சென்னை, ஆக. 20 –

‘ஜனநாயக ரீதியில் போராடும் மாணவர்கள் போராட்டத்தை த.வெ.க. அரசு ஒடுக்குவதா’ என்று மாணவர் அமைப்புகள் கண்டனம் தெரிவித்துள்ளன.

அரசு கல்லூரி மாணவ, மாணவிகள் மற்றும் இளைஞர் கள் அரசியல் கட்சிகள் நடத்தும் போராட்டங்களில் பங்கேற்க கூடாது என்றும், மீறினால் பள்ளிக்கல்வித்துறை, உயர் கல்வித்துறை, காவல்துறை மற்றும் மாவட்ட நிர்வாகம் ஆகியவை ஒருங்கிணைந்து நடவடிக்கை மேற்கொள்ள வேண்டும் என்றும் த.வெ.க. அரசு உத்தரவிட்டிருந்தது.

இடதுசாரி மற்றும் கரப்பான் பூச்சி ஜனதா கட்சி போராட்டத்தில் மாணவர்கள் பங்கேற்பதை தடுக்கும் வகையில் நடவடிக்கை எடுக்குமாறு அனைத்து அரசு கல்லூரிகளுக்கும், தமிழ்நாடு அரசின் கல்லூரி கல்வி இயக்க கம் சுற்றறிக்கை அனுப்பியது.

எதிர்ப்புக்கு பணிந்தது

த.வெ.க. அரசு!

இதற்கு இந்திய மாணவர் சங்கத்தினர் உட்பட பல்வேறுமாணவர் அமைப்புகள், அரசியல்கட்சியினர் கடும் கண்டனம் தெரிவித்தனர். த.வெ.க. அரசின் இந்த அணுகு முறை ஜனநாயகத்தின் அடிப்படைக்கே எதிரானதுஎன எதிர்ப்பு தெரிவித்தனர்.

இந்நிலையில், கடும் எதிர்ப்பு கிளம்பியதால், மாணவர்கள் போராடக் கூடாது என்ற கல்லூரிகல்வி இயக்ககத்தின் சுற்றறிக் கையைத.வெ.க. அரசு திரும்பப் பெற்றுள்ளது.

இதுகுறித்து இந்தியமாணவர் சங்கம் வெளியிட்ட அறிக்கை யில் கூறியிருப்பதாவது:–

மாணவர் சங்கம்

கண்டனம்!

அரசு கல்லூரி மாணவர்கள், மாணவிகள் மற்றும் இளைஞர் கள் அரசியல் கட்சிகள் நடத்தும் போராட்டங்கள் மற்றும் கிளர்ச்சி களில் பங்கேற்பதைத் தடுக்கும் வகையில், பள்ளிக்கல்வி, உயர் கல்வி, காவல்துறை மற்றும் மாவட்ட நிர்வாகம் ஆகிய துறைகள் ஒருங்கிணைந்து நடவடிக்கைமேற்கொள்ள வேண்டும் என தமிழ்நாடு உயர்கல்வித்துறை யின் இணை இயக்குநர் எழுதிய கடிதத்திற்கு கண்டனம் தெரிவித்துள்ளது.

மாணவர்கள் எந்த அரசியல் இயக்கத்தின் போராட்டத்தில்பங்கேற்கிறார்கள் என்பதை அரசு நிர்வாகம் கண்காணித்து, அதைத்தடுப்பதற்காக பல்வேறு அரசுத் துறைகள் ஒருங்கிணைந்து செயல்பட வேண்டும் என்ற இந்த அணுகுமுறை ஜனநாய கத்தின் அடிப்படைக்கே எதிரா னது. மாணவர்கள் குடிமக்கள் இல்லையா? கல்லூரிக்குள் நுழைந்தவுடன் அவர்கள் தங்க ளது அரசியல் உரிமைகளை இழந்துவிடுகிறார்களா? என்றும் கேள்வி எழுப்பியுள்ளது.

மாணவர்களின் வாழ்க்கையைநேரடியாகப் பாதிக்கும் NEET, கல்விக் கட்டணம், கல்வி உரிமை, வேலைவாய்ப்பு, சமூக நீதி உள்ளிட்ட அனைத்தும் அரசின் கொள்கைகளோடு தொடர்புடையவை.

இத்தகைய பிரச்சினைகள் குறித்து மாணவர்கள் கேள்வி எழுப்புவதும், கருத்து தெரிவிப் பதும், ஜனநாயக ரீதியான போராட்டங்களில் பங்கேற்பதும் அவர்களின் சமூகப் பொறுப் புணர்வின் வெளிப்பாடாகும்.

மாணவர்களின் எதிர்காலத்தைதீர்மானிக்கும் பிரச்சினைகள் அரசியலோடு தொடர்புடையதாக இருக்கும்போது, மாணவர்கள் மட்டும் அரசியலற்றவர்களாக இருக்க வேண்டும் என்று கூறுவது எப்படி நியாயமாகும்? என்று வினவியுள்ளது.

இந்த உத்தரவு எந்த அடிப்படையில் பிறப்பிக்கப்பட்டது என்பதையும் முதலமைச்சரும் உயர்கல்வித்துறை அமைச்ச ரும் விளக்க வேண்டும் என்று இந்திய மாணவர் சங்கம் வலியுறுத்தியுள்ளது.