சென்னை, ஆக.20–
பல்வேறு நாடுகளில் உயர்கல்வி பயிலும் மாணவர்களுக்கு வழங்க வேண்டிய உதவித் தொகையை வழங்காமல் அவர்களின் எதிர்காலத்தை கேள்விக் குறியாக்கும் த.வெ.க. அரசு என்றும் இத்திட்டம் தி.மு.க. ஆட்சியில் தொடங்கப்பட்டது என்பதற்காக இதையும் திட்டமிட்டு மறைமுகமாக செயலிழக்கச் செய்து நிறுத்துவதுதான் இந்த அரசின் நோக்கமா என்றும் தமது டிவிட்டர் பதிவில் கேள்வி எழுப்பியுள்ளார்.
இதுகுறித்து கனிமொழி கருணாநிதி அவர்களின் டிவிட்டர் பதிவு வருமாறு:–
அண்ணல் அம்பேத்கர் அயலக உயர்கல்வி உதவித்தொகைத் திட்டத்தின் கீழ், மலேசிய தேசியப் பல்கலைக்கழகம் உள்ளிட்ட பல்வேறு நாடுகளிலுள்ள உயர்கல்வி நிலையங்களில் பயிலும் நூற்றுக்கணக்கான மாணவர்களுக்கு வழங்கப்பட வேண்டிய உதவித்தொகையை வழங்காமல், அவர்களின் எதிர்காலத்தை கேள்விக்குறியாக்கியுள்ளது த.வெ.க. அரசு.
தி.மு.க. ஆட்சியில் தொடங்கப்பட்ட திட்டம் என்பதற்காக, இதையும் திட்டமிட்டு மறைமுகமாக செயலிழக்கச் செய்து நிறுத்துவதுதான் இந்த அரசின் நோக்கமா? உடனடியாக நிலுவையிலுள்ள உதவித்தொகையை விடுவித்து, மாணவர்களின் கல்வியைத் தடையின்றி தொடரச் செய்ய வேண்டும்.
இவ்வாறு கழகத் துணைப் பொதுச் செயலாளர் கனிமொழி கருணாநிதி எம்.பி. தமது டிவிட்டர் பதிவில் குறிப்பிட்டுள்ளார்.