தூத்துக்குடி, ஆக. 19 –
தூத்துக்குடி தெற்கு மாவட்டச் செயலாளர் முன்னாள் அமைச்சர் அனிதா ஆர்.ராதாகிருஷ்ணன் எம்.எல்.ஏ. விடுத் துள்ள அறிக்கை வருமாறு:
தமிழ்நாட்டின் திருநெல்வேலி மாவட்டம், திசையன்விளை வட்டத்தில் உள்ள குட்டம் மற்றும் அதனைச் சுற்றியுள்ள பகுதிகளுக்கு நீர்வளத்தை பெருக்குவதற்காக, நம்பியாற்றின் குறுக்கே தடுப்பணை கட்டி புதிய வெள்ளநீர்க் கால்வாய் அமைக்க வேண்டும் என்று விவசாயிகள் நீண்டகாலமாக வலியுறுத்தி வந்த நிலையில் இதற்காக விரிவான திட்ட அறிக்கை (DPR) மற்றும் சுற்றுச்சூழல் தாக்க மதிப்பீட்டு (EIA) ஆய்வுப் பணிகளை மேற்கொள்ள அறிவிப்பு கடந்த தி.மு.க. ஆட்சியில் வெளியிடப்பட்டது. மேலும், நீர்வளத் துறையின் அரசாணை நிலை எண் 43-21.06.2022 அன்று அரசு நிர்வாக அனுமதியும் வழங்கப்பட்டது.
இந்த அறிவிப்பின் அடிப்படையில், “வாப்கோஸ்” (WAPCOS) நிறுவனம் மற்றும்; நீர்வளத் துறை, மதுரை மண்டல தலைமைப் பொறியாளர் ஆகியோரால் விரிவான திட்ட அறிக்கை தயாரிக்கப்பட்டது. அதனைத் தொடா;ந்து, நீர்வளத் துறையின் முதன்மைப் பொறியாளர் மற்றும் தலைமைப் பொறியாளர் (பொது) ஆகியோர், இத்திட்டத்திற்கு ஒன்றிய அரசிடமிருந்து நிதி உதவி கோரி அரசுக்கு ஒரு முன்மொழிவை (கடித எண் S7(2)/50424/OT4/2006, நாள்: 11.07.2025) சமர்ப்பித்தனர்.
இத்திட்டத்தின் கீழ், நம்பியாற்றில் ஏற்கனவே உள்ள புலிமான்குளம் அணைக்கட்டிலிருந்து 1.5 கி.மீ. தொலைவில் கீழ்நோக்கி அமைந்துள்ள ரம்மதபுரத்தில் ஒரு புதிய தடுப்பணை கட்ட வேண்டும். அத்துடன் 22 கிலோமீட்டர் நீளமுள்ள புதிய கால்வாய் ஒன்றும் வெட்டப்பட்டு இக்கால்வாய் வழியாகச் செல்லும் நீரானது உவரி மற்றும் குட்டம் வழியாகச் சென்று தூ த்துக்குடி மாவட்டத்தில் உள்ள புத்தன்தருவை குளத்திற்கு வந்தடையும்.
இந்த முயற்சியானது தூத்துக்குடி மாவட்டம், சாத்தான்குளம் வட்டத்தில் உள்ள கடகுளம், இலக்குளம், தச்சன்விளை,
புத்தன்தருவை, நடுவக்குறிச்சி, தட்டார்மடம் மற்றும் கொம்மடிக்கோட்டை போன்ற பகுதிகளில் நிலத்தடி நீர்மட்டத்தை உயர்த்துவதுடன், நிலத்தடி நீர் உவர்ப்புத் தன்மையடைவது தடுக்கப்படும்.
ஆகவே, விவசாயிகளின் நலன் மற்றும் திருநெல் வேலி, தூத்துக்குடி மாவட்டத்தின் கிராமப்புற வளர்ச்சியைக் கருதி இத்திட்டத் திற்கான நிதியை ஒதுக்குவதையும், தடுப்பணை கட்டி வெள்ளநீர் கால்வாய் அமைப்பதையும்; விரைவுபடுத்துமாறு ஒன்றிய ஜல் சக்தித் துறை அமைச்சரை வலியுறுத்தி கேட்டுக்கொள்கிறேன்.
இவ்வாறு அவர் அறிக்கையில் தெரிவித்துள்ளார்.
சென்னை, ஆக. 19 –
ஈரோடு தெற்கு மாவட்ட திமுக இளைஞர் அணி அமைப்பாளர் ஜெ.திருவாசகத்தின் தாயார் திருமதி. தேன்மொழி ஜெயக்குமார் அவர்கள் நேற்று முன்தினம் இரவு 11.30 மணியளவில் லட்சுமி கார்டன் இல்லம் –திண்டலில் உள்ள அவரது இல்லத்தில் இயற்கை எய்தினார் என்பதை அறிவிக்க வருந்துகிறோம்.
தகவல் அறிந்து, கழகத் தலைவர் மு.க.ஸ்டாலின் அவர்கள், தமது ஆழ்ந்த இரங்கலை அன்னாரது குடும்பத்தாருக்கு தெரிவித்துள்ளார்.