சென்னை, ஆக. 21–
சட்டப் பேரவையில் பொதுப்பணித்துறை மானியக் கோரிக்கைமீதான விவாதத்தில் சட்டமன்றதி.மு.க. கொறடாவும் – முன்னாள்அமைச்சர் எ.வ.வேலு அவர்கள் பங்கேற்றுப் பேசுகையில், பொதுப்பணித்துறை சார்பில் மேற்கொள்ளப்படும் பணிகளுக்கான ஒப்பந்தங்களில் அதற்கானதொகையினை நிர்ணயிப்பதுகுறித்து முதல்வர் விஜய்க்குவிளக்கம் ஒன்றை வழங்கினார்.
அது வருமாறு:–
இந்த ஆட்சியாக இருந்தாலும் சரி, யார் ஆட்சிக்கு வந்தாலும் சரி,
Schedule of Rates
என்பது 1947 ஆம்ஆண்டிலிருந்து இருக்கிறது. தற்போது புதிதாக வந்து விடவில்லை. அதை தனிப்பட்ட அமைச்சர்கள், அதாவது, அவர் பொதுப் பணித் துறை அமைச்சர் என்பதற்காக அவர் அதை தயார் செய்துகொள்ள முடியாது.
இதை பல்வேறு துறை களிலுள்ள ஐ.ஏ.எஸ். அதிகாரிகள், நிதித் துறையின் செயலாளர் தலைமையில் ஆலோசித்து தயார் செய்கிறார்கள். அதை வைத்துத்தான்
es timate
தயார் செய்கிறோம். இதில் யார் ரேட்டை ஏற்றுவது? ரேட் ஏற்றப்பட்டுள்ளதாக அமைச்சர் மீண்டும் சொல்கிறார்; அது தவறு.
டெண்டர் போடும்போது, சில ஒப்பந்ததாரர்கள், தங்களுக்கு எப்படியாவது அந்தப் பணி கிடைக்க வேண்டும் என நினைப்பார்கள். சில ஒப்பந்ததாரர்கள், தங்களுக்கு லாபம்கூட வேண்டாம்; நம்மிடம் உள்ள ஆட்களுக்கு சம்பளம் கொடுக்க வேண்டும்; வேலையில்லாமல் உட்கார வைத்துக்கொண்டு, அவர்களுக்கு சம்பளம் கொடுக்க முடியாது; இயந்திரங்களுக்கு டீசல் நிரப்பியாக வேண்டும் போன்ற அடிப்படையில்கூட குறைந்த
மதிப்பீட்டில் டெண்டர் போடுவார்கள்.
ஏனெனில், Schedule of Rates முடித்து, டெண்டர் விடுவதுடன் முடிந்து விடும். இன்னும் சொல்லப்போனால், அமைச்சர், மானியக் கோரிக்கையில், என் துறைக்கு இவ்வளவு நிதி வேண்டுமென்று கோருகிறார் என்றால், அதை pass செய்துவிட்டால் வேலை முடிந்து விடும். இதற்குப் பின்னர் துறைதான் பணிகளை மேற்கொள்ள வேண்டும். அமைச்சருக்கு இதில் எந்தச் சம்பந்தமுமில்லை. (குறுக்கீடு)
இவ்வாறு எ.வ.வேலு அவர்கள் விளக்கமளித் தார்.