#Title

கர்நாடக மாநில நிர்வாகத்தில் தமிழ்நாடு தலையிடக்கூடாது! 3 தமிழர்கள் கொலை விவகாரத்தில் – முதல்வர் டி.கே.சிவகுமார் ஆணவ பதில்! அவை மரபுகளை மீறுவதா? யாருடைய கவனத்தை ஈர்க்கப் பேசுகிறீர்கள்? அமைச்சர் நிர்மல்குமாருக்கு கடும் எச்சரிக்கை விடுத்த பேரவைத் தலைவர்!

பெங்களூரு, ஆக.20–

‘‘எந்த மாநிலமும் மற்ற மாநிலத்தின் நிர்வாக விஷயத்தில் தலையிடக் கூடாது,” என்று கர்நாடக முதல்வர் டி.கே.சிவகுமார் வலியுறுத்தி யுள்ளார்.

பெங்களூருவில்செய்தியாளர்களிடம் பேசிய டி.கே.சிவகுமாரிடம், கர்நாடக வனத்துறையினர் நடத்திய துப்பாக்கிச் சூடு குறித்து தமிழக தலைவர்கள் வெளியிட்ட கருத்துகள் பற்றி கேள்வி எழுப்பப்பட்டது.

அதற்குப் பதில் அளித்த முதல்வர் டி.கே. சிவகுமார், ‘‘ஒரு மாநிலத்தின் நிர்வாகத்தில் மற்றொரு மாநிலம் தலையிடக் கூடாது. ஓ. பன்னீர்செல்வம் அல்லது வேறு யாராக இருந்தாலும் இந்த அடிப்படைப் புரிதலைக் கொண்டிருக்க வேண்டும்.

தமிழ்நாட்டில் உள்ள சட்டம்– ஒழுங்கு விவகாரங்களில் என்னால் தலையிட முடியாது. ஒவ்வொருமாநிலத்திற்கும் அதற்கே உரிய பிரச்சினைகள் உள்ளன. நமது மாநிலத்தை எப்படிக் காப்பது என்பது நமக்குத் தெரியும் என்பதை அவர்கள் புரிந்துகொள்ள வேண்டும்.

அவர்கள் தங்கள் பணியைச் செய்யட்டும், நாம் நமது பணியைச் செய்வோம். அவர்களின் நிர்வா கத்தில் தலையிட நான் விரும்ப வில்லை. நமது மாநிலத்தின் கண்ணியத்தைக் காக்கவேண்டியது அவசியம். அவர்கள் தங்கள் பணியைச் செய்ய வேண்டும்; நாம் நமது பணியைச் செய்ய வேண்டும்.” என்று தெரிவித்தார்.

கர்நாடக மாநிலம் சாம்ராஜநகர் மாவட்டம் ஹனூர் அருகேயுள்ள காவிரி வனவிலங்குசரணாலய பகுதியில் கடந்த 15–ம் தேதி அதிகாலையில் மானை வேட்டையாடியதாக அந்தோணிசாமி (50), ஜான்ரோஸ் பீட்டர் (42), லாசர் குமார் (33) ஆகிய மூவரும் அம்மாநில வனத்துறையினரால் சுட்டுக் கொல்லப்பட்டனர். இந்த சம்பவம் அங்கு பெரும் பரபரப்பை ஏற்படுத்தியதை தொடர்ந்து, வனத்துறைஅலுவலகங்கள் சூறையாடப்பட்டன.

கர்நாடக வனப்பகுதியில் சுட்டுக்கொல்லப்பட்ட 3 தமிழர்களின் உடல்களும் இறுதி திருப்பலிக்கு பின்னர், அவர்களின் சொந்த கிராமங்களில் நேற்று முன்தினம் அடக்கம் செய்யப்பட்டன.

இந்த சம்பவம் குறித்து தமிழக அரசியல்தலைவர்கள் பலரும் கடும் கண்டனம் தெரிவித்திருந்தனர். இந்த விவகாரம் தொடர்பாக தமிழ்நாடு அரசு, கர்நாடக அரசிடம் விளக்கம் கேட்க வேண்டும் என்றும், இந்த விவகாரம் குறித்து சிபிஐ விசாரணைக்கு உத்தரவிடப்பட வேண்டும் என்றும் வலியுறுத்தினர். இந்நிலையில், இதற்கு பதில் அளிக்கும் விதமாக கர்நாடக முதல்வர் டி.கே.சிவகுமார் பேசியுள்ளார்என்பது குறிப்பிடத்தக்கது.

சென்னை, ஆக.20–

சட்டபேரவையில் அமைச்சர் நிர்மல்குமார் உள்ளிட்ட அமைச்சர்கள் அவை மரபுகளை தொடர்ந்து மீறி வருகின்றனர். இந்நிலையில் நேற்று முன்தினம் அமைச்சர் நிர்மல்குமாரின் பேச்சை நீக்கி ‘யாரை திருப்திப்படுத்த தேவையற்றதைப் பேசுகிறீர்கள்’ என்று சட்டப் பேரவைத் தலைவர் ஜே.சி.டி.பிரபாகர் கடுமையாக எச்சரிக்கை விடுத்தார்.

சட்டப் பேரவையில் நேற்று அமைச்சர் நிர்மல்குமார் பேசுகையில், ஒரு சில பேருக்கு திடீர் தமிழ் பாசம், தமிழர்கள் மீது பாசம் இருக்கும். அதனை நாம் அனைவரும் வரலாற்றில் பார்த்திருப்போம்; 2009-ஆம் ஆண்டு நடைபெற்ற உண்ணாவிரத போராட்டம் பற்றி ஒரு கருத்தை தெரிவித்தார்.

அமைச்சர் நிர்மல் குமாரின் பேச்சுக்கு கழக உறுப்பினர்கள் கடும் எதிர்ப்பு தெரிவித்தனர். உடனே குறுக்கிட்ட பேரவைத் தலைவர் அமைச்சர் நிர்மல் குமார் கூறிய தேவையற்ற கருத்துகளை அவைக் குறிப்பில் இருந்து நீக்கி உத்தரவிட்டார்.

மேலும் அமைச்சர் நிர்மல்குமார் இனி தேவையற்றதை பேச அனுமதிக்கமாட்டேன் என்றும் கவன ஈர்ப்பு தீர்மானத்தை ஒட்டிதான் அனைவரும் பேச வேண்டும் என்றும் யாருடைய கவனத்தை ஈர்க்க இப்படி பேசுகிறீர்கள்? என அமைச்சர் நிர்மல் குமாரை சபாநாயகர் கண்டித்தார்.