நெல்லை, ஆக.19 –
உரங்கள் விலையை குறைக்கக் கோரியும், பாதிப்படைந்த உளுந்து பயிருக்கு உரிய இழப்பீடு வழங்கக் கேட்டும் விவசாயிகள் நேற்று அதிகாரிகளிடம் அளித்த மனுக்களை நெல்லை மாவட்ட ஆட்சியர் அலுவலக வாசலில் கொட்டி போராட்டம் நடத்தினர்.
தமிழ்நாடு அனைத்து விவசாயிகள் முன்னேற்ற சங்க நிறுவனத் தலைவர் மூவி சுந்தர் தலைமையில் விவசாயிகள் ஆட்சியர் அலுவலகத்தில் நேற்று அளித்த மனுவில் கூறி யிருப்பதாவது:–
மானூர் வட்டம் வன்னிகோனேந்தல் குறு வட்ட பகுதியில் 2025- – 26ஆம் ஆண்டு நாங்கள் உளுந்து பயிரிட்டோம்.மழை காரணமாக அப்பயிர்கள் முழுமையாக பாதிப்படைந்த நிலையில் விவசாயிகள் பொருளாதார இழப்பை எதிர் கொண்டனர்.பாதிப்படைந்த பயிர்களை வேளாண்மை துறை,வருவாய்த்துறை மற்றும் புள்ளியல் துறைஅதிகாரிகள் நேரில்ஆய்வு செய்தனர்.ஆய்வின் அடிப்படையில் பாதிக்கப்பட்ட விவசாயி களுக்கு உரிய இழப்பீட்டுத் தொகை மற்றும் பயிர்க் காப்பீட்டு தொகை விரைவாக வழங்க நடவடிக்கை எடுக்கும்படி கேட்டுக் கொள்கிறோம்.
மேலும் மானூர் வட்டாரத்தின் மையப் பகுதியாக விளங்கும் அழகியபாண்டிய புரம் பகுதியில் தனி பத்திரப்பதிவு அலுவலகம் அமைக்க நடவடிக்கை எடுக்க கேட்டுக் கொள்கிறோம்.இவ்வாறு தெரிவிக்கப்பட்டுள்ளது.
தமிழ்நாடு அனைத்து விவசாயிகள் சங்கங்களின் ஒருங்கிணைப்பு குழு மாவட்ட செயலாளர் கானார்பட்டி ஆபிரகாம் தலைமையில் விவசாயிகள் தாங்கள் ஏற்கனவே அளித்த பல்வேறு மனுக்களுக்கு இது வரை எந்த நடவடிக்கையும் இல்லாததை கண்டித்து ஆட்சியர் அலுவலக வாசலில் மனுக்களை கொட்டி போராட்டம் நடத்தினர்.
பின்னர் அவர்கள் அளித்த மற்றொரு மனுவில் கூறியிருப்பதாவது,
நெல்லை மாவட்டத்தில் உரம்,பூச்சி மருந்து விலை வரலாறு காணாத அளவிற்கு உயர்ந்துள்ளது. இதனால் விவசாயி களுக்கு கூடுதல் செலவு செய்ய வேண்டிய கட்டாயம் ஏற்பட்டுள்ளது.ஒரு கிலோ உரத்தின் விலைரூபாய் 20 வரைஉயர்த்துள்ளது. உரங்களின் விலைகடுமையாகஉயர்ந்துள்ளதால் ஒன்றிய, மாநில அரசுகள் உரத்தின் விலையை குறைத்திட நடவடிக்கைஎடுக்க வேண்டும். அப்படி இல்லையெனில் விவசாயிகளுக்கு மாற்றுத் தொழில் தொடங்க ஆவண செய்ய வேண்டும்.
இவ்வாறு அவர்கள் கூட்டாக மனுவில் கூறியுள்ளனர்.