சென்னை, ஆக. 22–

சென்­னையை அடுத்த திரு­வேற்­காட்­டில் மாந­க­ராட்சி பெண் தூய்­மைப் பணி­யா­ளர் தலை­ய­ணை­யால் முகத்தை அமுக்­கிக் கொடூ­ர­மான முறை­யில் கொலை செய்­யப்­பட்டு, அவ­ரி­ட­மி­ருந்த 8 சவ­ரன் தங்க நகை­கள் கொள்­ளை­ய­டிக்­கப்­பட்ட சம்­ப­வம் அப்­ப­கு­தி­யில் பெரும் அதிர்ச்­சியை ஏற்­ப­டுத்­தி­யுள்­ளது. இது தொடர்­பாக ஒரு வாலி­ப­ரைப் போலீ­சார் கைது செய்­துள்­ள­னர்.

சென்னை மாந­க­ராட்­சி­யில் தூய்­மைப் பணி­யா­ள­ரா­கப் பணி­யாற்றி வந்த ஹேமா­வதி (வயது 45). கண­வனை இழந்த அவர் திரு­வேற்­காடு பகு­தி­யில் தனி­யாக வசித்து வந்­தார். கடந்த 2 நாட்­க­ளாக அவ­ரது வீடு பூட்­டப்­பட்­டி­ருந்த நிலை­யில், அங்­கி­ருந்து பலத்த துர்­நாற்­றம் வீசி­யுள்­ளது. இத­னால் சந்­தே­க­ம­டைந்த அக்­கம்­பக்­கத்­தி­னர் உட­ன­டி­யாக திரு­வேற்­காடு போலீஸ்நிலை­யத்­திற்கு தக­வல் கொடுத்­த­னர்.

தக­வ­ல­றிந்து சம்­பவ இடத்­திற்கு விரைந்து வந்த போலீ­சார், கதவை உடைத்து உள்ளே சென்று பார்த்­த­போது ஹேமா­வதி படுக்­கை­ய­றை­யில் சட­ல­மா­கக் கிடந்­தார். அவ­ரது முகம் தலை­ய­ணை­யால் அமுக்­கப்­பட்­ட­தற்­கான அடை­யா­ளங்­கள் இருந்­தன. மேலும், அவர் அணிந்­தி­ருந்த 8 சவ­ரன் தங்க நகை­கள் காணா­மல் போயி­ருந்­தன. நகை­க­ளுக்­காக அவர் திட்­ட­மிட்டு படு­கொலை செய்­யப்­பட்­டதை போலீ­சார் உறுதிசெய்­த­னர்.

இக்­கொலை வழக்கு குறித்து தனிப்­படை அமைத்து போலீ­சார் தீவிர விசா­ரணை நடத்­தி­னர். சிசி­டிவி காட்­சி­க­ளின் அடிப்­ப­டை­யில், சந்­தே­கத்­திற்­கி­ட­மான முறை­யில் நட­மா­டிய நித்­திஷ் என்ற வாலி­ப­ரைப் பிடித்­துப் போலீ­சார் விசா­ரித்­த­னர். விசா­ர­ணை­யில், அவ­ரும் அவ­ரதுநண்­ப­ரான ஆகாஷ் என்­ப­வ­ரும் சேர்ந்து, ஹேமா­வதி தனி­யாக இருப்­ப­தைத் தெரிந்­து­கொண்டு வீட்­டிற்­குள் புகுந்து அவ­ரைக் கொலை செய்து நகை­க­ளைக் கொள்­ளை­ய­டித்­ததை ஒப்­புக்­கொண்­டார்.