைந்து இரண்டு புறங்களிலும் அதல பாதாள குழிகளாக மாறி காட்சி அளிக்கிறது இதனால் பேருந்து நான்கு சக்கர வாகனங்கள் லாரிகள் இரண்டு சக்கர வாகனங்களில் செல்பவர்கள் மழையால் ஏற்பட்டுள்ள சேறு சதவிகளில் மாட்டிக் கொண்டு விபத்துக்கு உள்ளாகிறார்கள்
இது சம்பந்தமாக பலமுறை நெடுஞ்சாலை துறை அதிகாரிகளுக்கு தகவல் தெரிவித்தும் எந்த விதமான நடவடிக்கையும் இல்லாமல் தினந்தோறும் மணி கணக்கில் வாகனங்கள் வரிசை கட்டி நிற்கிறது இதனால் வேலைக்கு செல்கின்ற தாய்மார்களும் பொதுமக்களும் குறிப்பிட்டு நேரத்திற்கு செல்ல முடியாமல் சிரமப்படுகின்றனர்
இது குறித்து தகவல் அறிந்த மாதவரம் வடக்கு பகுதி திமுக செயலாளர் புழல் நாராயணன் நேரில் சென்று மேற்படி சாலையை பார்வையிட்டு அதிகாரிகளுக்கு தகவல் கொடுத்தும் இதுவரை எந்த விதமான நடவடிக்கையும் எடுக்கப்படவில்லை தொடர்ந்து இதுபோன்ற சூழ்நிலை தொடர்ந்தால் பொதுமக்கள் சாலை மறியல் செய்வதாக அறிவித்துள்ளார்கள்
சம்பந்தப்பட்ட அதிகாரிகள் உடனடியாக நடவடிக்கை எடுத்து வடபெரும்பாக்கம் முதல் ஞாயிறு வரை உள்ள இந்த சாலையை சீரமைத்து தர வேண்டும் என்று பொதுமக்கள் கோரிக்கை வைக்கிறார்கள். இதில் 17 வது வட்டக் கழகச் செயலாளர் கே.கருணாகரன் மற்றும் கழக நிர்வாகிகள் பலர் உள்ளனர்.
சென்னை,ஆக.19–
மதுரை மாவட்டம் சோழவந்தான் அருகே, ஆட்கள் நடமாட்டம் உள்ள பெட்ரோல் பங்க்கில், மூன்று பேர் கொண்ட கும்பல் கத்தி முனையில் ஊழியரை மிரட்டிப் பணத்தைப் பறித்துச் செல்லும் அதிர்ச்சி வீடியோ வெளியாகியுள்ளது! இதுவே இந்த டம்மி தவெக அரசின் சட்டம் ஒழுங்கின் லட்சணம்!
உழைக்கும் மக்கள் தங்கள் வியர்வை சிந்தச் சம்பாதித்த பணத்தைப் பத்திரமாக வீட்டுக்குக் கொண்டு போய் சேர்ப்பதே பெரிய போராட்டமாக மாறிவிட்டது. இதுதான் இந்த அரசின் ‘வெற்றி’ ஆட்சியா?
சட்டம் ஒழுங்கைக் காப்பாற்றத் துப்பில்லாத அரசு, சட்டசபையில் தனக்குத்தானே புகழ்பாடிப் பூரித்துப் போவது என்ன மாதிரியான நியாயம்? காவல்துறையைத் தன்வசம் வைத்துள்ள முதல்வர், குற்றங்களைக் கட்டுப்படுத்தாமல் தன் அமைச்சர்களையும், MLA–களையும் வைத்துப் புகழ் பாடி புளகாங்கிதம் அடைகிறார்.
மக்கள் தினமும் தங்கள் உயிரைக் கையில் பிடித்துக்கொண்டு வாழ்கிறார்கள், முதல்வர் அவர்களே! வெட்டி விளம்பரப் பிரசாரங்களை நிறுத்திவிட்டு, மக்கள் பாதுகாப்பில் கொஞ்சம் கவனம் செலுத்துங்கள்!
இவ்வாறு தி.மு.க ஐ.டி.விங் தெரிவித்துள்ளது.