#Title

125 ஆண்டுகளை கடந்த கும்பகோணம் பரஸ்பர சகாய நிதி நிறுவனத்தின் 153 -– 154 வது கிளை திறப்பு! சு.கல்யாணசுந்தரம் எம்.பி. – முன்னாள் எம்.பி. செ.இராமலிங்கம் பங்கேற்பு!

தஞ்சாவூர் ஆக.23–

தஞ்சாவூர் மாவட்டம், கும்ப கோணத்தில் 125 ஆண்டுகாலமாக செயல்பட்டு வரும் கும்பகோணம் பரஸ்பர சகாய நிதி நிறுவனத்தின் 153 வது கிளை சோழபுரத்திலும் மற்றும் 154 வது கிளை பெருமாண்டியிலும் திறப்பு விழா நடைபெற்றது.

கும்பகோணத்தை தலைமையிடமாக கொண்டு கடந்த 125 ஆண்டுகளை கடந்து தமிழகம் முழுவதும் கிளைகள் அமைத்துள்ள கும்ப கோணம் பரஸ்பர சகாயநிதி நிறுவனத்தில் கழக சட்டத்திட்ட திருத்தக் குழு தலைவரும், மாநிலங்களவை உறுப்பினருமான சு.கல்யாண சுந்தரம் தலைவராகவும், முன்னாள் எம்.பி செ.இராமலிங்கம் துணைத் தலைவராகவும், முன்னாள் எம்.எல்.ஏ சாக்கோட்டை க. அன்பழகன் மூத்த இயக்குனராகவும் மேலும் கழக முன்னோடிகள் இயக்குன ராகவும் இருந்து இந்ந நிதி நிறுவனத்தை சிறப்பாக நடத்தி வருகின்றனர்.

தற்போது 152 கிளைகளுடன் இருந்த இந்த நிறுவனம் கும்பகோணம் அருகே உள்ள சோழபுரத்தில் அவர்களது 153 கிளை மற்றும் பெருமாண்டி கிராமத்தில் 154 கிளைகளைநிறுவியது.

கிளைகள் திறப்பு விழாவில் நிதி நிறுவனத் தலைவர் சு.கல்யாண சுந்தரம் தலைமை வகித்தார். துணைத் தலைவர் முன்னாள் எம்.பி செ.இராமலிங்கம், நிதி நிறுவன எம்.டி வேலப்பன் ஆகியோர் முன்னிலை வகித்தார்.

சோழபுரத்தில் 153வது கிளையைநிதி நிறுவனத்தின் இயக்குனர் அம்பிகா மற்றும் சோழபுரம் பேரூராட்சி தலைவர் கமலா செல்வமணி ஆகியோர் திறந்துவைத்தனர். பின்னர் பாதுகாப்பு பெட்டக அறையை கே.எம்.பி.எப். தொமுச துணைத் தலைவர் வி.ரவிசந்திரன் திறந்து வைத்தார்.

பெருமாண்டி சாகாஜி நாயக்கன் தெருவில் 154–வது கிளையை ஆடிட்டர் கணேசன் திறந்து வைத்தார். அதனை தொடர்ந்து தொழிலதிபர் ஓ.வி.கிருஷ்ணசாமி பாதுகாப்பு பெட்டக அறையை திறந்து வைத்தார்.

இந்நிகழ்வில் கும்ப கோணம் மாநகர மண்டலக்குழு தலைவர் ஆர்.அசோக்குமார், ஒன்றியச் செயலாளர் ஜெ.சுதாகர்,மாநகர நிலைக்குழு தலைவர் சோடா இரா.கிருஷ்ணமூர்த்தி, நிதி நிறுவனஇயக்குனர்கள் எஸ்.இரவிச் சந்திரன்,துரைராஜ், குரு பிரசாத், பொது மேலாளர்கள் வெங்கடேசன், சண்முகம், துணை பொது மேலாளர் கருணாநிதி, தொமுச நிர்வாகிகள் மாடாகுடி செல்வராஜ், கும்ப கோணம் பரஸ்பர சகாயநிதி நிறுவன தொ.மு.ச. நிர்வாகிகள் பாரி, செந்தில் ஆறுமுகம், ரமேஷ், ஓ.வி.கிருஷ்ண சா மி குடும்பத்தி னர் பங்கேற்றனர்.