ம காத்மா காந்தி தேசிய கிராமப்புற வேலைவாய்ப்பு உத்தரவாத சட்டத்திற்கு (Mahatma Gandhi National Rural Employment Guarantee Act MGNREGA) மாற்றாக 2025 ஆம் ஆண்டு டிசம்பர் மாதம் அவசரஅவசரமாக “VB-G-RAM G” என்ற சட்டம் நிறைவேற்றப்பட்டு குடியரசுத் தலைவரின் ஒப்புதலோடு சட்டவடிவம் பெற்றது. ஆனால், அதற்கான துணை விதிகள் 2026 மே மாதம் தொடர்புடைய அமைச்சரவையால் வெளியிடப்பட்டு, ஜூன் மாதம் நடைமுறைக்கு வந்திருக்கிறது. சட்டம் நிறைவேற்றப்பட்ட 2025 டிசம்பர் மாதத்திலிருந்து, விதிகள் நடைமுறைக்கு வந்த 2026 மே மாதம்முடிய இடைப்பட்ட காலத்தில் எந்த விதமான இயக்கமோ முன்னேற்றமோ இந்தச் சட்டத்தின் அடிப்படையில் உருவாகவில்லை.

இந்தச் சட்டத்தின் மூலம் ஒன்றிய அரசும், தொடர்புடைய மாநில அரசுகளும் முறையே 60:40 என்ற விகிதத்தில் செலவினங்களை ஏற்றுக்கொள்ளும் என வரையறுக்கப்பட்டுள்ளது. இந்தப் புதிய சட்டத்தின் நோக்கம் என்பது கிராமப்புறத்திலுள்ள மக்களுக்கு பயனுள்ள வேலை வாய்ப்புகளை உருவாக்கித் தருவதும், கிராமப்புற வளர்ச்சிக்கான திட்டப் பணிகளை மேற்கொள்வதுமாகும்.

ஆனால், சட்டமும் விதிகளும் நடைமுறைக்கு வந்தப்பின்னர் இந்தியாவி லுள்ள எந்த மாநிலத்திலும் கணிசமான வேலை வாய்ப்புகள் உருவாக்கப் படவில்லை. மாறாக, ஏற்கனவே மகாத்மா காந்தி தேசிய கிராமப்புற வேலைவாய்ப்பு உறுதி திட்டத்தின்கீழ் உரு வாக்கிய வேலை வாய்ப்பு சதவிகிதத்தில் கணிசமாக பாரதீய ஜனதா கட்சியால் உருவாக்கப்பட்ட இந்தச் சட்டத்தின் நடைமுறைக்குப் பின்னர் மக்கள் ஆச்சரியப்படத்தக்க வகையில் குறைந்திருக்கிறது என்பதை “இந்து” ஆங்கில நாளேட்டில் (18.08.26) இத்துறை சார்ந்த அறிஞர்களான Jean Dreze, Mohammed Zameer தெளிவான விளக்கங்களை கட்டுரையில் புள்ளி விவரங்களோடு தெரிவித்திருக்கிறார்கள்.

ஒன்றிய அரசினுடைய இந்தப் புதிய சட்டத்தால் எந்த பயனும் எந்த மாநிலத்திலும் குறிப்பிடத்தக்க அளவிற்கு கிராமப்புற மக்களுக்கு பயனளிக்கவில்லை என்பதை மிகத் தெளிவாக விளக்கியிருக்கிறார்கள்.

இதுமட்டுமல்ல, இந்த புதிய சட்டத்தினை செயல்படுத்துவதில் எத்தகைய விடைகாணவியலாத குழப்பங்களும், மாற்றுவழி காணவியலாத குழப்பங்களும், குதர்க்கங்களும் அரங்கேறிக் கொண்டிருக்கின்றன என்பதை கட்டுரையாளர்கள் மிகத் தெளிவாக சுட்டிக்காட்டியுள்ளார்கள்.

(The transition the ground reality During the first three months of this financial year (April to June), confusion prevailed. To paraphrase Gramsci, the old world of MGNREGA was dying, and the new world of VB-G-RAM G was struggling to be born. In some districts, MGNREGA functionaries refused to open new works. Inmany areas, there was no MGNREGA work at all. This was a serious lapse, as MGNREGA is normally at a peak during these summer months (a slack agricultural season in large parts of India). The Limbo continued in July 2026, when VB-G-RAM G made a faltering start.

இந்தப் புதிய சட்டத்தை அறிமுகப்படுத்திய கிராமப்புற வளர்ச்சி துறையின் அமைச்சர் புதிய சட்டம் 2026 ஏப்ரல் 1 முதல் செயல்படுத்தப்படும் என்று அறிவித்தார்கள். ஆனால், ஏப்ரல் மாதம் வரையிலும் புதிய சட்டம் அமல்படுத்தப்படாமையால், முந்தைய மகாத்மா காந்தி தேசிய வேலைவாய்ப்பு உறுதி திட்ட சட்டம் தொடர்ந்தது. இந்த நிலையில் 2026 மே மாதம் 22ஆம் தேதி புதிய சட்டத்திற்கான (VB-G-RAMG) விதிகள் (Rules) பொதுமக்களின் கருத்துக்காக முன்வைக்கப்பட்டது. இதனைத் தொடர்ந்து ஜூன் மாதம் 30ஆம் தேதியில் புதிய சட்டத்திற்கான விதிகள் அறிமுகப்படுத்தப்பட்டது. புதிய விதிகள் காலதாமதமாக அறிமுகப்படுத்தப்பட்ட நிலையில்கூட எந்த முன்னேற்றமும் புதிய சட்டத்தின் அடிப்படையில் ஏற்படவில்லை என்பதை கட்டுரையாளர்கள் தெளிவுபட உணர்த்தியுள்ளார்கள்.

மேலும், இந்த புதிய சட்டத்தின் அடிப்படையில் எந்த மாற்றமும் கள எதார்த்த நிலைமையில் உருவாக வில்லை. இந்த உண்மைகளை விளக்குவதற்காக கட்டுரையாளர்கள் இந்தப் புதிய சட்டத்தின் அமலாக் கத்திற்கு பின்னால் எந்த அளவிற்கு ஒவ்வொரு மாநிலத்திலும் வேலை வாய்ப்புகள் ஆச்சரியப் படத்தக்க வகையில் குறைந்திருக்கிறது என்பதை விரிவான அட்டவணை யின் மூலம் விளக்கி யிருக்கிறார்கள். ஒன்றிய அரசு கொண்டு வந்த சட்டம் (VB-G-RAMG) என்பது முந்தைய சமூக நீதிக் கோட்பாட்டின்அடிப்படையில் உருவாக்கப்பட்ட மகாத்மா காந்தி தேசிய கிராமப்புற வேலைவாய்ப்பு உறுதி திட்டத்தை உருக்குலைப்பதற்கும் செயலற்று போவதற்கும்தான் பயன்பட்டி ருக்கிறது என்பதை “இந்து” ஆங்கில நாளிதழில், வேலைவாய்ப்பு உறுதி திட்டம் திக்கற்ற நிலையில் காட்சி பொருளாகியிருக்கிறது.

இந்த தலைப்பின்கீழ் (Employment Guarantee has slipped into Limbo) எழுதப்பட்ட கட்டுரையைப்படித்தால் மிகத் தெளிவாகவே விளங்கும். ஒன்றிய பா.ஜ.க அரசின் பயனற்ற ஆம்! செயல்படுத்த முடியாத ஒரு புதிய சட்டத்தின் மூலம் கிராமப்புற மக்களுக்கு குறைந்தபட்ச வேலை வாய்ப்பை உறுதிசெய்யும் MGNREGA சட்டத்தை சீர்குலைத்திருக்கிறார்கள் என்பதோடு கிராமப்புற மக்களின் வாழ்க்கையில் கடுமையான பாதிப்பையும் உருவாக்கியிருக்கிறார்கள். இந்த ஜீவாதாரப் பிரச்சனைக்கு பாசிச ஒன்றிய பா.ஜ.க அரசின் பதில் என்ன? எங்கள் ஆட்சி சர்வரோக சஞ்சீவியாக பயன்பட்டுக்கொண்டிருக்கிறது என்று தண்டோரா போட்டுக்கொண்டிருக்கும் தமிழக வெற்றிக் கழக ஆட்சியின் பதில் என்ன? - இதுவே பாதிக்கப்பட்ட கிராமப்புற மக்களின் எதிர்பார்ப்பு!