தூத்­துக்­குடி, ஆக.22–

உல­கமே புதிய புதிய தீர்­வு­க­ளைத் தேடிக் கொண்­டி­ருக்­கி­றது. பிரச்­சி­னை­க­ளுக்­குப் புதிய தீர்­வு­களை உரு­வாக்கி உலகை வெல்­லுங்­கள் என்று கனி­மொழி கரு­ணா­நிதி எம்.பி. கூறி­னார்.

தூத்­துக்­கு­டி­யில் All India Chamber of Commerce and Industries சார்­பில் நடை­பெ­றும் National Startup Summit 2026 மாநாட்­டின் துவக்­க­வி­ழா­வில் கலந்­து­கொண்டு தி.மு.க. துணைப் பொதுச் செய­லா­ள­ரும், நாடா­ளு­மன்ற திமுக குழுத் தலை­வ­ரு­மான கனி­மொழி கரு­ணா­நிதி எம்.பி ஆற்றிய உரை வருமாறு:

தேசிய ஸ்டார்ட் அப் மாநாடு 2026 வந்­தி­ருக்­கக்­கூ­டிய அத்­தனை இளை­ஞர்­க­ளுக்­கும், இளம்­பெண்­க­ளுக்­கும் என்­னு­டைய வாழ்த்­து­கள். இன்­றைய தொழில்­நுட்­பம் எங்­களை போன்­ற­வர்­க­ளுக்கு புரி­யாத ஒன்று, அனால் உங்­க­ளுக்கு புரி­யும். ஏஐ (AI) போன்ற தொழில்­நுட்­பம் பல விஷ­யங்­களை இன்­றைக்கு மாற்­றி­ய­மைக்க திறன் உள்ள கால­கட்­டத்­தில் நாம் இருந்து கொண்­டி­ருக்­கி­றோம்.

தொழில்­நுட்ப நிறு­வ­னங்­கள் முக்­கி­யம் என்று நினைத்த காலக்­கட்­டம் சென்று, ஏஐ(AI) அந்­நி­று­வ­னங்­க­ளில் வேலை பார்க்­கக்­கூ­டி­ய­வர்­களை மிக எளி­தில் அவர்­களை மாற்­றக்­கூ­டிய சூழல் உள்­ளது. இத­னால் எத்­தனை பேருக்கு வேலை இருக்­கும், அவர்­க­ளு­டைய எதிர்­கா­லம் எப்­படி இருக்­கும் என்ற பல கேள்­வி­கள் தோன்­று­கி­றது, பல நாடு­கள் இந்த இக்­கட்­டான சூழ்­நி­லையை எவ்­வாறு கையாள்­வது என்று நினைக்­கக்­கூ­டிய கால­கட்­டத்­தில் நாம் நின்று கொண்­டி­ருக்­கி­றோம்.

இன்­றைக்கு நம்­மைச் சுற்றி நிறைய விஷ­யங்­கள் இருக்­கின்­றன. சில விஷ­யங்­களை நாம் சாதா­ர­ண­மாக எடுத்­துக்­கொள்­கி­றோம்; சில­வற்றை விளை­யாட்­டா­கப் பேசிக்­கொள்­கி­றோம். உதா­ர­ண­மாக, இங்கே விளக்­கேற்­றும் போது, எந்­தச் சூழ­லி­லும் எளி­தாக ஏற்­றக்­கூ­டிய ஒரு விளக்­கையோ, ஒரு திரி­யையோ யாரா­வது கண்­டு­பி­டித்­தால் நன்­றாக இருக்­கும் என்று நினைக்­க­லாம். பல நேரங்­க­ளில், விளக்­கேற்­று­வது மகிழ்ச்­சி­யைத் தரும் ஒரு விஷ­ய­மாக இருந்­தா­லும், அதைச் செய்­வதே சில சூழ்­நி­லை­க­ளில் ஒரு சவா­லாக மாறி­வி­டு­கி­றது.

இன்று உல­கமே புதிய தீர்­வு­களை

தேடிக்­கொண்­டி­ருக்­கி­றது!

இது ஒரு சிறிய விஷ­யம்­தான். ஆனால், இது­போன்ற நம்­மு­டைய அன்­றாட வாழ்க்­கை­யில் சந்­திக்­கும் எண்­ணற்ற சிறிய சவால்­கள் இருக்­கின்­றன. அவற்­றைத் தீர்க்க வேண்­டிய அவ­சி­ய­மும் இருக்­கி­றது. இன்று உல­கமே புதிய புதிய தீர்­வு­க­ளைத் தேடிக்­கொண்­டி­ருக்­கி­றது.

அந்­தத் தீர்­வு­களை உரு­வாக்­கப் போகி­ற­வர்­கள் நீங்­கள்­தான்.இன்­றைக்கு தீர்­வு­களை உரு­வாக்­கிக் கொண்­டி­ருப்­ப­வர்­க­ளா­க­வும், நாளைக்கு உல­கத்­தின் பிரச்­சி­னை­க­ளுக்கு புதிய தீர்­வு­களை உரு­வாக்­கப் போகி­ற­வர்­க­ளா­க­வும் நீங்­கள் இருக்­கி­றீர்­கள்.ஸ்டார்ட்­அப் என்­பது வெறும் ஒரு நிறு­வ­னத்­தைத் தொடங்­கு­வது அல்ல.மக்­கள் சந்­திக்­கும் ஒரு பிரச்­சி­னையை அடை­யா­ளம் கண்டு, அதற்கு ஒரு புதிய, பய­னுள்ள தீர்வை உரு­வாக்­கு­வ­து­தான் ஒரு ஸ்டார்ட்­அப்.

முத­லில், உங்­கள் முன்­னால் இருக்­கக்­கூ­டிய மிகப்­பெ­ரிய சவால் என்­ன­வென்­றால், எல்­லோ­ரும் பேசத் தொடங்­கு­வ­தற்கு முன்­பா­கவே, அது என்ன பிரச்­சினை என்­பதை அடை­யா­ளம் கண்டு, அதற்­கான ஒரு தீர்­வு­டன் வரு­வ­து­தான். அது­தான் உங்­க­ளுக்கு முத­லில் இருக்­கக்­கூ­டிய மிகப்­பெ­ரிய சவால் என்று நான் நினைக்­கி­றேன். மேலும், உங்­க­ளில் பெரும்­பா­லா­ன­வர்­கள் அதை ஏற்­க­னவே செய்­து­விட்­டீர்­கள் என்று நினைக்­கி­றேன்.

LinkedIn-ன் இணை நிறு­வு­ந­ரான ரீட் ஹாஃப்­மேன் ஒரு இடத்­தில் இப்­ப­டிச் சொல்­கி­றார்: ஸ்டார்ட்­அப் என்­பது ஒரு உய­ர­மான இடத்­தி­லி­ருந்து கீழே குதிப்­பது போன்­றது. கீழே விழுந்­து­கொண்­டி­ருக்­கும்­போதே, ஒரு விமா­னத்­தின் பாகங்­களை ஒன்­றா­கச் சேர்த்து அந்த விமா­னத்தை உரு­வாக்க முயற்­சிப்­பது போன்­ற­து­தான் ஸ்டார்ட்­அப்.

துணிந்து முதல் அடியை

எடுத்து வையுங்­கள்!

ஸ்டார்ட்­அப்­கள் என்­பவை இப்­ப­டித்­தான், நீங்­கள் களத்­தில் இறங்க வேண்­டும்; துணிந்து முதல் அடியை எடுத்து வைக்க வேண்­டும். ஏனென்­றால், நீங்­கள் உரு­வாக்­கிய தீர்வு குறித்து உங்­க­ளுக்கே கொஞ்­சம் தயக்­கமோ, இது இன்­னும் கொஞ்­சம் சிறப்­பாக இருந்­தி­ருக்­க­லாம் என்ற எண்­ணமோ இல்­லை­யென்­றால், நீங்­கள் ஏற்­க­னவே கொஞ்­சம் தாம­த­மா­கி­விட்­டீர்­கள்.

ஸ்டார்ட்­அப் என்­றால், எல்­லா­வற்­றை­யும் முழு­மை­யா­கத் தயா­ரித்­து­விட்டு தொடங்­கு­வது அல்ல. பிரச்­சி­னையை முத­லில் அடை­யா­ளம் கண்டு, அதற்­கான தீர்வை உரு­வாக்கி, அதை நடை­மு­றை­யில் கொண்டு வந்து, அதன் வழி­யில் தொடர்ந்து மேம்­ப­டுத்­திக்­கொண்டே செல்­வ­து­தான் ஸ்டார்ட்­அப்.

மற்­ற­வர்­கள் யோசிப்­ப­தற்கு முன்பே, நீங்­கள் ஒரு வாய்ப்பை அடை­யா­ளம் கண்டு, அதற்­கான தீர்வை ஆராய்ந்து, அதைப்­பற்றி யாருமே பேசாத ஒரு விஷ­ய­மாக இருந்­தா­லும், நான் இதைப் பற்றி பேச­லாமா? இதை எடுத்­துக்­கொண்டு போக­லாமா? என்­றெல்­லாம் யோசிக்­கா­மல், இதற்கு நான் ஒரு தீர்­வைக் கண்­டு­பி­டிப்­பேன் என்று தீர்­வைக் கொண்டு வரு­வ­து­தான் இன்று ஸ்டார்ட்­அப்­க­ளுக்கு மிக முக்­கி­ய­மான ஒரு தேவை­யாக இருக்­கி­றது.

அப்­ப­டிப்­பட்ட ஒரு விஷ­யத்­தைப் பற்றி ஜோசப் பேசும்­பொ­ழுது குறிப்­பிட்­டார். நாங்­கள் தூத்­துக்­கு­டி­யில் புத்­தொ­ழில் களம் என்று தொடங்­கி­ய­போது, சமூ­கப் பொறுப்­பு­டன் செயல்­ப­டும் ஸ்டார்ட்­அப்­க­ளைத் தேடிக்­கொண்­டி­ருந்­தோம். அதில்­தான், அவ­ரும், அதில் வெற்றி பெற்ற இன்­னொரு சகோ­த­ரி­யும் இங்கே இருக்­கி­றார்­கள். இந்த இரு­வ­ரும் புத்­தொ­ழில் களம் நிகழ்ச்­சி­யில் பரிசு பெற்று இங்கே இருப்­பது எனக்கு மிக­வும் மகிழ்ச்­சி­ய­ளிக்­கி­றது.

வெற்­றிக்­கான அடிப்­ப­டைக் கார­ணம்!

அவர்­கள் இரு­வ­ரும், உல­கம் இது­வரை அடை­யா­ளம் காணாத அல்­லது அதைப் பற்றி கவ­லைப்­ப­டா­மல் இருந்த பிரச்­சி­னை­க­ளுக்­குத் தீர்­வு­களை உரு­வாக்கி வந்­தார்­கள். எனவே,அவர்­க­ளு­டைய வெற்­றிக்­கான அடிப்­ப­டைக் கார­ண­மும் அது­தான் என்று நான் நினைக்­கி­றேன். எனவே, நீங்­கள் முன்­னே­றிச் செல்­லுங்­கள். உங்­க­ளைச் சுற்­றி­யுள்ள விஷ­யங்­க­ளைப் பற்றி சிந்­திக்க முயற்சி செய்­யுங்­கள், சிந்­தி­யுங்­கள். செயற்கை நுண்­ண­றி­வால் (AI) ,அர­சாங்­கத்­தால் தீர்க்க முடி­யாத சூழ்­நிலை உள்­ளது. மிகப்­பெ­ரிய நிறு­வ­னங்­கள்­கூட அவற்­றைப் பற்றி சிந்­திப்­ப­தற்­குக்­கூட நேரம் ஒதுக்க முடி­யாத பல விஷ­யங்­கள் இருக்­கின்­றன.

ஸ்டார்ட்­அப்­பின் மிகச்­சி­றந்த விஷ­யங்­க­ளில் ஒன்று என்­ன­வென்­றால், சிறிய குழு­வைச் சேர்ந்த மக்­க­ளின் தேவை­யைக் கூட கவ­னித்து, அவர்­க­ளுக்­கான தீர்வை உரு­வாக்க முடி­யும். ஆனால், மிகப்­பெ­ரிய நிறு­வ­னங்­க­ளால் அப்­ப­டிச் செய்ய முடி­யாது. ஏனென்­றால், ஒரு சிறிய எண்­ணிக்­கை­யி­லான மக்­க­ளுக்­காக மட்­டும் செயல்­ப­டு­வது அவர்­க­ளுக்கு நடை­மு­றை­யில் சாத்­தி­ய­மில்லை. அத­னால், யாருக்கு அந்­தத் தேவை இருக்­கி­றது என்­பதை நீங்­கள் அடை­யா­ளம் கண்டு, அவர்­களை நேர­டி­யாக அணுகி, அவர்­க­ளுக்­குத் தேவை­யான தீர்வை உங்­க­ளால் வழங்க முடி­யும். மிகப்­பெ­ரிய நிறு­வ­னங்­கள் அந்த மக்­க­ளைப் பற்றி கவ­னம் செலுத்­தா­மல் இருக்­க­லாம்.

நீங்­கள் பேசிய எல்­லா­ரும் சொன்­னது போல, எங்­க­ளால் முடி­யும் என்­கிற நம்­பிக்­கை­யும், நான் ஒரு­போ­தும் கைவிட மாட்­டேன், என்னை யாரா­லும் கைவி­டச் செய்ய முடி­யாது என்­கிற மனப்­பான்­மை­யும் மட்­டும் தான் உங்­க­ளு­டைய மன­தில் எப்­பொ­ழு­தும் இருக்க வேண்­டிய ஒன்­றா­கும். அந்த நம்­பிக்­கை­யை­யும், மனப்­பான்­மை­யை­யும் நீங்­கள் சுமந்து, அதை முன்­னெ­டுத்­துச் சென்­றீர்­கள் என்­றால், நிச்­ச­ய­மாக வெற்றி மட்­டும்­தான் உங்­க­ளோடு வரக்­கூ­டிய ஒன்­றாக இருக்­கும்.

அதே நேரத்­தில், கும­ர­வேல் பேசும்­போது, அறம் செய்ய விரும்பு என்­ப­தி­லி­ருந்து பொருள் செய்ய விரும்பு என்று ஔவை­யார் சொல்­லி­யி­ருப்­ப­தா­கச் சொன்­னார். நான் சொல்­கி­றேன், அவர்­க­ளுக்கு வேண்­டு­மா­னால் பொருள் செய்ய விரும்பு என்­ப­தாக இருக்­கட்­டும்; இங்கே மேடை­யில் இருப்­ப­வர்­கள் எல்­லாம் “அறம் செய்­து­கொண்டே இருக்­கட்­டும். ஏனென்­றால், அத­னு­டைய ஒரு பகு­தி­தான், புதி­ய­வர்­கள் இங்கே நிறு­வ­னங்­க­ளுக்கு வர வேண்­டும்,சாதிக்க வேண்­டும் என்ற எண்­ணத்­தோடு,நம்­மு­டைய சேம்­பர் ஆஃப் காமர்ஸ் இதை முன்­னெ­டுத்­தி­ருக்­கி­றார்­கள். அவர்­க­ளுக்கு மீண்­டும் என்­னு­டைய வாழ்த்­துக்­களை நான் தெரி­வித்­துக்­கொள்­கி­றேன். முன்­னே­றிச் செல்­லுங்­கள். உலகை வெல்­லுங்­கள்.

இவ்­வாறு கனி­மொழி கரு­ணா­நிதி எம்.பி. பேசி­னார்.