சென்னை, ஆக.23–
கேரளத்தில் ஓணம் பண்டிகையை முன்னிட்டு சென்னையில் இருந்து கொச்சி, திருவனந்தபுரம், கோழிக்கோடு, கண்ணூர் விமானங்களில் பயணிகள் கூட்டம் அலைமோதுகிறது. இதனால் விமான கட்டணமும் பல மடங்கு உயர்ந்துள்ளது. பயணிகள் கடும் அதிர்ச்சிக்குள்ளாகியுள்னர். கேரள மாநிலத்தில் ஓணம் பண்டிகை வரும் 26ம் தேதி விமரிசையாக கொண்டாடப்பட உள்ளது. தமிழகத்தில் பொங்கல் பண்டிகை கொண்டாடுவது போன்று கேரளத்திலும் ஓணம் விமரிசையாக கொண்டாடப்படுகிறது. கடந்த 16ம் தேதியே இந்த பண்டிகை கொண்டாட்டம் தொடங்கி விட்டது. இதனால் கேரளா முழுவதும் விழாக்கோலம் பூண்டுள்ளது.
இந்நிலையில், வெளியூர் மற்றும் வெளிநாடுகளில் வசிக்கும் கேரள மாநிலத்தவர்கள், தங்கள் சொந்த ஊர்களுக்கு சில தினங்களுக்கு முன்பே சென்று, குடும்பத்தினர் மற்றும் உறவினர்களுடன் இந்த பண்டிகையை கொண்டாடுவது வழக்கம். அதன்படி சென்னை மற்றும் புறநகர் பகுதிகளில் வசிக்கும் கேரள மாநிலத்தவர்கள், தங்களதுசொந்த ஊர்களுக்கு செல்ல தொடங்கியுள்ளனர். அவர்களுக்காக சிறப்பு ரயில்கள், பஸ்கள் இயக்கப்படுகின்றன. அவற்றில் பலர் பயணித்து வருகின்றனர். அதே நேரத்தில் ரயில், பஸ்களில் நேரம் அதிகமாகும் என்பதால் சிலர், விமானங்களி லும் பயணித்த வண்ணம் உள்ளனர்.
இந்நிலையில், சனி, ஞாயிறு விடுமுறை நாட்களுடன் ஓணம் பண்டிகையை சிறப்பாக கொண்டாடுவதற்கு, சென்னை யில் இருந்து கொச்சி, திருவனந்தபுரம், கோழிக்கோடு, கண்ணூர் ஆகிய இடங்களுக்கு நேற்று முதலே ஏராளமானோர் விமான பயணங்களை மேற்கொண்டுள்ளனர். பலரும் விமானத்தில் பயணிக்க தொடங்கியுள்ளதால் சென்னை விமான நிலையத்தில் பயணிகள் கூட்டம் அலைமோதுகிறது. இதனால் விமான கட்டணங்களும் பல மடங்கு அதிகரித்துள்ளது. பயணிகள் கடும் அதிர்ச்சியடைந்துள்ளனர். ஆனாலும் பண்டிகையை உற்சாகத்துடன் கொண்டாட கட்டணத்தை பொருட்படுத்தாமல், தங்கள் பயணத்தை மேற்கொண்டுள்ளனர்.
அதே நேரத்தில், பண்டிகை காலங்களில், கேரள மாநிலத்துக்கு கூடுதல் விமானங்களை சென்னையில் இருந்து இயக்க வேண்டும் எனவும் பயணி
கள் கோரிக்கையும் விடுத்துள்ளனர்.