சென்னை, ஆக. 23 –
சென்னை அருகே திருவேற்காட்டில் நகைக்காக சென்னை மாநகராட்சி பெண் தூய்மைப்பணி யாளர், கேளம்பாக்கத்தில் காதல் விவகாரத்தில் வாலிபர், கூடுவாஞ்சேரி யில் ஒடிசா பெண், குன்றத்தூர் அருகே முன்விரோதத்தில் ஆட்டோ டிரைவர் என 4 பேர் படுகொலை செய்யப்பட்டுள்ளனர். இது, பொதுமக்களிடையே பெரும் பீதியை ஏற்படுத்தி உள்ளது. சட்டப்பேரவை நடந்துகொண்டிருக்கும் நேரத்தில் தலைநகரில் இப்படி அடுத்தடுத்து படுகொலைகள் நடப்பதை கண்டுகொள்ளாமல் காவல்துறை தூங்கிக் கொண்டிருக்கிறதா என சமூக ஆர்வலர்கள் கேள்வி எழுப்பியுள்ளனர்.
திருவேற்காடு, அன்னலட்சுமி நகர் பகுதியில் வசித்து வந்தவர் ஹேமாவதி (55). இவர் சென்னை மாநகராட்சி வளசரவாக்கத்தில் தூய்மைப்பணி யாளராக பணிபுரிந்து வந்தார். இவரது கணவர் சில ஆண்டுகளுக்கு முன்பு இறந்து விட்டதால் தனியாக வசித்துவந்தார். இந்நிலையில், கடந்த இரண்டு தினங்களாக இவர் வீட்டில் இருந்து வெளியே வராத நிலையில் நேற்று வீட்டிலிருந்து துர்நாற்றம் வீசியுள்ளது. அக்கம் பக்கத்தில் இருந்தவர்கள்திருவேற்காடு போலீசாருக்கு தகவல் தெரிவித்தனர்.
சம்பவ இடத்திற்கு சென்ற போலீசார் வீட்டை திறந்து உள்ளே சென்றபோது ஹேமாவதி உடல் அழுகிய நிலையில் இறந்து கிடந்தார். ஹேமாவதி முகத்தில் தலையணையால் அழுத்தி கொலை செய்யப்பட்டிருப்பதை கண்டு போலீசார் அதிர்ச்சி அடைந்தனர்.
ஆட்டோ டிரைவர்: திருமுடிவாக்கம் போலீசார் நேற்று காலை ரோந்து பணியில் ஈடுபட்டுக் கொண்டிருந்தனர். அப்போது, சந்தேகப்படும்படி வந்த ஆட்டோவை மடக்கி சோதனை செய்தபோது, ஆட்டோ முழுவதும் ரத்தக்கறைகள் இருந்ததால், ஆட்டோவில் பயணம் செய்த 3 பேரிடம் போலீசார் துருவித்துருவி விசாரித்தனர். அப்போது, அவர்கள் கையில் அடிபட்டதால் ரத்தம் ஊற்றியதாக தெரிவித்தனர். இருப்பினும் போலீசாருக்கு சந்தேகம் ஏற்பட்டு, 3 பேரையும் காவல் நிலையம் அழைத்துச் சென்று விசாரித்த போது, நண்பர் ஒருவரை அடித்து கொலை செய்ததாக கூறினர்.
ஒடிசா பெண்: கடந்த 5ம் தேதி சென்னை சென்ட்ரலில் இருந்து டெல்லியை நோக்கி சென்ற தமிழ்நாடு எக்ஸ்பிரஸ் ரயில் ஆக்ரா ரயில் நிலையத்தை நெருங்கும்போது முன்பதிவு செய்யப்படாத ரயில் பெட்டியில் இருந்து கடும் துர்நாற்றம் வீசியது. இது குறித்து பயணிகள் ஆக்ரா ரயில்வே போலீசாருக்கு தகவல்கொடுத்துள்ளனர். அதன்பேரில்ரயில்வே போலீசார் ரயில் பெட்டிகளில்சோதனை செய்தனர். அப்போது சிவப்பு நிற டிராலி சூட்கேஸ் ஒன்று கேட்பாரற்று கிடந்தது.
அதனை மீட்ட ரயில்வே போலீசார் திறந்து பார்த்தபோது தலை மற்றும் கைகள் இல்லாமல் பெண்ணின் சடலம் துண்டு, துண்டாக வெட்டி சென்னையில் உள்ள பிரபல துணிக்கடையின் 2 கவரில் சுற்றி வைத்திருப்பதை கண்டு ரயில்வே போலீசார் அதிர்ச்சி அடைந்தனர். விசாரணையில் சென்னை சென்ட்ரல் ரயில் நிலையத்தில் மூக்கு கண்ணாடி போட்டிருந்த இளம் பெண்ணும், குறுந்தாடி வைத்திருந்த ஒரு இளைஞரும் சேர்ந்து சென்னை சென்ட்ரலில் இருந்து டெல்லி நோக்கி சென்ற தமிழ்நாடு எக்ஸ்பிரசில் அந்த சூட்கேஸை வைத்துவிட்டு தலைமறைவானது தெரிந்தது.
திருப்போரூர்: கேளம்பாக்கம் அடுத்த தையூர், சின்னமா நகர் பகுதியை சேர்நதவர் கருணாகரன். இவரது, மகன் பிரவீன்குமார் (23). தனியார் நிறுவனத்தில் வேலை செய்து வருகிறார். இவர், கடந்த 16ம் தேதி இரவு தனது வீட்டின் அருகே நின்று செல்போனில் பேசிக்கொண்டு இருந்தார். அப்போது, ஒரு காரில் வந்த 3 பேர் பிரவீன்குமாரை சரமாரியாக அரிவாளால் வெட்டினர். மருத்துவனையில் சேர்க்கப்பட்ட வர் சிகிச்சை பலனின்றி நேற்று அதிகாலைஉயிரிழந்தார்.
இதுகுறித்த விசாரணை யில் பிரவீன்குமார் தையூர் கிராமத்தை சேர்ந்த ஏழுமலை என்பவரின் மகளை தீவிரமாக காதலித்து வந்ததாகவும், அதுபிடிக்காத அவரது பெற்றோர் மற்றும் உறவினர்கள் இந்த செயலில் ஈடுபட்டதும் தெரியவந்தது. இச்சம்பவம் குறித்து வழக்குப் பதிவு செய்த போலீசார், தையூர் கிராமத்தை சேர்ந்த ஏழுமலை (48), மணிகண்டன் (31), நந்தீஸ் (19) கவுதம் (20) ஆகிய 4 பேரை கைது செய்தனர்.
சட்டப்பேரவை நடந்து வருகிறது. இந்தநிலையில் சென்னை மற்றும் அதன் அருகில் உள்ள பகுதிகளில் 4 பேர் படுகொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. போலீசார் கடந்த சில மாதங்களாகவே சரியாக செயல்படவில்லை என்றும் போலீசார் மீதே பொய் வழக்குகள் பதிவு செய்யப்பட்டு நடவடிக்கை எடுக்கப்பட்டுள்ளனர். பல நேர்மையான அதிகாரிகள் வெளி மாவட்டங்களுக்கு தூக்கி யடிக்கப்பட்டுள்ளனர்.
இதுபோன்ற காரணங்களால் போலீசார் மத்தியில் ஒரு வித சுணக்கம் இருப்பதாக கூறப்படு கிறது. இதனால்தான் சென்னை மற்றும் புறநகர் பகுதிகளில் கொலைகள் அதிகரித்திருப்பதாகவும் கூறப்படுகிறது. இது பொதுமக்கள் மத்தியில் பெரும் பரபரப்பை ஏற்படுத்தியுள்ளது.
* சட்டப்பேரவை நடந்து கொண்டிருக்கும் நிலையில் சென்னை மற்றும் புறநகர் பகுதிகளில் 4 பேர் படுகொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
*போலீசார் மீதே பொய் வழக்குகள் பதிவு செய்யப்பட்டு நடவடிக்கைஎடுக்கப்பட்டுள்ளன. பல நேர்மையான அதிகாரிகள் வெளிமாவட்டங்களுக்கு தூக்கி யடிக்கப்பட்டுள்ளனர்.
* இதுபோன்ற காரணங்களால் போலீசார் மத்தியில் ஒரு வித சுணக்கம் இருப்பதாக கூறப்படு கிறது.
*இதனால்தான் சென்னை மற்றும் புறநகர் பகுதிகளில் கொலைகள் அதிகரித்திருப்பதாகவும் கூறப்படுகிறது. மக்களிடம் இது பீதியை கிளப்பி யுள்ளது.