சென்னை, ஆக. 22–

‘‘மக்­கள் பிரச்­சி­னை­களை வினாப்­பட்­டி­ய­லில் சேர்த்து, எழுப்­பப்­பட்ட வினாக்­க­ளுக்கு 93 நாட்­க­ளா­கி­யும் எந்­தப் பதி­லும் வர­வில்லை’’ என்­றும் ‘‘த.வெ.க. அமைச்­சர்­க­ளு­டைய மெத்­த­னப்போக்­கால் மக்­கள் பிரச்­சினை பின்­னுக்­குத் தள்­ளப்­ப­டு­கி­றது என்­றும் சட்­டப் பேர­வை­யில் நாகர்­கோ­யில் எஸ்.ஆஸ்­டின் குற்­றச்­ சாட்டை எழுப்­பி­னார்.

அவ­ரது உரை வரு­மாறு:–

எஸ். ஆஸ்­டின்: பேர­வைத் தலை­வர் அவர்­களே, இந்த அரசு ஆட்­சிப் பொறுப்­பேற்று இன்­று­டன் 103 நாட்­கள் ஆகி­விட்­டன. சுமார் 227 தொகு­தி­க­ளைச் சார்ந்த நம்­மு­டைய உறுப்­பி­னர்­க­ளெல்­லாம் அந்­தந்­தத் தொகுதி மக்­க­ளு­டைய அடிப்­ப­டைத் தேவை­களை, பிரச்­சி­னை­களை அவை­யில் வினாக்­கள் மூல­மாக எழுப்­பு­வ­தற்­காக வினாக்­கள் கொடுக்­கப்­பட்டு சுமார் 93 நாட்­கள் ஆகி­விட்­டன. வினாக்­கள்-­வி­டை­கள் நேரத்­தின் அவ­சி­யம் குறித்து பேர­வைத் தலை­வர் அவர்­க­ளுக்­கும் நன்­றா­கத் தெரி­யும். நம்­மு­டைய பேரவை விதி 45-ன்படி, உறுப்­பி­னர்­கள் பேர­வைக்கு கொடுத்த வினாக்­கள் 15 நாட்­க­ளுக்­குள்­ளாக அனு­ம­திக்­கப்­பட்டு சம்­பந்­தப்­பட்ட துறை­க­ளுக்கு அவை அனுப்­பப்­பட வேண்­டும்.

அவ்­வாறு அனு­ம­திக்­கப்­பட்டு, அனுப்­பப்­பட்ட துறை­க­ளி­லி­ருந்து அந்­தத் துறை அதி­கா­ரி­கள்­மூ­ல­மாக அல்­லது அமைச்­சர்­கள் மூல­மாக 42 நாட்­க­ளுக்­குள்­ளாக பேர­வைக்கு வர வேண்­டும்.

பேர­வைத் தலை­வர் அவர்­கள் அனு­ம­தித்து, 42 நாட்­க­ளுக்­குள்­ளாக இது வினாப் பட்­டி­ய­லில் சேர்க்­கப்­பட வேண்­டும். ஒரு­வேளை துறை அதி­கா­ரி­கள் கால­தா­ம­த­மாக கொடுப்­ப­தற்கு கார­ணம் உங்­க­ளி­டம் வந்து கேட்­டால் அதற்­காக இன்­னும் 14 நாட்­கள் அதா­வது இரண்டு வார காலம் கால அவ­கா­சம் கொடுக்­க­லாம். அந்­தக் கால அவ­கா­சத்­திற்­குப் பிற­கும் அந்­தப் பதில் வர­வில்லை என்று சொன்­னால், நீங்­கள் அதை வினாப் பட்­டி­ய­லில் சேர்த்து, இந்த அவை­யிலே உறுப்­பி­னர்­கள் கேள்­வி­களை எழுப்­பு­வ­தற்­கான அனு­ம­தியை வழங்க வேண்­டும். அதைத்­தான் விதி 45 சொல்­கி­றது. ஆனால், இன்­றைக்கு 93 நாட்­கள் ஆகி­விட்­டன. இது­வ­ரைக்­கும் அந்­தக் கேள்­வி­க­ளுக்­கான பதில்­கள் வர­வில்லை என்று நீங்­க­ளும் இரண்டு முறை இங்கு பதிவு செய்­து­விட்­டீர்­கள்.

எனவே, அமைச்­சர்­க­ளு­டைய, அதி­கா­ரி­க­ளு­டைய மெத்­த­னப்­போக்­கால் இன்­றைக்கு மக்­க­ளு­டைய பிரச்­சினை பின்­னுக்­குத் தள்­ளப்­ப­டு­கின்­றது.

234 தொகு­தி­க­ளி­லுள்ள மக்­க­ளின் அடிப்­ப­டைத் தேவை­கள் கிட்­டத்­தட்ட 10 ஆயி­ரத்­திற்­கும் மேற்­பட்ட கேள்­வி­கள் பேர­வைக்கு கொடுக்­கப்­பட்­டி­ருக்­கின்­றது. ஆனால், இன்­றைக்கு அவை­யில் எடுக்­கப் ­ப­ட­வில்லை. இன்­னும் 8 நாட்­கள்­தான் அவை இருக்­கி­றது.

இப்­போது பத்து, பத்து கேள்வி எடுத்­தா­லும் 80 கேள்­வி­தான்உங்­க­ளால் எடுக்­க­மு­டி­யும்.

எனவே, யார் இதைக் கால­தா­ம­த­மாக அனுப்­பி­யி­ருக்­கி­றார்­கள் அல்­லது குறிப்­பிட்ட கால­வ­ரை­ய­றைக்­குள் யார் அனுப்­ப­ வில்­லையோ அவர்­க­ளுக்கு பேர­வைத் தலை­வர் அவர்­கள் ஒரு notice அனுப்பி, விளக்­கம் கேட்டு, அந்த விளக்­கம் திருப்­தி­ய­ளிக்­க­ வில்லை என்று சொன்­னால், எங்­க­ளுக்­குச் சொல்­லுங்­கள். நாங்­கள் உரிமை மீறல் பிரச்­சினை கொடுக்­கி­றோம்.

இது இந்த பேர­வை­யி­னு­டைய விதியை மீறக்­கூ­டி­ய­ தா­கும். உரிமை மீறல் பிரச்­சி­னையை உரி­மைக் குழு­விற்கு அதை அனுப்ப வேண்­டு­மென்று பணி­வோடு கேட்­டுக்­கொள்­கின்­றேன்.

இவ்­வாறு எஸ். ஆஸ்­டின் பேசி­னார்.