புதுடெல்லி, ஆக. 18–
வடசென்னை நாடாளுமன்ற உறுப்பினர் டாக்டர்.கலாநிதி வீராசாமி அவர்கள் ஒன்றிய இரயில்வே துறை அமைச்சர் அஷ்வினி வைஷ்ணவ் அவர்களுக்கு எழுதியுள்ள கடிதத்தில், சென்னை புறநகர் இரயில் பெட்டிகளுக்கு, தானியங்கி கதவுகளைப் பொருத்தி, இரயில் பயணிகளின் பாதுகாப்பானபயணத்துக்கு வழி வகுக்க வேண்டும் என்று கேட்டுக் கொண்டுள்ளார்.
அக்கடிதத்தில் அவர் மேலும்கூறியுள்ளதாவது:-
தென்னக இரயில்வேயின் கட்டுப்பாட்டில் இயங்கும் சென்னைபுறநகர் மின்சார இரயில்கள் மூலம் நாள்தோறும் லட்சக்கணக்கான பயணிகள் பயணம் செய்கின்றனர். அலுவலகங்களில் பணியாற்றும் ஊழியர்கள், வியாபாரிகள் என தினந்தோறும் சென்னைக்கும், மற்றப் பகுதிகளுக்கும் வந்துசெல்லும் பயணிகள் பயன்படுத்தும் முக்கிய மான போக்குவரத்து சாதனமாக இந்த புறநகர் இரயில்கள் விளங்குகின்றன. இந்த இரயில்களில் காலையும், மாலையும் மிகுந்த கூட்டமாக மக்கள் செல்லும் போது, அவ்வப்போது, கீழே விழுதல்,போன்ற விபத்துகள் ஏற்பட்டு, உயிர்பலிகளும் சில சமயங்களில் நிகழ்கின்றன. எனவே இந்த இரயில்களில் தானியங்கிக் கதவுகள் பொருத்தப்பட்டால் இது போன்ற விபத்துகளைத் தவிர்க்க முடியும். பயணிகளின் பாதுகாப்பு உறுதிசெய்யப்படும்
இவ்வாறு இரயில் பெட்டிகள் தானியங்கிக் கதவுகள் பொருத்திசோதனை செய்வதற்காக ஒரு சோதனை திட்டம், அதாவது பைலட் புரோஜெக்ட் ஓன்று திட்டமிடப்பட்டு, அதற்கான டெண்டர் அறிவிக்கப்பட்டு, ஒப்பந்தப்புள்ளிகள் பெறப்பட்டுஇன்னமும் இறுதி செய்யப்படாமல் உள்ளது. என்பதையும் தாங்கள் அறிவீர்கள்.
எனவே, இந்த ஒப்பந்த புள்ளிகள் விரைந்து ஆய்வு செய்யப்பட்டுதக்க முடிவெடுக்கும்படி சம்பத்தப்பட்ட அதிகாரிகளுக்குத் தக்க ஆணைகள் பிறப்பிக் கும்படி கேட்டுக் கொள்கின்றேன். மேலும் இச்சோதனை திட்டம் வெற்றிப் பெற்றால் சென்னை புறநகர்களையும் இணைக்கும் மின்சார இரயில் பெட்டிகளில் தானியங்கிக் கதவுகளை விரைவில் அமைக்க வேண்டும் என்றும் கேட்டுக் கொள்கின்றேன்.
இவ்வாறு அக்கடிதத்தில் டாக்டர்.கலாநிதி வீராசாமி அவர்கள் கூறியுள்ளார்.