#Title

நிதி ஒதுக்கி அரசாணை வெளியிட்டது கழக அரசு! நந்தன் கால்வாய் திட்டம் குறித்து அவதூறு கூறுவதா? சி.வி.சண்முகத்திற்கு விக்கிரவாண்டி முன்னாள் எம்.எல்.ஏ. அன்னியூர் சிவா கண்டனம்!

விழுப்புரம், ஆக.20–

‘‘நந்தன் கால்வாய் திட்டம் குறித்து சட்டமன்றத்தில் உண்மைக்குப் புறம்பாக பேசுவதா?’’ சி.வி.சண்முகத் துக்கு விக்கிரவாண்டி முன்னாள் சட்டமன்ற உறுப்பினர் அன்னியூர் சிவா கண்டனம் தெரிவித்துள்ளார்.

இது குறித்து அன்னியூர் சிவா செய்தியாளர்களுக்கு அளித்த பேட்டி வருமாறு:–

நந்தன் கால்வாய் திட்டத் திற்கு அ.தி.மு.க. ஆட்ிசியில்தான் நிதி ஒதுக்கப்பட்டது என்று சட்டப்பேரவையில்சி.வி.சண்முகம் கூறியுள்ளார்.இது உண்மை அல்ல, 2018– ஆம் ஆண்டு அ.தி.மு.க. ஆட்சியில் டிபிஆர் மற்றும் லெவலிங் பணிகளுக்காக ரூ.35 லட்சம் மட்டுமே ஒதுக்கப்பட்டது.

ஆனால் கழக ஆட்சியில் நான் சட்டப்பேரவை உறுப்பினராக இருந்தபொழுது முதல்வர் தளபதி அவர்களிடமும் அமைச்சர்கள் துரைமுருகன், கே.என்.நேரு, எ.வ.வேலு, எம்.ஆர்.கே.பன்னீர்செல்வம் ஆகியோரிடமும் வலியுறுத்தி ரூ.42.69 கோடி நிதி ஒதுக்கீடு செய்யப்பட்டது.

இத்திட்டத்தின் நோக்கம் என்னவென்றால் உபரி நீரை ஏரிகள் மற்றும் பாசன நிலங்களுக்கு திருப்புவதாகும். இதனால் விழுப்புரம், திருவண்ணாமலை மாவட்ட விவசாயி கள் பெரும் பயனடைவார்கள்.

இத்திட்டத்திற்காக 29.1.2026 – அன்று அரசாணை வெளியிட்டு நிலம் கையகப்படுத்தும் பணிகள் நடைபெற்று வருகின்றன.

இப்படி உண்மை இருக்க இதனைமூடி மறைக்கும் வகையில் சி.வி.சண்மும் உண்மைக்கு மாறாக சட்டமன்றத்தில் பேசியுள்ளார். நிதி ஒதுக்கிவிட்டுபணிகள் நடைபெறவில்லை என்பது உண்மைக்கு மாறானது. அரசு உத்தரவுப்படி திட்டப் பணிகள் நடைபெற்றுவருகிறது.

இவ்வாறு அன்னியூர் சிவா பேட்டியளித்தார்.