சென்னை, ஆக. 23 –

பள்ளி, கல்­லூ­ரி­கள், வழி­பாட்­டுத்தலங்­கள், பேருந்து மற்­றும் ரயில் நிலை­யங்­கள் உள்­ளிட்ட பொது­மக்­கள் அதி­கம் கூடும் இடங்­க­ளின் அருகே செயல்­பட்டு வந்த 717 டாஸ்­மாக் மதுக்­க­டை­களை மூடிய தமி­ழக அரசு, தற்­போது அவற்­றில் அதிக விற்­பனை நடை­பெற்ற முக்­கி­ய­மான கடை­களை வேறு இடங்­க­ளுக்கு மாற்­று­வது குறித்து ஆலோ­சித்து வரு­வது சர்ச்­சையை ஏற்­ப­டுத்­தி­யுள்­ளது.

போதைப்­பொ­ருள் தடுப்பு நட­வ­டிக்­கை­க­ளுக்கு முக்­கி­யத்­து­வம் அளிப்­ப­தா­கக் கூறி, பொது­மக்­கள் அதி­கம் கூடும் இடங்­க­ளில்இருந்து 500 மீட்­டர் தூரத்­துக்­குள் செயல்­ப­டும் மதுக்­க­டை­களை மூட முத­ல­மைச்­சர் விஜய் உத்­த­ர­விட்­ட­தாக தெரி­விக்­கப்­பட்­டது. இதன்­படி விதி­களை மீறி செயல்­பட்­ட­தாக கூறப்­பட்ட 717 மதுக்­க­டை­கள் மூடப்­ப ட்­டன. இத­னால் அர­சுக்கு சுமார் ரூ.11 ஆயி­ரம் கோடி வரு­வாய் இழப்பு ஏற்­பட்­டுள்­ள­தாக கூறப்­ப­டு­கி­றது.

ஆனால், கடை­க­ளின் எண்­ணிக்கை குறைக்க ப்பட்­ட­தால் அரு­கில் உள்ள டாஸ்­மாக் கடை­க­ளில் கூட்­டம் அதி­க­ரித்து பொது­மக்­க­ளுக்கு சிர­மம் ஏற்­ப­டு­வ­தாக தற்­போது அரசு தரப்­பில்­தெ­ரி­விக்­கப்­பட்­டுள்­ளது. இத­னால் மூடப்­பட்ட 717 கடை­க­ளில் அதிக விற்­பனை நடை­பெற்ற முக்­கி­ய­மான கடை­களை இட­மாற்­றம் செய்­வதே சிறந்த தீர்வு என அமைச்­சர் விக்­னேஷ் கூறி­யி­ருப்­பது, அரசு எடுத்த நட­வ­டிக்­கை­யின் நோக்­கம் குறித்த கேள்­வியை எழுப்­பி­யுள்­ளது. பொது­மக்­கள் பாது­காப்பு, பெண்­க­ளின் பாது­காப்பு ஆகி­ய­வற்றை கார­ணம் காட்டி மதுக்­க­டை­கள் மூடப்­பட்ட நிலை­யில், அதிக விற்­பனை நடை­பெ­றும் கடை­களை மட்­டும் வேறு இடங்­க­ளில் மீண்­டும் செயல்­ப­டுத்­தும் முயற்சி ஏன் என்ற கேள்­வியை சமூக ஆர்­வ­லர்­கள் எழுப்­பி­யுள்­ள­னர்.

இத­னால் மது­விற்­ப­னையை கட்­டுப்­ப­டுத்­து­வதா அல்­லது அர­சின் வரு­வாயை பாது­காப்­பதா என்­ப­தில் தமி­ழக அர­சின் நிலைப்­பாடு என்ன என்ற விவா­த­மும் உரு­வா­கி­யுள்­ளது. இத­னி­டையே, மது­பாட்­டி­லுக்கு ரூ.10 கூடு­த­லாக வசூ­லிக்­கும் பிரச்சி­ னையை தடுக்க அரசு நட­வ­டிக்கை எடுத்து வரு­வ­தாக அமைச்­சர் தெரி­வித்­துள்­ளார்.

நீண்ட கால­மாக தொட­ரும் இந்த பிரச்­சி­னையை முழு­மை­யாக தடுக்க முடி­யா­மல் இருப்­பது குறித்­தும், பொது­மக்­கள் அதி­கம் கூடும் இடங்­க­ளின் அருகே மதுக்­க­டை­கள் செயல்­ப­டக் கூடாது என அறி­வித்து 717 கடை­களை மூடிய அரசு, வரு­வாய் இழப்பு மற்­றும் அரு­கே­யுள்ள கடை­க­ளில் கூட்­டம் அதி­க­ரிப்பு ஆகிய கார­ணங்­களை முன்­வைத்து மீண்­டும் கடை­களை இட­மாற்­றம் செய்­யும் முடி­வுக்கு செல்­வது, பொது­ந­லனா வரு­வாய் நோக்­கமா என்ற கேள்­வியை பொது­மக்­கள் மத்­தி­யில் எழுப்­பி­யுள்­ளது. இதற்­கி­டையே, மூடப்­பட்ட 717 டாஸ்­மாக் கடை­க­ளின் முழு­மை­யான பட்­டி­ய­லை­யும் நேற்று தமி­ழக அரசு வெளி­யிட்­டுள்­ளது.