#Title

ஆய்வுக்குச் சென்றபோது நேரடி ஒளிபரப்பில் – உங்கள் த.வெ.க. ஆட்சியில் நெல் கொள்முதல் நிலையங்களில் 50 ரூபாய் இலஞ்சம் பெறுவதாகச் சொன்னதை ஒத்துக் கொள்ளத் தயாரா? பேரவையில் – கோவி.செழியன் கேள்வி!

சென்னை, ஆக. 22 –

ஆய்வுக்குச் சென்றபோது நேரடி ஒளிபரப்பில் உங்கள் ஆட்சியில் நெல் கொள்முதல் நிலையங்க ளில் 50 ரூபாய் லஞ்சம் பெறுவதாகச் சொன்னதை ஒத்துக் கொள்ளத் தயாரா? என பேரவையில் கோவி.செழியன் கேள்வி எழுப்பினார்.

பேரவையில் முன்னாள் அமைச்சர் கோவி. செழியன் பேசியதாவது:

பேரவைத் தலைவர் அவர்களே, மலேசிய தேசிய பல்கலைக்கழகத்தில் Ph.D.,-யில் இரண்டாம் ஆண்டு பயின்று வரும் ஆராய்ச்சி மாணவர், பாரதிதாசன் என்பவர் அம்பேத்கர் அயலக உயர்கல்வித் திட்டத்தின் உத வித்தொகை கிடைக்க வில்லை எனப் பேசியது, சமூக வலைதளங்களில் வெளிவந்திருக்கின்ற சூழலில், அம்பேத்கர் அயலக உயர்கல்வித் திட்ட த்தின்கீழ் வெளிநாட்டில் படிக்கும் மாணவர்களுக்கு உரிய நேரத்தில் இந்த உதவித்தொகை வழங்கப்படுகிறதா என்பதை அரசின் கவனத்திற்கு ஈர்த்து அமர்கிறேன். நன்றி.

பேரவைத் தலைவர்: இதனை கவன ஈர்ப்புத் தீர்மானமாகக் கொண்டுவந்த உறுப்பினர் முனைவர் கோவி. செழியன் அவர்களுக்கு வினா எழுப்ப நான் அனுமதி அளிக்கிறேன். இதுகுறித்து ஏதேனும் வினா இருந்தால் நீங்கள் எழுப்பலாம்.

முனைவர் கோவி. செழியன்: பேரவைத் தலைவர் அவர்களே, சமூக நீதித் துறை அமைச்சர் சொன்ன, அம்பேத்கர் அயலக உயர்கல்வித் திட்டம் மாணவர் பாரதிதாசன் பெற்ற நிதி என்ற விவரத்தை முழுமையாக சொன்னார், நாங்களும் கேட்டோம். ஆனால், வானத்தில் பறக்கிற விமானத்தைப் பார்த்து விமானத்தில் ஏறுவோமா என்று ஏங்கியிருந்த கிராம ஆதி திராவிடமக்களுக்கு குறிப் பாக, நீலகிரி மாவட்டம் தேயிலை தோட்டத்து வீட்டுப் பிள்ளைகூட கனடா சென்று பல்கலைக்கழகத்தில்உயர்கல்வி படிக்கக்கூடிய அந்தத் திட்டத்தை அறிவித்த தலைவர் தமிழ்நாட்டு முதலமைச்சராக இருந்த அண்ணன் தளபதி அவர்கள். (மேசையைத் தட்டும் ஒலி)

அந்தத் திட்டத்தி ன்கீழ்தான் மாணவர் பாரதிதாசன் பயில்கிறார். 2, 3 தினங்களுக்கு முன்பு இந்தத் திட்டத்தின்கீழ் எல்லா மாணவர்களுக்கும் நிதி உதவி அளிக்கப்பட்டுவிட்டது, என்ற செய்தி பரவியதற்கு பிறகு மாணவர் பாரதிதாசன், அமைச்சர் இதுபோன்று சொல்கிறார், எனக்கு நிலுவைத் தொகை வரவில்லை, என்ற எண்ணத்தைத்தான் அவர் கருத்தாக வெளியிட்டு, அது இன்றைக்கு வெளியில் மாணவர்கள் மத்தியில் கொந்தளிப்பை ஏற்படுத்தி இருக்கிறது. அமைச்சர் இந்த தேதியில் இத்தனை இலட்சம், இந்த தேதியில் இத்தனை இலட்சம் என்று சொன்ன அனைத்து நிதி உதவியும் கடந்த திராவிட மாடல் நாயகன் தளபதி மு.க. ஸ்டாலின் அவர்களின் ஆட்சியில் பாரதிதாசனுக்கு வழங்கப்பட்டது உண்மை. (மேசையைத் தட்டும் ஒலி) மாறாக மாணவர் கருத்து தெரிவித்ததற்குப் பிறகு நிதி ஒதுக்கீடு த.வெ.க. அரசு செய்திருக்கிறதா என்பதை மாண்புமிகு அமைச்சர் அவர்கள் தெரிவித்தால் அது மாணவர்கள் மத்தியில் குறிப்பாக, ஆதி திராவிட மாணவர்கள் மத்தியில் இருக்கிற ஐயத்தைப் போக்கும் என்று சொல்லி, எல்லாவற்றுக்கும் பிதாமகன் தளபதி மு.க. ஸ்டாலின் அவர்கள் என்பதை பதிவு செய்து அமர்கிறேன்.

உணவுத் துறை அமைச்சர் அவர்கள் நெல் கொள்முதல் நிலையங்களில் கடந்த ஆட்சியில் 50 ரூபாய், 60 ரூபாய் இலஞ்சம் பெறுகிறார்கள் என்று பதிவு செய்திருக்கிறார்.

தஞ்சை மாவட்டத்திற்கு ஆய்வுக்கு வந்தபோது, நேரடியாகக் கேட்கிறார், அப்பொழுதும் அவர்கள் 50 ரூபாய் தருவதாகச் சொல்கிறார்கள். அது ஒளிபரப்பப்பட்டது. அப்படியென்றால், எங்கள் ஆட்சியில் இலஞ்சம் என்று பதிவு செய்கிற நீங்கள் உங்கள் பேச்சு இந்த ஆட்சியிலும் கொள்முதல் நிலையங்களில் 50 ரூபாய் இலஞ்சம் பெறுகிறார்கள் என்று ஒத்துக்கொள்ள தயாரா? அல்லது அவர் பேச்சை அவைக் குறிப்பிலிருந்து நீக்கத் தயாரா என்பதை அமைச்சர் அவர்களிடம் கேட்டுக்கொள்கிறேன்.

இவ்வாறு அவர் கேள்வி எழுப்பினார்.