#Title

தஞ்சாவூர் மாவட்டம், கும்பகோணம் வட்டாரத்தில் உள்ள 176 பொது விநியோகக் கடைகளில் உள்ள மின்னணுச் சாதனம் செயல்படவில்லை! மின்னணு சாதனத்தைத் திரும்ப ஒப்படைத்து வட்டார வழங்கல் அலுவலகம் முன்பு முற்றுகைப் போராட்டம்! புதுக்கோட்டையில் முரசொலி மாறன் திருவுருவப் படத்திற்கு மலரஞ்சலி!

தஞ்சாவூர், ஆக. 20-

தஞ்சாவூர் மாவட்டம், கும்பகோணம் வட்டத்தில் 176 ரேஷன்கடைகளில் பொதுவிநியோகத் திட்டத்தின் பாயிண்ட் ஆப் சேல்ஸ் கருவி சர்வர் சிக்னல் கிடைக்காததால் வட்ட வழங்கல் அலுவலகத்தை முற்றுகையிட்டு, பாயிண்ட் ஆப் சேல்ஸ் கருவியை ரேஷன்கடை பணியாளர்கள் வட்ட வழங்கல் அலுவலரிடம் ஒப்படைத்தனர்.

கும்பகோணம் வட்டத்தில் உள்ள 176 ரேஷன் கடைகள் மூலமாக பொதுவிநியோகத்தட்டத்தின் கீழ் அரிசி, கோதுமை, ஜினி, பருப்பு, பாமாயில் உள்ளிட்ட அத்தியாவசிய பொருட்கள் பொதுமக்களுக்கு விநியோகம் செய்யப்படுகிறது. இந்த ரேஷன்கடைகளில் பாயிண்ட் ஆப் சேல்ஸ் கருவி மூலமாக கார்டுதாரர்களின் கைவிரல் ரேகையை பதிவு செய்து அத்தியாவசிய பொருட்கள் வழங்கப்படுகிறது.

இந்நிலையில் 10 நாட்களுக்கு மேலாக ரேஷன்கடைகளில் பாயிண்ட் ஆப் சேல்ஸ் கருவி சர்வர் கோளாறு ஏற்பட்டுள்ளதால் காலையில் முதல் மாலை வரை பொதுமக்களுக்கு ரேஷன்பொருட்களை விநியோகிக்க முடியவில்லையாம். மேலும் ரேஷன்கடைக்கு அத்தியாவசியப் பொருட்கள் வாங்க வரும் பொதுமக்களுக்கும், ரேஷன்கடை பணியாளர்க ளுக்கும் சர்வர் பிரச்சனையால் தேவையற்ற வாக்குவாதங்கள், தகராறுகள் ஏற்பட்டு வருகிறது.

இந்நிலையில் நேற்று (18ம்தேதி) காலை வழக்கம்போல் ரேஷன்கடைகளுக்கு வந்த ரேஷன்கடை பணியாளர்கள் பாயிண்ட் ஆப் சேல்ஸ் கருவியை இயக்கியபோதும் மீண்டும் சர்வர் சிக்னல் கிடைக் காமல் பிரச்சனை ஏற்பட்டுள்ளது. இதனால் அதிர்ச்சியடைந்த ரேஷன்கடை பணியாளர்கள், தமிழ்நாடு அரசு நியாயவிலைக்கடை பணியாளர் சங்கத்தின் வட்டத்தலைவர் கலைவாணன் தலைமையில், மாவட்ட துணைத் தலைவர் செந்தில்குமார், வட்ட துணை செயலாளர் கார்த்திகேயன், வட்ட துணைத்தலைவர் ஆசைத்தம்பி ஆகியோரின் முன்னிலையில் குடந்தை தாசில்தார் அலுவலகம் முன்பு கூடி பாயிண்ட் ஆப் சேல்ஸ் கருவி சர்வர் பிரச்சனையை தீர்க்கக்கோரி ஆர்ப்பாட்டத்தில் ஈடுபட்டனர்.

அதனை தொடர்ந்து ரேஷன் கடைப்பணியாளர்கள் கலைந்து சென்று, தாசில்தார் அலுவலகத்தின் மாடியில் உள்ள வட்ட வழங்கல் அலுவலகத்துக்கு சென்று, தமிழ்நாடு ரேஷன்கடை பணியாளர்களின் கோரிக்கை மனுவை வட்ட வழங்கல் அலுவலர் செந்தில்குமாரிடம் வழங்கி பாயிண்ட் ஆப் சேல்ஸ் கருவியையும் ஒப்படைத்தனர்.

இதுபற்றி ரேஷன் கடைப்பணியாளர்கள் கூறுகையில், பாயிண்ட் ஆப் சேல்ஸ் கருவியில் சர்வர் கோளாறு ஏற்பட்டால் கருவியின் நிறுவனத்தை சேர்ந்த மாவட்ட மேலாளர்கள் அல்லது தாலுகா அளவிலான பொறியாளர்கள் ரேஷன்கடை பணியாளர்களுக்கு உரிய பதில் அளிப்பதில்லை. பொது விநியோகத்திட்டம் சிறப்பாகச் செயல்பட தமிழக அரசு, பாயிண்ட் ஆப் சேல்ஸ் கருவியின் சர்வர் பிரச்சினையைத் உடனடியாகச் சரிசெய்ய வேண்டும். இல்லை என்றால் தமிழ்நாடு ரேஷன்கடை பணியாளர் சங்கத்தின் மாநில முடிவின்படி தொடர் வேலைநிறுத்தப்போராட்டத்தில் ஈடுபடுவோம் என்றார்.