#Title

ஈரோடு மாவட்டத்தில் 148 மாற்றுத்திறனாளிகளுக்கு ரூ.30.12 லட்சம் மதிப்பிலான உதவி உபகரணங்கள்! கே.இ.பிரகாஷ் எம்.பி. கோரிக்கையை ஏற்று ALIMCO நடவடிக்கை!

ஈரோடு, ஆக.21–

ஈரோடு மாவட்டத்தில் மாற்றுத்திறனாளிகளுக்கு தேவையான உதவி உபகரணங்களை இலவசமாக வழங்குவதற்கான நடவடிக்கையை மேற்கொள்ளுமாறு, ஈரோடு நாடாளுமன்ற உறுப்பினர் கே.இ.பிரகாஷ் அவர்கள் ALIMCO (Artificial Limbs Manufacturing Corporation of India) நிறுவனத்திற்கு கடிதம் மூலம் கோரிக்கை விடுத்திருந்தார்.

ஈரோடு நாடாளுமன்ற உறுப்பினரின் கோரிக்கையை ஏற்று, ALIMCO நிறுவனம் மாவட்ட நிர்வாகத்தின் ஆதரவுடனும் ஒருங்கிணைப்புடனும் ஈரோடு மாவட்டத்தின் பல்வேறு பகுதிகளில் மதிப்பீட்டு முகாம்களை நடத்தி, உதவி உபகரணங்கள் தேவைப்படும் மாற்றுத்திறனாளி பயனாளிகளை அடையாளம் காணும் பணியை மேற்கொண்டது.

இந்த மதிப்பீட்டு முகாம்களின் மூலம் 148 தகுதியான மாற்றுத்திறனாளி பயனாளிகள் அடையாளம் காணப்பட்டுள்ளனர். இவர்களுக்கு மத்திய அரசின் ADIP (Assistance to Disabled Persons for Purchase/Fitting of Aids and Appliances) திட்டத்தின் கீழ் சுமார் ரூ.30.12 லட்சம் மதிப்பிலான உதவிஉபகரணங்கள் இலவசமாக வழங்கப்பட உள்ளன.

பயனாளிகளின் தேவைக்கேற்ப சக்கர நாற்காலிகள், நடைஉதவி உபகரணங்கள் உள்ளிட்ட பல்வேறு வகையான உதவி உபகரணங்கள் வழங்கப்பட உள்ளன.

அடுத்தகட்டமாக, அடையாளம் காணப்பட்ட 148 பயனாளிகளுக்கும் உதவி உபகரணங்களை வழங்குவதற்கான விநியோக முகாமை ஈரோடு மாவட்டத்தில் நடத்துவதற்கான நடவடிக்கைகள் மேற்கொள்ளப்பட்டு வருகின்றன.

ஈரோடு மாவட்ட மாற்றுத்திறனாளிகளின் தேவைகளை கருத்தில் கொண்டு, அவர்களுக்கு தேவையான உதவி உபகரணங்கள் கிடைக்க வேண்டும் என்ற நோக்கத்தில் ஈரோடு நாடாளுமன்ற உறுப்பினர் கே.இ.பிரகாஷ் அவர்கள் தொடர்ந்து நடவடிக்கைகளை மேற்கொண்டு வருகிறார்.

“ஈரோடு மாவட்டத்தில் மாற்றுத்திறனாளிகளுக்கு தேவையான உதவி உபகரணங்கள் இலவசமாக கிடைக்க வேண்டும் என்பதற்காக ALIMCO நிறுவனத்திடம் கோரிக்கை விடுத்திருந்தேன். அந்தக் கோரிக்கையை ஏற்று ALIMCO நிறுவனம் மதிப்பீட்டு முகாம்களை நடத்தி 148 பயனாளிகளை அடையாளம் கண்டுள்ளது. தற்போது அவர்களுக்கு ரூ.30.12 லட்சம் மதிப்பிலான உதவி உபகரணங்களை வழங்குவதற்கான நடவடிக்கைகள் மேற்கொள்ளப்பட்டு வருகின்றன. இந்த உதவிகள் உரிய பயனாளிகளை சென்றடைவதை உறுதி செய்வதுடன், ஈரோடு மாவட்டத்தில் தகுதியான அனைத்து மாற்றுத்திறனாளிகளுக்கும் அரசு நலத்திட்டங்களின் பயன்கள் கிடைக்க தொடர்ந்து நடவடிக்கை எடுக்கப்படும்” என ஈரோடு நாடாளுமன்ற உறுப்பினர் கே.இ.பிரகாஷ் தெரிவித்துள்ளார்.