சென்னை, ஆக.22–
சட்டப்பேரவையில் உணவு மற்றும் கூட்டுறவுத் துறை மானியக் கோரிக்கையில் எதிர்க்கட்சி துணைத் தலைவர் கே.என்.நேரு பேசுகையில் சக்கரபாணி அமைச்சராக இருந்தபோது நிறைய குடோன்கள் கட்டினார் என்றும், இன்றைக்கு ரேஷன் அரிசியை அனைத்து மக்களும் சாப்பிடுகிறார்கள் என்றும் பெருமிதத்துடன் குறிப்பிட்டார்.
சட்டப்பேரவையில் உணவு கூட்டுறவுத் துறை மானியக்கோரிக்கையில் கழகம் சார்பில் முன்னாள் அமைச்சர் அர.சக்கரபாணி பேசும்போது குறுக்கிட்டு அவை முன்னவர் எழுந்து ரேஷன் அரிசியை கடந்த காலத்தில் ஆட்டு்க்கு, கோழிக்கும்தான் அதனை தீவனமாகப் பயன்படுத்தினார்கள் என்று பேசினார்.
அப்போது குறுக்கிட்டு எதிர்க்கட்சி துணைத் தலைவர் கே.என்.நேரு எழுந்து, என்ன அர்த்தத்தில் அப்படி சொல்கிறீர்கள், ஆட்டுக்கும், மாட்டுக்கும் என்பதெல்லாம் இல்லை. குறிப்பாக உங்களுக்கு அரிசி எப்படி கொடுப்போம் என்று சொன்னால், இந்த உணவு துறையை முப்பது வருடத்திற்கு முன்பு நானும் பார்த்தேன்.
கருப்பாக இருக்கிற அரிசி கடைசி நேரம் வேறு வழி.. அப்போதெல்லாம் அரிசி கிடைப்பது கஷ்டம், சென்ட்ரல் போர்டில் இருந்து கிடைக்கிறது கஷ்டம். அப்போது ஒரு மாசத்துக்கு அரை மாதத்துக்கு கொடுப்பாங்களேத் தவிர, உணவுத் துறை அமைச்சராக சக்கரபாணி வந்தபிறகு பாதுகாப்பான குடோன், எந்த காலத்தினும் எந்த உணவு அமைச்சரும், வேலுவும் உணவு அமைச்சராக இருந்தார், நானும் உணவு அமைச்சராக இருந்தேன். ஆனால் அவர் தான் நிறைய கட்டினார். அவருடைய காலத்தில் தளபதி அவர்கள் அதற்கான நிதியை ஒதுக்கிநெல்லை நனையாமல் கொண்டு சேர்த்தது சக்கரபாணி.
சர்க்கரை அளவு
குறைகிறது!
அவை முன்னவர் சொல்கிறார், ஆட்டுக்கும் மாட்டுக்கும் என்று. ஆட்டுக்கும் மாட்டுக்கும் அல்ல, இன்றைக்கு ரேஷன் அரிசி எல்லா மக்களும் சாப்பிடுகிறார்கள். காரணம். ரேஷன் அரிசி சாப்பிடுகிற போது அந்த சர்க்கரை அளவு குறைகிற காரணத்தினால் எல்லா மக்களும் அதனை எடுத்துக் கொண்டு இருக்கிறார்கள். நீங்கள் எப்படி காலையில் எழுந்தவுடன் நெல்லிக்காய் ஜூஸ் குடிப்பேன் என்று பேட்டி கொடுக்குறீர்களோ, அது மாதிரி இன்றைக்கு ரேஷன் அரிசியை எல்லா மக்களும் பயன்படுத்திக் கொண்டு இருக்கிறார்கள் என்பது உண்மை.
இவ்வாறு முன்னாள் அமைச்சர் கே.என்.நேரு குறுக்கிட்டு பேசினார்.