கோவை, ஆக.20–

கோவை­யில் ரூ.300 கோடி செல­வில் பிரம்­மாண்­ட­மாக அமைக்­கப்­பட்­டுள்ள பெரி­யார் நூல­கம் திறப்­பில் இழு­பறி நீடிக்­கி­றது. தமிழ்நாடு அர­சின் பள்ளி கல்­வித்­துறை மற்­றும் நூல­கத்­துறை சார்­பில், கோவை காந்­தி­பு­ரத்­தில் ரூ.300 கோடி மதிப்­பீட்­டில் தந்தை பெரி­யார் அறி­வு­ல­கம் என்­னும் பிரம்­மாண்ட நூல­கம் கட்­டு­மான பணி கடந்த தி.மு.க. ஆட்­சி­யில் துவங்­கப்­பட்­டது. மொத்­தம் 6 ஏக்­கர் 98 சென்ட் நிலத்­தில் 1.98 லட்­சம் சதுர அடி பரப்­ப­ள­வில் தரை மற்­றும்ஏழு தளங்­க­ளு­டன் இக்­கட்­டி­டம் உரு­ வா­னது. இதன் தரை தளத்­தில் ஆடிட்­டோ­ரி­யம் மற்­றும் அறி­வி­யல் மையம் அமைக்­கப்­பட்­டுள்­ளது.

முதல் தளத்­தில் அறி­வி­யல் மையம், இரண்­டாம் தளத்­தில் குழந்­தை­க­ளுக்­கான நூல­கம் மற்­றும் போட்டி தேர்­வு­க­ளுக்­கான நூல­கம், மூன்­றாம் தளத்­தில் மாற்­றுத்­தி­ற­னா­ளி­க­ளுக்­கான நூல­கம் மற்­றும் தலைமை நூல­கர் அலு­வ­ல­கம், 4-ம் தளத்­தில் தமிழ் புத்­த­கப்­பி­ரிவு மற்­றும் சொந்த புத்­த­கம் படிக்­கும் பிரிவு, ஐந்­தாம் தளத்­தில் தமிழ் புத்­த­கப்­பி­ரிவு மற்­றும் இன்­கு­பேஷன் சென்­டர், 6-ம் தளத்­தில் பருவ இதழ்­கள் மற்­றும் இன்­கு­பே­ஷன் சென்­டர், 7வது தளத்­தில் அறி­வி­யல் மையம், ஆங்­கில புத்­த­கப் பிரிவு மற்­றும் டிஜிட்­டல் நூல­கம் ஆகி­யவை அமைக்­கப்­பட்டு வந்­தது.தற்­போது, இவற்­றில் பெரும்­பா­லானபணி­கள் நிறை­வ­டைந்து விட்­டன.

புத்­த­கங்­கள் மற்­றும் இ-புத்­த­கங்­கள் என சுமார் ரூ.50 கோடிக்­கும், கணினி, இதர உப­க­ர­ணங்­கள் மற்­றும் தொழில்­நுட்ப உள்­கட்­ட­மைப்பு வச­தி­கள் ரூ.5 கோடிக்­கும் என அசத்­த­லான உள்­கட்­ட­மைப்பு வசதி உரு­வாக்­கப்­பட்­டுள்­ளது. பெரி­யார் நூல­கத்தை கடந்த ஜன­வரி மாதத்­தில் திறக்க நட­வ­டிக்கை எடுக்­கப்­பட்­டது. ஆனால், 100 சத­வீத கட்­டு­மான பணி­கள் முடி­யாத நிலை­யில், பணி­களை விரைந்து முடிக்க உத்­த­ர­வி­டப்­பட்­டது. இதற்­கி­டை­யில், ஆட்சி மாற்­றம் ஏற்­பட்ட நிலை­யில், நூல­கம் கட்­டு­மான பணி­க­ளில் தொய்வு ஏற்­பட்­டது. கடந்த மே மாத இறு­தி­யில் இந்த பெரி­யார் நூல­கம் திறக்க ஏற்­பாடு செய்­யப்­பட்­டது. ஆனால், தற்­போது வரை இக்­கட்­டி­டம் திறக்­கப்­ப­டா­மல் இருக்­கி­றது.

இந்­நி­லை­யில், தமிழ்நாடு சட்­ட­மன்­றத்­தில், பொதுப்­ப­ணித்­துறை, நெடுஞ்­சா­லைத்­துறை மீது நேற்று நடந்த மானிய கோரிக்கை விவா­தத்­தின்­போது, திமுக எம்­எல்ஏ எ.வ.வேலு, “கோவை பெரி­யார் நூல­கம் கட்­டு­மான பணி­கள் திமுக ஆட்­சி­யில் 95 சத­வீ­தம் முடி­வ­டைந்து விட்­டது. அமைச்­சர் ஆதவ் அர்­ஜூ­னா­கூட நேரில் ஆய்வு செய்­தார். பெரி­யார் தங்­க­ளின் கொள்கை தலை­வர் என தம்­பட்­டம் அடிக்­கும் தவெ­க­வி­னர், ஏன் பெரி­யார் பெய­ரில் கொண்டு வரப்­பட்ட நூலக பணி­களை நிறுத்­தி­யுள்­ள­னர். ஆட்­சிக்கு வந்து 3 மாத­மா­கி­யும் நூல­கம் இன்­னும் பயன்­பாட்­டிற்கு வரா­மல் இருப்­பது ஏன்?’’ என கேள்வி எழுப்­பி­னார்.

இந்த கேள்­விக்கு துறை அமைச்­சர் உள்­ளிட்ட யாரும் சரி­யான விளக்­கம் அளிக்­க­வில்லை. இத­னால், இந்­நூ­ல­கம் எப்­போது திறக்­கப்­ப­டும்? என தெரி­யாத நிலை இருக்­கி­றது. இந்­நி­லை­யில், தமிழ்­நாடு தேர்­வா­ணை­யம் சார்­பில் நடத்­தப்­ப­டும் போட்­டித்­தேர்­வு­கள் தற்­போது நடந்து வரு­கின்­ற­னர். அதற்கு தயா­ராகி வரு­வ­தால் பெரி­யார் அறி­வு­ல­கம் கட்­டி­டத்தை விரைந்து திறக்க வேண்­டும் என இளை­ஞர்­கள் மற்­றும் போட்­டித்­தேர்­வுக்கு தயா­ராகி வரும் தேர்­வர்­கள் கோரிக்கை விடுத்­துள்­ள­னர்.

இது­கு­றித்து பொதுப்­பணி துறை அதி­கா­ரி­கள் கூறு­கை­யில், “கட்­டு­மான பணி­கள் முடிந்­து­விட்­டது. நூல­கத்­திற்கு என சுமார் 80 ஆயி­ரம் புத்­த­கங்­கள் வந்­துள்­ளன. கட்­டி­டம் திறப்பு விழா­வுக்கு தயார் நிலை­யில் இருக்­கி­றது. ஆனால், கட்­டி­டம் திறப்­ப­தற்­கான எந்­த­வித அறி­விப்­பும் அரசு சார்­பில் தற்­போது வரை வர­வில்லை. அர­சின் அறி­விப்­பிற்­காக காத்­தி­ருக்­கி­றோம். அடுத்த மாதம் 17ம்தேதி பெரி­யார் பிறந்த நாளில் இந்­நூ­ல­கம் திறக்­கப்­பட வாய்ப்பு இருக்­கி­றது” என்­ற­னர்.