புதுவை, ஆக. 23 –

புதுச்­சேரி மாநில தி.மு.க. அமைப்­பா­ள­ரும், மேனாள் எதிர்க்­கட்­சித் தலை­வ­ரு­மான இரா. சிவா விடுத்­துள்ள அறிக்­கை­யில் கூறி­யி­ருப்­ப­தா­வது: –

மாநி­லங்­க­ளின் வளர்ச்­சியை முன்­னெ­டுக்க அர­சி­யல் சாச­னப்­படி உரு­வாக்­கப்­பட்­டது தான் முதல்­வ ர்­கள் அடங்­கிய மண்­டல குழுக்­கல் ஆகும். இந்­திய நாடு ஐந்து மண்­டங்­க­ளாக பிரிக்­கப்­பட்டு ஒவ்­வொரு மண்­ட­லத்­தின் கூட்­டாட்சி – உள்­கட்­ட­மைப்பு – மாநி­லங்­க­ளின் ஒருங்­கி­ணைப்பு போன்­ற­வைப்­பற்றி ஆண்­டு­தோ­றும் ஒன்­றாக விவா­தித்து முடிவு எடுக்­கும் கூட்­ட­மாக இந்த மண்­டல கூட்­டங்­கள் நடை­பெற்று வரு­கி­றது.

அதன் தென் மாநில குழு­வின் 31–வது மாநாடு நேற்­றைய தினம் சென்னை கோவ­ளத்­தில் ஒன்­றிய உள்­துறை அமைச்­சர் அமித்ஷா தலை­மை­யில் நடை­பெற்­றது. அதில் தென் மாநி­லங்­க­ளின் அனைத்து முதல்­வர்­க­ளும் பங்­கேற்று தங்­கள் மாநி­லத்­தின் தேவை­கள் மற்­றும் திட்­டங்­கள் குறித்து ஆழ­மாக விவா­தித்த நிலை­யில், நமது புதுச்­சேரி முதல்­வர் ரங்­க­சாமி வழக்­கம்­போல் இந்த மாநாட்­டை­ யும் புறக்­க­ணித்­தி­ருப்­பது மாநி­லத்­திற்கு அவர் செய்­யும் மிகப் பெரிய துரோ­க­ மா­கும்.

கடந்த காலங்­க­ளில் பிர­த­மர் தலை­மை­யில் நடந்த நிதி­அ­யோக் போன்ற மிக முக்­கிய மாநா­டு­களை புறக்­க­ணித்து வந்­தது போலவே இந்த மாநாட்­டை­யும் புறக்­க­ணித்து இருப்­பது வன்­மை­யான கண்­ட­னத்­திற்கு உரி­ய­தா­கும். இது மாநிலத் ­திற்கு மிகப் பெரிய பின்­ன­டைவை உரு­வாக்­கும் செய­லா­கும். அர­சி­யல் சாச­னத்­திற்கு உட்­பட்டு செயல்­ப­டு­வேன் என்று அவர் பத­விப் பிர­மா­ணம் எடுத்­த ­தற்கு விரோ­த­மான செய­லா­கும்.

கடந்த ஐந்­தாண்டு கால­மாக பாஜ­க–­என்.ஆர்.காங்­கி­ரஸ் இரட்டை என்­ஜின் ஆட்­சி­யில் புதுச்­சேரி பல்­வேறு பின்­ன­டை­வு­களை சந்­தித்து வந்­தது. மாநில அந்­தஸ்து, விமான நிலைய விரி­வாக்­கம், கூடு­தல் நிதி ஒதுக்­கீடு, நீர்­வ­ளத் தேவை­கள், தொழில் வளர்ச்சி, உள்­கட்­ட­மைப்பு மேம்­பாடு என பல்­வேறு வாழ்­வா­தா­ரப் பிரச்­ச­னை­களை இம்­மா­நாட்­டில் முன்­வைத்து தீர்­வு­கா­ணும் நல்ல சந்­தர்ப்­பத்தை முதல்­வ­ரின் புறக்­க­ணிப்பு நழு­வ­விட்டு உள்­ளதை உணர முடி­ கி­றது.

சமீ­பத்­தில் புதுச்­சேரி வந்த உள்­துறை அமைச்­ச­ரு­டன் அரை­மணி நேரத்­திற்­கும் மேலாக பேச்­சு­வார்த்தை நடத்­தி­யும் இவர்­க­ளுக்­குள்­ளான அதி­கா­ரப் பகிர்­விற்கு தீர்­வு­ காண முடி­யாத நிலை­யில் இன்­னும் பேர­வைத் தலை­வர் தேர்வு இழு­ப­றி­யில் உள்ள பொழுது எப்­படி உள்­துறை அமைச்­சரை சந்­திப்­பது என்ற பயத்­தில் மாநாட்டை புறக்­க­ணி த்­தாரா?. அல்­லது தனக்கு போட்­டி­யாக மாநில துணை­நிலை ஆளு­நர் பங்­கேற்­பதை பொறுத்­துக் கொள்­ளா­மல் புறக்­க­ணி த்­தாரா?. என்­பதை முதல்­வர் மக்­க­ளுக்கு விளக்க வேண்­டும். எது எப்­படி இருந்­தும் இவர்­க­ளின் போட்டி அர­சி­யல் புதுச்­சேரி மக்­க­ளின் வாழ்­வை­யும், வளர்ச்­சி­யை­யும் பாதிப்­ப­தாக உள்­ளதை எவ­றும் ஏற்க முடி­யாது. மக்­க­ளால் தேர்ந்­தெ­டுக்­கப்­பட்ட ஒரு முதல்­வர் மாநில பிரச்­சி­னை­களை ஒன்­றிய அர­சி­டம் நேர­டி­யாக முன்­வைத்து விவா­திக்க தைரி­ய­மில்­லா­மல் அஞ்சி ஓடி ஒளி­வது ஏன்?. புதுச்­சேரி மக்­க­ளின் உரி­மை­களை பெற்­றுத் தரு­வ­தில் முதல்­வர் ரங்­க­சாமி தொடர்ந்து தோல்­வியை சந்­தித்து வரு­வதை அவ­ரது புறக்­க­ணிப்பு சுட்­டிக்­காட்­டு­கி­றது.

ஆளு­ந­ரின் அதி­கார ஆதிக்­கத்­திற்கு வழி­வ­குத்­து­விட்டு தனது பொறுப்­பி­லி­ருந்து தப்பி ஓடிய ரங்­க­சாமி அவர்­கள், ஆளு­நர் மாநாட்­டில் முன்­வைத்த மாநில பிரச்­சி­னை­கள் மீது இவ­ரது கருத்து என்ன என்­ப­தை­யும் வெளிப்­ப­டுத்த வேண்­டும். அதில் இவ­ருக்கு உடன்­பாடு உண்டா?.

இல்லை ஆளு­ந­ரின் கருத்­துக்­கள் இரட்டை ஆட்­சி­யில் வேறு ஒரு நிலை­பாடா என்­பதை தெரி­விக்க வேண்­டும். இந்த மாநாட்­டில் பங்­கேற்று இருந்­தால் அதன் மூலம் தனக்கு நிக­ராக ஆளு­ந­ருக்கு மாநாட்­டில் இடம் தந்­ததை கேள்­விக்கு உள்­ளாக்கி இருக்க முடி­யும். சட்­ட­மன்­றம் இல்­லாத யூனி­யன் பிர­தே­சங்­கள் தங்­கள் ஆளு­நர் மூலம் பங்­கேற்­க­லாமே தவிர சட்­ட­மன்­ற­மும், அமைச்­ச­ர­வை­யும் உள்ள. யூனி­யன் பிர­தேச ஆளு­நர்­கள் பங்­கேற்­பதை தடுத்­தி­ருக்க முடி­யும்.

மக்­கள் பிரச்­ச­னை­யும் பேசா­மல், ஆளு­ந­ரின் அதி­கா­ரத்தை கேள்­விக்குஉள்­ளாக்­கா­மல் ஓடி ஒளி­வ­தும், மவு­னம் காப்­ப­தும் ஒரு முதல்­வ­ருக்கு அழ­கல்ல. இது மிகப் பெரிய கோழைத் ­த­ன­மும், புதுச்­சேரி மக்­க­ளுக்கு இழைக்­கும் மிகப் பெரிய துரோ­க­மும் ஆகும் என்­ப­தை­யும் சுட்­டிக் ­காட்ட விரும்­பு­கி­றேன்.