மாமல்லபுரம், ஆக.24–

மாமல்லபுரத்தில் நேற்று திடீரென பெய்த கனமழையால் சுற்றுலாப் பயணிகள் மகிழ்ச்சி அடைந்தனர். மாமல்லபுரத்தில் கடந்த சில நாட்களாக கடுமை யான வெயில் வாட்டி வதைத்தது. இதனால், பொதுமக்கள், மாமல்லபுரம் வரும் சுற்றுலாப் பயணிகள் அவதி அடைந்தனர். இந்நிலையில், மாமல்லபுரத்தில் நேற்று மதியம் திடீரென கரு மேகங்கள் சூழ்ந்து சுமார் அரை மணி நேரத்திற்கும் மேலாக கன மழை பெய்தது. இதனால், திருக் கழுக்குன்றம் சாலை, கோவளம் சாலை, கிழக்கு கடற்கரை சாலை, ஒத்த வாடை தெரு, கடற்கரைக்கு செல்லும் சாலை உள்ளிட்ட இடங்களில் மழைநீர் சாலைகளை சூழ்ந்து வெள்ளம்போல் பெருக்கெடுத்து ஓடியது.

கனமழையால், சாலைகளில் வாகனங்கள் ஊர்ந்து சென்றன. மேலும், கல்லூரி மாணவர்கள்,பொதுமக்கள் மழையில் நனைந்தபடி வீட்டிற்கு சென்றதை காண முடிந்தது. மேலும், மாமல்லபுரம் சுற்றுலா வந்த பயணிகள் மழையில் நனையாமல் இருக்க வெண்ணெய் உருண்டை பாறையின் அடிப்பகுதியில் தஞ்ச மடைந்தனர். மழை நின்றவுடன், மீண்டும் வழக்கம்போல் வெயில் வாட்டி வதைத்தது.