“மு
தல்வர் லஞ்சமே இல்லன்னு சொல்றாரு... ஆனா அவர் பெயர் கொண்ட அமைச்சர் தொடங்கி அடுத்தடுத்து எல்லாரும் கல்லா கட்ட ஸ்டார்ட் பண்ணிட்டங்களாமே...
இதனால் டெண்டருலாம் கேன்சல் பண்றதா சொல்றாங்களே?”
“கதர் என்றாலே சுதந்திரத்துக்காகப் போராடிய காந்தியடிகள்தான் நமது ஞாபகத்துக்கு வருவார்கள். ஆனால், முதல்வரின்பெயரை தனது பெயருக்கு முன்னாள் வைத்துள்ள மேற்கு மண்டல அமைச்சர் ஒருவரின் துறையில், பொங்கல் பண்டிகைக்கு இலவசவேட்டி, சேலை வழங்குவதற்கான டெண்டரை விட்டார்களாம். கடைசியாக நிறுவனத்தையும் பைனல் செய்து விட்டார்களாம். ஆனால் அந்த நிறுவனத்திற்கு அமைச்சரின் உதவியாளர் ஒருவர் போன் செய்து, அண்ணனை வந்து சந்தித்து, கொடுக்க வேண்டியதை கொடுத்தால் டெண்டர் ஒதுக்கிவிடலாம் என்று கூறினார் களாம். இதைக் கேட்டதும், ‘’நானே குறைந்த விலைக்குத்தான் டெண்டர் போட்டுள்ளேன். பணம் தர முடியாது’’ என்று கூறியுள்ளார். பணம் கேட்ட விவகாரம் வெளியானதும், இலவச வேட்டி சேலையில் ஊழல் நடந்தால் அரசுக்கு கெட்ட பெயர் வரும்.
ஆட் சியே நாற்றம் எடுக்கத் தொடங்கி விடும் என்று உளவுத்துறை புகார் அளித்ததாம். டெண்டரை நிறுத்தி வைக்கச் சொல்லி அரசு உத்தரவிட்டுள்ளதாம். இதனால் டெண்டர் தற்காலிகமாக நிறுத்தி வைக்கப்பட்டுள்ளதாம்.
அதேபோல சுற்றுச்சூழல்துறை சார்பில் தமிழ்நாடு முழுவதும் சாயப்பட்டறைகளில் அதிரடி சோதனை நடத்தப்பட்டதாம். கடைசியில் அமைச்சரின் உதவியாளர் ஒருவர் சாயப்பட்டறை உரிமையாளர்களுக்கு போன் செய்து பணம் கொடுத்தால் நடவடிக்கை எடுக்க மாட் டோம் என்று பேரம் பேசுகிறார்களாம். இல்லாவிட்டால்நடவடிக்கை தொடரும் என தொழிலதிபர்களை மிரட்டுகிறார்களாம். இதனால் கோவை, ஈரோடு, திருப்பூர், கரூர், நாமக்கல், சேலம்மாவட்ட சாயப்பட்டறை அதிபர்கள் ஒன்று சேர்ந்து போராட்டம் நடத்தலாமா என்று ஆலோசனை நடத்தி வருகிறார்களாம். சேலம் மாநகராட்சியில் தெருவிளக்கு போடுவதற்கான டெண்டர் விடப்பட்டதாம். இந்த டெண்டர் 22 சதவிகிதம் குறைவாக கேட்கப்பட்ட நிறுவனத்துக்கு கொடுப்பதற்கான ஏற்பாடுகள் நடைபெற்று வந்ததாம். ஆனால்,அந்த நிறுவனத்தில், மாவட்ட அமைச்சர் சார்பில் மாமூல் கேட்கப்பட்டதாம். இதுகுறித்து அந்த நிறுவனம் சம்பந்தப்பட்ட துறையின் அதிகாரிகளுக்கு தெரிவித்தார்களாம்.
இவ்வாறு கடந்த சில நாட்களாக துறையில் மாமூலை மறைமுகமாக வாங்குவதோடு, டெண்டர் விவகாரங்களில் அமைச்சர்கள் தலையிட்டு பணம் பார்க்கத் தொடங்கிவிட்டார்களாம். இதனால, ஒவ்வொரு துறையில் உள்ள அமைச்சர்களிடம் இருந்து எப்போது போன் வருமோ என்று டெண்டர் எடுத்தவர்கள் பீதியில் உள்ளார்களாம்” என்றார்
மிஸ்டர் காக்ரோச்.
“அண்டை மாநிலத்தில் அமைச்சர் ஒருவர் சொத்து வாங்கிக் குவிக்கிறா ராமே?”
“ தமிழ்நாட்டில் ஒவ்வொரு துறைக்கும் ஒரு உளவுக் காவலர் நியமிக்கப் பட்டுள்ளாராம். அவர்கள்அந்தத் துறையில் அமைச்சர்கள் தலையீடு, மாமூல் வசூல், டெண்டர் விவகாரங்களை கண்காணித்துஅரசுக்கு அறிக்கை அளிப்பதுதான் அவர்களது வேலை. இவ்வாறு நியமிக்கப்பட்ட உளவுத்துறை போலீசாரைக் கண்டு அமைச்சர்கள், ஐ.ஏ.எஸ். அதிகாரிகள் பீதியில் உள்ளனர். அதையும் மீறித் தான் சில மூத்த அமைச்சர்கள் வசூலில் இறங்கிவிட்டனர். குறிப்பாக முதல்வர் விஜய்க்கு அடுத்த இடத்தில் உள்ள அண்டை மாநிலத்தைச் சேர்ந்தவர், சென்னையில் போட்டியிட்டு வெற்றி பெற்ற அமைச்சர் வெளிப்படையாகவே வசூலில் இறங்கியுள்ளாராம். இப்போது, அவர் ஒவ்வொரு வாரமும் அண்டை மாநிலத்திற்குச் செல்கிறாராம். அங்கு புதிய நிலம் வாங்கும் முயற்சியில் இறங்கியுள்ளாராம். தமிழகத்தில் சம்பாதித்து, அண்டை மாநிலத்தில் முதலீடு செய்யத் தொடங்கியுள்ளாராம். அமைச்சருக்கு மட்டும் முதல்வர் கருணைப் பார்வை இருக்கிறது. அப்படியே எங்களையும் வாங்க வேண்டியதை வாங்க அனுமதித்தால், நாங்கள் செலவு செய்த பணத்தையும் எடுத்து விடுவோம் என்கிறார்களாம்”
நன்றி:
தினகரன் -அரசியல் டைரி
18.8.2026