#Title

நாகர்கோவில் மாநகர மேற்கு பகுதி 31 வது வட்ட கழக நிர்வாகிகள் ஆலோசனைக் கூட்டம்! மாவட்டச் செயலாளர் ரெ.மகேஷ் ஆலோசனைகள் வழங்கினார்!

கன்னியாகுமரி, ஆக. 22 –

கன்னியாகுமரி கிழக்கு மாவட்டம், நாகர்கோவில் மாநகர மேற்கு பகுதி, 31 வது வட்ட கழக நிர்வாகிகள் ஆலோசனைக் கூட்டமானது 31 வது வட்ட கழக பொறுப்பாளர் A.டென்னிஸ் மெர்வின் தலைமையில், நாகர்கோவில் மாநகர மேற்கு பகுதி செயலாளர் மு.சேக்மீரான் முன்னிலையில் 20.08.2026, வியாழக் கிழமை அன்று மாலை 6.30 மணியளவில் நாகர்கோவில், தளவாய்புரம், கோல்டன் தெரு பகுதியில் வைத்து நடைபெற்றது.

கூட்டத்தில் கன்னியாகுமரி கிழக்கு மாவட்டச் செயலாளர் வழக்கறிஞர் ரெ.மகேஷ் கலந்து கொண்டு கழக வளர்ச்சி பணிகள் தொடர்பாக நிர்வாகிகளுக்கு ஆலோசனைகள் வழங்கினார்.

ஆலோசனைக் கூட்டத் தில் கன்னியாகுமரி கிழக்கு மாவட்ட இலக்கிய அணி துணை தலைவர் T.ஜஸ்டின் வில்பிரட், மேல இராமன்புதூர் முன்னாள் ஊர் தலைவர் A.R.கென்னடி, இராமன்புதூர் முன்னாள் ஊர் தலைவர் S.ஜெயராஜ், கழக சார்பு அணிகளின் நிர்வாகிகள் S.T.ஸ்டீபன், T.டேவிட், தமிழ்ச்செல்வி, A.ஜஸ்டின் பாஸ்கர், சுபாஷ், கழக நிர்வாகிகள் லிஸ்டர் ராஜன், C.மேரி செலின், செந்தமிழ் செல்வன் உட்பட பகுதி, வட்ட கழக நிர்வாகிகள், கழக சார்பு அணிகளின் நிர்வாகிகள், BLA-2, BLC மற்றும் கழக நிர்வாகிகள் பலர் கலந்து கொண்டனர். கூட்டத்தில் கீழ்கண்ட தீர்மானங்கள் நிறைவே ற்றப்பட்டது.

தீர்மானம்: 1 - நாகர்கோவில், அண்ணா பேருந்து நிலையத்திலிருந்து செட்டிக்குளம், மேல இராமன்புதூர், சைமன் நகர், கன்கார்டியா பள்ளி, நடுக்காட்டு இசக்கி அம்மன் கோவில் தெரு வழியாக செல்லும் தடம் எண்: 52 என்ற எண் கொண்ட பேருந்தானது தற்போது நிறுத்தப்பட்டுள்ளது. இதனால் பள்ளி, கல்லூரி மாணவர்கள் மற்றும் வேலைக்கு செல்லும் பொதுமக்களும் மிகுந்த சிரமத்திற்கு உள்ளாகின்றனர். எனவே இந்த பேருந்தை மீண்டும் இயக்க வேண்டி நாகர்கோவில் அரசு போக்குவரத்துக் கழக பொது மேலாளர் அவர்களை இக்கூட்டம் கேட்டுக்கொள்கிறது.

தீர்மானம்: 2 - வருகின்ற உள்ளாட்சித் தேர்தலில் வெற்றி பெறும் வகையில் அதற்கான களப் பணிகளை இன்றே தொடங்கி செயல்படுத்துவது என தீர்மானிக்கப்பட்டது.

தீர்மானம்: 3 - கழக பணியினை தொய்வின்றி நடத்த கழக தலைவர் கட்டளையை ஏற்று நடக்கவும், மாவட்ட கழகம் அறிவிக்கும் பணிகளை செவ்வனே நிறைவேற்றி கழகம் மீண்டும் ஆட்சி அமைக்க அயராது பாடுபட வேண்டும் என தீர்மானிக்கப்பட்டது.

தீர்மானம்: 4 - கடந்த தமிழ்நாடு சட்டமன்றத் தேர்தலில் கழக வேட்பாளருக்காக உழைத்த கழக நிர்வாகிகளுக்கும், மதச்சார்பற்ற முற்போக்கு கூட்டணி கட்சியினருக்கும் மற்றும் வாக்களித்த அனைத்து வாக்காள பெருமக்களுக்கும் மாவட்ட தி.மு.கழகம் மற்றும் நாகர்கோவில் மாநகர மேற்கு பகுதி கழகம் சார்பாக நன்றி தெரிவிக்கப்பட்டது.