முத்தமிழறிஞர் கலைஞர் அவர்களின் மனசாட்சியும், முன்னாள் மத்திய அமைச்சருமான முரசொலி மாறன் அவர்களின் 93-வது பிறந்தநாளை முன்னிட்டு ஈரோடு தெற்கு மாவட்ட கழகத்தின் சார்பில் மாவட்ட கழகச் செயலாளரும், முன்னாள் அமைச்சருமான சு.முத்துசாமி பெரியார் நகரில் உள்ள முகாம் அலுவலகத்திலும், அதனைத் தொடர்ந்து மணல்மேட்டில் உள்ள மாவட்ட அலுவலகத்திலும் முரசொலி மாறன் திருவுருவப் படத்திற்கு மாலை அணிவித்து மரியாதை செலுத்தினார். நிகழ்வில் கழக துணை பொதுச் செயலாளர் அந்தியூர் ப.செல்வராசு, சொத்து பாதுகாப்பு குழு உறுப்பினர் எம்.கந்தசாமி கழக மாணவரணி செயலாளர் வீரமணி ஜெயக்குமார், மாவட்ட கழகத் துணைச் செயலாளர் ஆ.செந்தில்குமார், தலைமைச் செயற்குழு உறுப்பினர் டி.எஸ்.குமாரசாமி, மாநகர கழக செயலாளர் மு.சுப்பிரமணியம், பகுதி செயலாளர்கள் வி.செல்வராஜ், வி.சி.நடராஜன், பொ.ராமசந்திரன், வில்லரசம்பட்டி முருகேசன் உள்ளிட்ட கழக நிர்வாகிகள் பலர் கலந்து கொண்டனர்.