சென்னை, ஆக.22 –
மேகதாது அணை கட்டக்கூடாது என ஒரு வார்த்தை கூட பேசாதது ஏன் ? என்றும், Delimitation-–ல் பல்டி அடித்த விஜய் என்றும், ராகுல்காந்தி கூறிய எட்டப்பர் விஜய்யா? என்றும் தென்மாநில முதலமைச்சர்கள் மாநாட்டில்முதல்வர் விஜய் பேசியது தொடர்பாக கழக நாடாளுமன்ற உறுப்பினர் தயாநிதி மாறன் அவர்கள் பேட்டியில் கேள்வி எழுப்பியுள்ளார்.
இது குறித்து தயாநிதி மாறன் எம்.பி. செய்தியாளர்களுக்கு அளித்த பேட்டி வருமாறு:–
சென்ற மாதம் தமிழ்நாட்டிற்கு வடக்கிலிருந்து ஒரு பெரும் கட்சியின் தலைவர் வந்து நிருபர்களை பார்த்து Delimitation யை யார் ஆதரிக்கிறார்களோ அதுவும் குறிப்பாக Fair Delimitation யை யார் ஆதரிக்கிறார்களோ அவர் தமிழ்நாட்டின் விரோதி அவர்கள் எட்டப்பர் என்று கூறிவிட்டு வீர வசனம் பேசிவிட்டு சென்றார். அப்பொழுது அந்த டிலிமிடேஷன் மசோதா நாடாளுமன்றத்தில் வரவிருப்பதாகவும் அந்த மசோதாவில் தி.மு.க. நிலை என்ன என்று ஒரு கேள்வியினை எழுப்பிவிட்டு சென்றார். வராத மசோதாவுக்கு வரப்போகிறது என்று அந்த கட்சியின் தலைவரே எடுத்துக் கொடுத்தவுடன் அந்த கட்சியின் வாலாக செயல்படும் தமிழ்நாட்டின் அந்த கட்சியின் தலைவர் ஒருவர். வரும் 16ம் தேதி வருகிறது மசோதா. 17 ஆம் தேதி வருகிறது மசோதா. தி.மு.க. நிலைப்பாட்டை பாருங்கள் என்ன செய்ய போகிறார்கள் பாருங்கள் என்று அவரும் அவர் பங்கு வீர வசனம் பேசினார்.
தொகுதி மறுவரையறை
தமிழ்நாட்டிற்கு பாதிப்பு வரக்கூடாது!
அப்பொழுது நாங்கள் சொன்னோம் வராதா மசோதா பற்றி ஏன் பேசி கொண்டிருக்கிறீர்கள் Delimitation யை பொறுத்தவரைக்கும் தி.மு.க.வின் நிலைப்பாடு ஒரே நிலைப்பாடு தான். தமிழ்நாட்டுக்கும் எள் அளவுக்கும் எந்த தீங்கும் வரவிடக்கூடாது. தி.மு.க.வின் நிலைப்பாடு தமிழ்நாட்டில் இருக்கின்ற தற்போதைய 7.18% ஒதுக்கீடு சட்டமன்றத்திலும் சரி நாடாளுமற்றத்திலும் சரி அதே இட ஒதுக்கீடு இருந்தே தீர வேண்டும். தமிழ்நாட்டுக்கு எந்தவித பாதிப்பும் வரக்கூடாது என்று கடந்த மார்ச் மாதம் முதல்முறையாக தென்னக முதல்வர்களை எல்லாம் தமிழ்நாட்டிலே அழைத்து ஒரு சிறப்பு கூட்டத்தை வைத்து அங்கே தீர்மானத்தை செய்தவர் எங்கள் தலைவர் அவர்கள். சரித்திரம் தெரியாதவர்கள் ஏதோ திடீரென்று அவர்களின் கைப்பாவையாக தமிழ்நாட்டிலே ஒருவர் வந்துவிட அவசர கதியிலே அனைத்து கட்சி நாடாளுமன்ற உறுப்பினர்கள் கூட்டத்தை நடத்தினார்கள். அப்பொழுது நாங்கள் சொன்னது முதலில் காவிரியில் தண்ணி வரல, மேகதாது அணை கட்டப்படுகிறது. தமிழ்நாட்டு முதலமைச்சர் விஜய் அவர்களே அனைத்து கட்சி தலைவர்கள் கூட்டத்தை கூட்டி ஒரு தீர்மானத்தை போடுங்கள் ஒரு முடிவு எடுங்கள் என்றோம். ஆனால் தமிழ்நாட்டு முதல்வரோ அதை பற்றி எந்த முடிவும் எடுக்காமல் தமிழ்நாட்டில் உள்ள நாடாளுமன்ற உறுப்பினர்கள் கூட்டத்தை வைத்து ஒரு தீர்மானத்தை போடுகிறார்கள். என்ன தீர்மானம்? டிலிமிடேஷன் இப்படியே இருக்க வேண்டும். நோ டிலிமிடேஷன் இப்போது இருக்கின்ற 543 தொகுதிகளும் அப்படியே இருக்க வேண்டும் ஃப்ரீஸ் செய்ய வேண்டும் என்று தீர்மானத்தை போட்டார்கள். அதில் காவேரி நதி நீர் பற்றி மேகதாது அணை பற்றி பேசவே இல்லை.
காங்கிரஸ் கைப்பாவை விஜய்!
பிறகு தமிழ்நாடு சட்டமன்றத்தில் தொகுதி மறுவரையறை தீர்மானத்தை கொண்டு வந்து நிறைவேற்றினார்கள். அதில் 543ல் ஃப்ரீஸ் செய்ய வேண்டும். தொகுதி மறுவரையறை கூடாது என்றார்கள். ஆனால் இன்று மாலை என்ன ஆயிற்று? தமிழ்நாட்டின் முதல்வர் இங்கு இரண்டு தீர்மானங்களை போட்ட முதல்வர் விஜய் அவர்கள் காங்கிரஸ் பேச்சை கேட்டு கைப்பாவையாக நடந்து கொள்ளும் விஜய் அவர்கள் அமித்ஷாவை பார்த்த உடனே நிலைப்பாட்டை மாற்றிவிட்டார். என்ன நிலைப்பாடு Fair Delimitation முதல்ல சொன்னது டிலிமிடேஷன். 71ல் எப்படி இருந்ததோ அப்படியே ஃப்ரீஸ் செய்யுங்கள் என்பது. ஆனால் சட்டமன்றத்தில் ஏகமனத்துடன் தீர்மானம் போட்டுவிட்டு அமித்ஷாவை பார்த்தவுடன் கூட்டணி மாறிவிட்டாரா விஜய்.? காங்கிரஸ் கூட்டணியை விட்டு பா.ஜ.க. கூட்டணிக்கு மாறிவிட்டாரா.? இல்லையா அவருக்கு அமித்ஷாவை பார்த்தவுடன் பயம் வந்துவிட்டதா.?
பல்டி அடித்த முதல்வர் விஜயை பார்த்து கேட்கிறோம் உங்கள் நிலைப்பாடு என்ன.? தி.மு.க.வை பொறுத்தவரைக்கும் எங்கள் தலைவரும் சரி எங்கள் எதிர்க்கட்சி தலைவரும் சரி தமிழ்நாட்டுக்கு எந்தவித பாதிப்பும் இல்லாமல் இருக்க வேண்டும் என்பதில் ஒரே நிதானமான நிலையில் நாங்கள் இருக்கிறோம். ஆனால் நீங்கள் என்ன செய்தீர்கள் அங்கே தென்னக முதல்வர் கூட்டத்திலே டிகே சிவகுமார் காவிரி நதிநீர் பங்கீடு பற்றி பேசினாலும் ஒத்துழைப்பு என்ற புதிய வார்த்தை ஒன்றை கொண்டு வருகிறார் அந்த ஒத்துழைப்பு படி இனி மேகதாது அணையை கட்ட வேண்டும் மேகதாது அணை கட்டுவதில் தமிழ்நாட்டுக்கும் கர்நாடகத்திற்கும் ஒத்துழைப்பு வேண்டும். என்று சொல்கிறார் அங்கே இருக்கின்ற தமிழ்நாடு முதல்வர் விஜய் அவர்கள் அதை எதிர்த்து ஒரு வார்த்தை கூட பேசாமல் அமைதி காக்கிறார்.
காவேரி நதிநீர் பங்கீடு!
ஆனால் இதே காவேரி நதிநீர் பங்கீடு பற்றி அவர் பேசும்போது ஏற்கனவே உச்ச நீதிமன்றத்திலே வந்த தீர்ப்பு படி நடந்து கொள்ள வேண்டும் என்கிறார். அதை தானே எங்கள் தலைவர் கூறினார். அது தானே தி.மு.க.வின் நிலைப்பாடு? நாங்கள் அப்போது அதை சொல்லி கர்நாடகாவுக்கு சென்று அங்குள்ள முதலமைச்சரை சந்தித்து பேச வேண்டாம் என்று நாங்கள் கூறியபோது, “நான் சென்று பேசுவேன்” என்று நீங்கள் கூறினீர்கள். அது தவறான முடிவு என்பதை இப்போது புரிந்துகொண்டீர்களா? தமிழ்நாட்டின் உரிமைகள் தொடர்பான பிரச்சினைகளில் அனுபவம் வாய்ந்த கட்சியான தி.மு.க. கூறும் கருத்துகளை விஜய் கவனத்தில் கொள்ள வேண்டும்.
உங்கள் கூட இருக்கின்ற கூட்டணி தேசிய கட்சியில் ஒருத்தருக்கும் அனுபவம் இல்லை. ஏன்னா காங்கிரஸில் ஒன்னு ரெண்டு படித்த மேதாவிகள் வருவாங்க தமிழ்நாட்டு அரசியல் பற்றி ஒன்றும் தெரியாது அவர்களதான் கரைத்து குடித்து தமிழ்நாட்டு அரசியல் நிலையை மாற்ற போகிறார் என்று தவறான அறிவுரை கூறுவார்கள். தமிழ் தமிழ்நாட்டின் உரிமைகளைப் பறிப்பார்கள். எங்கள் கேள்வி என்றால் இந்திய நாட்டின் பெரிய கட்சியின் தலைவரே நீங்க சொன்ன எட்டப்பர் யார் இன்று No Delimitation வேண்டவே வேண்டாம் என்று சொல்லி தன் நிலையை மாற்றி Fair Delimitation வேண்டும் என்று கேட்கின்ற அந்த எட்டப்பர் யார்.? அப்போது ராகுல் காந்தி யாரை எட்டப்பர் என்கிறார்.? விஜய்யா.? அதுக்கு விஜய் பதில் சொல்வாரா.? இல்லைமாணிக்கம் தாகூர் முதல்வர் விஜய் பேசியது தவறு என்று கண்டிப்பாரா.?
தமிழ்நாட்டின் உரிமைக்காக
தி.மு.க. மட்டும்தான் போராடுகிறது!
காங்கிரஸ் நிலைப்பாட்ட சொல்லுங்க கர்நாடகாவில் ஒரு நிலைப்பாடு தெலுங்கானாவில் நிலைப்பாடு ஒவ்வொரு மாநிலத்துக்கும் மாறி மாறி பேசுறீங்களே இங்க நிலைப்பாடு என்ன காவரி நதி நீர் பங்கீட்டை பற்றி ஏன் தமிழ்நாடு காங்கிரஸ் வாய் திறக்கவில்லை.? தமிழ்நாட்டுக்கு வருகின்ற காங்கிரஸ் தலைவர்கள் ஏன் பேசவில்லை.? இதை கேட்பது தவறா.? எங்கள் மாநிலத்தின் உரிமைக்கு போராடுகிறோம். தி.மு.க. மட்டும்தான் தமிழ்நாட்டின் மாநில உரிமைக்காக போராடுகிறது.
பல்டி அடித்த விஜய் அவர்களே உங்கள் உண்மையான நிலைப்பாடு என்ன .? இது அறிய நீங்கள் நாங்கள் மட்டுமில்ல தமிழ்நாட்டு மக்களும் ஆர்வமாக இருக்கிறார்கள்.
இவ்வாறு தயாநிதி மாறன் எம்.பி. பேட்டியளித்தார்.