சென்னை, ஆக. 20 –
த.வெ.க. ஆட்சியில் கடந்த 100 நாட்களில்300 கொலைகள், 500க்கும் மேற்பட்ட பாலியல் குற்றங்கள் நடைபெற்றுள்ளன. இச்சம்பவங்களை காவல்துறை வேடிக்கை பார்ப்பதா? என்று கேள்வி எழுப்பி வடக்கு மண்டல கழக வழக்கறிஞர்கள் அணிக் கூட்டத்தில் கண்டனம் தெரிவிக்கப்பட்டது.
கழக இளைஞர் அணிச் செயலா ளரும் –சட்டப்பேரவை எதிர்க்கட்சி தலைவருமானஉதயநிதி ஸ்டாலின்அவர்கள் சிறப்புரையாற்றிட சென்னை,அண்ணா அறிவாலயம், கலைஞர் அரங்கில் சட்டத்துறைச்செயலாளர் என்.ஆர்.இளங்கோ தலைமையில் நடைபெற்ற தி.மு.கழக சட்டத்துறை சார்பில், வடக்கு மண்டல வழக்கறிஞர்கள் கலந்துரையாடல் கூட்டத்தில் நிறைவேற்றப்பட்ட தீர்மானங்கள் வருமாறு:–
தீர்மானம் – 1
மேகதாது அணை –
த.வெ.க. அரசுக்குக் கண்டனம்!
தமிழ்நாடு அரசு மேகதாது அணையைகட்டுவதில் குறியாக இருந்து செயல்பட்டு வரும் நிலையில், ஒன்றிய அரசின் ஒப்புதல் கிடைத்து விட்டதாக காரணம் காண்பித்து,கர்நாடக அரசு மேலும் தனது போக்கில்தீவிரம் காட்டியதை கழகத் தலைவர், முன்னாள் முதலமைச்சர் அவர்கள் கண்டனம் தெரிவித்ததை, இந்த அரசு அலட்சியப்படுத்தியது.
பேரவையில் எதிர்க்கட்சித் தலைவர்உதயநிதி ஸ்டாலின் அவர்களின் அனைத்துக் கட்சிக் கூட்டத்தை கூட்டச் சொன்னபோது, அரசு மௌனமாகவே இருந்தது.
இதற்கிடையில் பெங்களூரு சென்று கர்நாடக முதலமைச்சரை சந்திக்க தமிழ்நாடு முதலமைச்சர் செல்வதாக தகவல் வந்ததும் கழகத் தலைவர் எதிர்ப்பு தெரிவித்தார்கள். அதற்கும் முதல்வர் மௌனமாகவே இருந்தார்.
“நீங்கள் பெங்களூர் வர வேண்டாம்” என்று கர்நாடக முதல்வர் அவர்கள் அதிரடியாக கூறினார்கள்.மேகதாது பிரச்சினைகளில் தோல்வி கண்ட ஜோசப் விஜய் அதை திசை திருப்பும் வகையில் தொகுதி வரையறை பிரச்சினையைஅனைத்துக் கட்சி எம்.பி.க்கள் கூட்டத்திற்குஅழைப்பு விடுத்தார்.
மேகதாது பிரச்சினையில் உச்சநீதிமன்ற தீர்ப்பை திராவிட மாடல் நாயகர் ஆட்சியில் சட்டப்பூர்வமாக பெற்றுள்ள நிலையில், மீண்டும் மீண்டும் குழப்ப நிலை ஏற்படுத்தி தமிழ்நாட்டு விவ சாயப் பெருங்குடி மக்களை ஏமாற்றிய
கையாலாகாத த.வெ.க. விஜய் ஆட்சிக்கு தி.மு.க. சட்டத்துறை கூட்டம் தனது கடும்கண்டனத்தைத் தெரிவித்துக் கொள்கின்றது.
தீர்மானம் – 2
எதிர்க்கட்சித் தலைவர்
உதயநிதி ஸ்டாலின் கைதுக்கு கண்டனம்!
கழக இளைஞரணிச் செயலாளர், முன்னாள் துணை முதல்வர், இந்நாள்எதிர்க்கட்சித் தலைவர் உதயநிதி ஸ்டாலின் அவர்களை, த.வெ.க. ஆட்சியின் விவசாயவிரோதப் போக்கினைக் கண்டித்து, தஞ்சையில் நடைபெற்ற மாபெரும்கண்டன ஆர்ப்பாட்டத்தில் பேசிய பேச்சின்காரணமாக, விவசாயிகளுக்கு இடையே ஏற்பட்ட விழிப்பு புணர்வையும், கடும் எதிர்ப்பையும் சந்தித்த ஜோசப் விஜய் அரசு பழிவாங்கும் போக்குடன், எதிர்கட்சித் தலைவர் அவர்களின் பேச்சை திரித்து ஆபாசமாக பேசியதாக ஒன்பது பிரிவுகளில் வழக்குப் பதிவு செய்த காவல்துறை, உதயநிதி ஸ்டாலின் அவர்களை நீலாங்கரை வீட்டில் வைத்து கைது செய்து அராஜகமாக செயல்பட்டது.
அவரது கைதைக் கண்டித்து தமிழ்நாடு முழுவதும் கழகத்தினர் சாலை மறியலில் ஈடுபட்டு பல்லாயிரக்கணக்கில் கைதாகினர்.
கழக சட்டத்துறை உயர்நீதிமன்றத்தைநாடிய போது எதிர்க்கட்சித் தலைவரை இன்று மாலைக்குள் விடுதலை செய்ய வேண்டும் என்று ஆணையிட்டது. தி.மு.க. மீது பெண்கள் வெறுப்புக் கொள்ள வேண்டும் என்று அபாண்டமாக ஆபாசப் பழியை ஏற்படுத்திய த.வெ.க. ஆட்சிக்கும், ஜோசப் விஜய்க்கும் சட்டத்துறை யின் இக்கூட்டம் தனது கடும்
கண்டனத்தைத் தெரிவித்துக் கொள்கின்றது.
தீர்மானம் – 3
அவதூறு பிரச்சாரம்!
காவல்துறைக்குக் கண்டனம்!
கழகத் தலைவர், முன்னாள் முதல்வர் முத்துவேல் கருணாநிதி ஸ்டாலின் அவர்கள் மீது அருவருப்பாகவும் ஆபாசமாகவும் சமூக வலைதளங்களில், தொலைக்காட்சி விவாதங்களிலும் பேசி வருகின்ற த.வெ.க. நிர்வாகிகள் மீது நடவடிக்கை எடுக்கக் கோரி காவல்துறையில் மனு அளித்தும், இதுவரை நடவடிக்கை எடுக்காத த.வெ.க. அரசின் காவல்துறைக்கு தி.மு.க. சட்டத்துறையின் இந்தக் கூட்டம் கடும் கண்டனத்தைத் தெரிவித்துக் கொள்கின்றது.
தீர்மானம் – 4
போதைப் பொருள் பிரச்சினையில் கோவை தனியார் கல்லூரி மாணவர் அமுதன் கொலையிலும், திருவொற்றி யூர் பள்ளி மாணவர் தனுஷ் கொலையிலும் காவல்துறையின் அலட்சியப் போக்கிற்கு கடும் கண்டனத்தை
தெரிவிக்கிறது.
கோவையில் தனியார் கல்லூரி மாணவர் அமுதன், கல்லூரியில் போதைப்பொருள் விற்பது குறித்து
தகவலை காவல்துறைக்கு தெரிவித்தார் என்று கூறி, சில மாணவர்கள் அவரை அடித்துக் கொன்றனர். இதேபோல் திருவொற்றியூரில் பள்ளி மாணவர் தனுஷை சக மாணவர்கள் அடித்துக் கொன்றனர். இதுகுறித்து காவல் துறை கொலையாளிகளைக் கண்டுபிடிப்பதை விடுத்து திசை திருப்பும் வகையில் செயல்பட்டு வருகிறது.
இச்செயல் போதைப்பொருள் விற்பனைகளுக்கு தைரியத்தையும் ஊக்கத்தையும் கொடுக்கும் வகையில் உள்ளது. இதுபோன்ற காவல்துறையின் அலட்சியப் போக்கிற்கு திமுக சட்டத்துறையின் இக்கூட்டம் தமது கடும் கண்டனத்தைத் தெரிவித்துக் கொள்கின்றது.