தஞ்­சா­வூர், ஆக.20–

தஞ்­சா­வூர் மாமன்ற கூட்­டம் நேற்று நடை­பெற்­றது. கூட்­டத்­தில் சிறப்பு அழைப்­பா­ள­ராக கலந்து கொண்ட மாநி­லங்­க­ளவை உறுப்­பி­னர் எஸ்.கல்­யா­ண­சுந்­த­ரம் பேசு­கை­யில்; மக்­கள் பணியே மகே­சன் பணி. நாம் அனை­வ­ரும் மக்­க­ளுக்­காக பணி­யாற்ற வந்­துள்­ளோம். எம்.பி., எம்.எல்.ஏ., அமைச்­சர் ஆகி­யோ­ரால் கூட செய்யமுடி­யாத மக்­கள் பணி­களை மக்­க­ளு­டன் நெருங்கி இணைந்­துள்ள உள்­ளாட்சி அமைப்பு பிர­தி­நி­தி­கள் மேற்­கொண்டு சாதனை படைக்க முடி­யும். ஏனெ­னில் நானும் உள்­ளாட்சி அமைப்­பு­க­ளில் பொறுப்பு வகித்து பணி­யாற்றி உள்­ளேன்.

ரூ.ஆயி­ரம் கோடி ஸ்மார்ட் சிட்டி திட்­டத்­தில் நிதி பெற்று உள்ள மாந­க­ராட்­சியே இப்­படி இருக்­கி­றது என்­றால் எந்த நிதி உத­வி­யும் பெறாத மாந­க­ராட்சி எப்­படி இருக்­கும் என்­பதை சிந்­தித்துபார்க்க வேண்­டும். நான் இந்த கூட்­டத்தை கவ­னித்த போதுவிந்­தை­யாக உள்­ளது.தீர்­மா­னங்­கள் அனைத்­தும் ஒப்­பந்த பணி­யா­கவே உள்­ளது. சென்ற கூட்­டத்­தில் மாமன்ற உறுப்­பி­னர்­கள் வைத்த கோரிக்­கை­கள், எழுப்­பிய கேள்­வி­கள் இந்ததீர்­மா­னத்­தில் கொண்டு வந்து அதற்­காக காணப்­பட்ட தீர்வு, நட­வடிக்கை குறித்து குறிப்­பி ­டப்பட வேண்­டும். உறுப்­பி­னர்­கள் ஒரு வாரத்­திற்கு முன்­ன­தா­கவே தங்­க­ளது கோரிக்­கையை மனு­வாக அளித்­தால் அதி­கா­ரி­கள் அதற்­கு­ரிய நட­வ­டிக்­கை­களை எடுத்து அதற்­கு­ரிய பதிலை விளக்­க­மாக அளிக்க ஏது­வாக இருக்­கும். அதற்­கான வாய்ப்­பு­களை உரு­வாக்க வேண்­டும்.

மாந­க­ராட்சி வர­வு­க­ளை­யும் செல­வு­க­ளை­யும் உறுப்­பி­னர்­கள் முழு­மை­யாக அறிந்து கொள்ள வேண்­டும். மாமன்ற உறுப்­பி­னர்­கள் பிற­ருக்கு முன் மாதிரி யாக இருக்க வேண்­டும். ஆலோ­சனை கூறு­வது அதி­கா­ரி­க­ளின் பணி. ஆனால் அதை முடி­வெ­டுத்து செயல்­பாட்­டுக்கு கொண்டு வரு­வது மாமன்ற உறுப்­பி­னர்­கள். மாமன்ற உறுப்­பி­னர் ­கள் அனு­ம­தித்­தால் மட்­டுமே எந்த பணி­யும் நடக்­கும். அவ் வாறு இருக்­கை­யில் மாமன்ற உறுப்­பி­னர்­கள் மாமன்­றத்­தில் ஒரு பொருள் வைக்­கும் போது அதை குறித்து முழு­மை­யான புரி­தல் இருக்க வேண்­டும்.

அப்­போது தான் அதை அனு­ம­திப்­பதா, இல்­லையா என்­பதை முடிவு செய்ய முடி­யும், குஜ­ராத்­தில் கிராம ஊராட்­சி­யில் குப்­பை­களை எரித்து மின்சாரம் தயா­ரித்து அதை அர­சுக்கு விற்­பனை செய்­கி­றார்­கள். அது போல் நமது மாந­க­ராட்­சி­யி­லும் செய்­வ­தற்கு நட­வ­டிக்கை எடுக்க முடி­யும்.

இவ்­வாறு தஞ்சை மாந­க­ராட்சி மாமன்ற உறுப்­பி­னர்­கள் கூட்­டத்­தில் சு.கல்­யா­ண­சுந்­த­ரம் எம்.பி. உரை ­யாற்­றி­னார்.

சென்னை,ஆக.19–

மதுரை மாவட்­டம் சோழ­வந்­தான் அருகே, ஆட்­கள் நட­மாட்­டம் உள்ள பெட்­ரோல் பங்க்­கில், மூன்று பேர் கொண்ட கும்­பல் கத்தி முனை­யில் ஊழி­யரை மிரட்­டிப் பணத்­தைப் பறித்­துச் செல்­லும் அதிர்ச்சி வீடியோ வெளி­யா­கி­யுள்­ளது! இதுவே இந்த டம்மி தவெக அர­சின் சட்­டம் ஒழுங்­கின் லட்­ச­ணம்!

உழைக்­கும் மக்­கள் தங்­கள் வியர்வை சிந்­தச் சம்­பா­தித்த பணத்­தைப் பத்­தி­ர­மாக வீட்­டுக்­குக் கொண்டு போய் சேர்ப்­பதே பெரிய போராட்­ட­மாக மாறி­விட்­டது. இது­தான் இந்த அர­சின் ‘வெற்றி’ ஆட்­சியா?

சட்­டம் ஒழுங்­கைக் காப்­பாற்­றத் துப்­பில்­லாத அரசு, சட்­ட­ச­பை­யில் தனக்­குத்­தானே புகழ்­பா­டிப் பூரித்­துப் போவது என்ன மாதி­ரி­யான நியா­யம்? காவல்­து­றை­யைத் தன்­வ­சம் வைத்­துள்ள முதல்­வர், குற்­றங்­க­ளைக் கட்­டுப்­ப­டுத்­தா­மல் தன் அமைச்­சர்­க­ளை­யும், MLA–களை­யும் வைத்­துப் புகழ் பாடி புள­காங்­கி­தம் அடை­கி­றார்.

மக்­கள் தின­மும் தங்­கள் உயி­ரைக் கையில் பிடித்­துக்­கொண்டு வாழ்­கி­றார்­கள், முதல்­வர் அவர்­களே! வெட்டி விளம்­ப­ரப் பிர­சா­ரங்­களை நிறுத்­தி­விட்டு, மக்­கள் பாது­காப்­பில் கொஞ்­சம் கவ­னம் செலுத்­துங்­கள்!

இவ்வாறு தி.மு.க ஐ.டி.விங் தெரிவித்துள்ளது.