ம
ன்னார்குடி நகராட்சி 33வது வட்ட முன்னாள் பிரதிநிதி காமராஜ் அண்மையில் கழகத்தின் தலைமை நிலையமான அண்ணா அறிவாலயத்திற்கு குடும்பத்தினருடன்வந்தார். கழகத் தலைவர் திராவிடநாயகரைப் பார்க்கும் ஆர்வத்துடன் வந்த அவருக்கு, அன்று அந்த வாய்ப்பு அமையவில்லை. உடம்பில் ஓடுவது கருப்பு-சிவப்பு ரத்தம் என்ற உணர்வுடனும், தி.மு.க.தான் உயிர் என்ற இலட்சியத்துடனும் அறிவாலயம் முகப்பில் உள்ள பேரறிஞர் அண்ணா- முத்தமிழறிஞர் கலைஞர்
திருவுருவச் சிலைகள் முன்பாக நின்று படம் எடுத்துக் கொண்டார். அதனை கழக நண்பர்கள் அனைவருக்கும் பகிர்ந்து மகிழ்ந்தார்.
63 வயதான கழக உடன்பிறப்பு மன்னார்குடி காமராஜ் அடுத்த சில நாட்களில் உடல்நிலை பாதிக்கப்பட்டதால் காலமாகிவிட்டார். எந்த நிலையிலும் கழக உணர்வு குறையாத இவரைப் போன்ற கொள்கைக் குடும்பத்தினரால் தான் 75ஆண்டுகளைக் கடந்த ஆலமரமாக நிலைத்திருக்கிறது திராவிட முன்னேற்றக் கழகம்.
சிவகங்கை, ஆக.21–
சிவகங்கையில் மாவட்ட ஆட்சியர் அலுவலகம் அருகில் அரசு மகளிர் கலைக் கல்லூரி உள்ளது இந்த கல்லூரியில் 2500-க்கும் மேற்பட்ட மாணவிகள் படித்து வருகிறார்கள் . இதில் பி.பி.ஏ. வகுப்பில் மட்டும் 300க்கும் மேற்பட்ட மாணவிகள் படித்து வருகிறார்கள் பி.பி.ஏ. வகுப்பு படிக்கும் மாணவிகளுக்கு தனியாக வகுப்பறை கிடையாது. இதனால் மாணவிகளுக்கு படிப்பதில் மிகவும் சிரமம் ஏற்பட்டது.
எனவே பி.பி.ஏ. மாணவர்கள் தனியாக வகுப்பறை கேட்டு பலமுறை கல்லூரி நிர்வாகத்திடம் மனு கொடுத்துள்ளார்கள். ஆனால் கல்லூரியில் தனி வகுப்பறை இதுவரை கட்டப்படவில்லை. எனவே தனி வகுப்பறை கோரி நேற்று முன்தினம் கல்லூரி மாணவிகள் திடீர் போராட்டத்தில் ஈடுபட்டார்கள்.முன்னதாக மாணவிகள் கல்லூரி முதல்வரை சந்தித்து மனு கொடுக்க சென்றனர். ஆனால் கல்லூரி முதல்வர் மாணவிகளை சந்திக்க மறுத்து விட்டார்.
இதனால் கல்லூரி வளாகத்தில் தரையில் அமர்ந்து தர்ணா போராட்டத்தில் ஈடுபட்டார்கள். ஈடுபட்ட மாணவிகள் பி.பி.ஏ படிக்கும் மாணவிகளுக்கு தனி வகுப்பறை துவங்க நடவடிக்கை எடுக்குமாறு முழக்கங்களை எழுப்பினார்கள். நேற்று முன் தினம் கடுமையான வெயில் இருந்ததால் இரண்டு மணி நேரத்திற்கு மேலாக கொளுத்தும் வெயிலில் மாணவிகளின் போராட்டம் நடை
பெற்றது.
இதில் வெயில் தாக்கத்தில் 12க்கும் மேற்பட்ட மாணவிகள் மயங்கி விழுந்தார்கள். இதனால் உடனடியாக ஆம்புலன்ஸ் வரவழைக்கப்பட்டு கல்லூரி மாணவிகள் சிவகங்கை அரசு மருத்துவக் கல்லூரிக்கு சிகிச்சைக்கு அனுப்பி வைக்கப்பட்டார்கள். கல்லூரி மாணவிகள் போராட்டத்தினால் கல்லூரி வாசல் பூட்டப்பட்
டிருந்தது. பூட்டு திறக்கப்
படாததால் மாணவிகள் பூட்டை உடைத்து மயக்கம் அடைந்த மாணவிகளை சக மாணவி கள் ஆம்புலன்ஸ் மூலம் அனுப்பி வைத்தார்கள்.
அவர்களுக்கு சிகிச்சை அளிக்கப்பட்டு வருகிறது. இது தொடர்பாக வட்டாட்சியர் சிவராமன் மாணவிகளிடம் பேச்சுவார்த்தை நடத்தினார். விரைவில் வகுப்பறை கள் கட்டுவதற்கு அரசின்
கவனத்திற்கு கொண்டு செல்வதாக உறுதி கூறினார் . இதனால் மாணவிகள் போராட்டத்தை கைவிட்டார்கள். 12க்கும் மேற்பட்ட மாணவிகள் மயங்கி விழுந்ததால் அப்பகுதியில் பரபரப்பு ஏற்பட்டது.