பட்டுக்கோட்டை, ஆக.24 –
“பேரவையில் எதிர்க்கட்சிகளின் எந்தக் கேள்விகளுக்கும் பதிலளிக்காத முதலமைச் சரின் ஆணவத்திற்கு மக்கள் ஒரு சரியான பாடத்தைப் புகட்டுவார்கள்” என்று எதிர்க்கட்சித் தலைவர் உதயநிதி ஸ்டாலின் அவர்கள்பட்டுக்கோட்டையில் கழகத் தோழர்
வி.கே.வெங்கடேசன் இல்ல மணவிழாவை நடத்தி வைத்து, உரையாற்றும்போது எச்சரிக்கை விடுத்தார்.
தஞ்சாவூர் மாவட்டம், பட்டுக்கோட்டையில், கழகத்தோழர் வி.கே.வெங்கடேசன் - – ஸ்ரீதேவி ஆகியோரின் அன்புமகன் ராம்பிரசாத், எம்.எஸ்.விஸ்வநாதன் -– சீதாலட்சுமி ஆகியோரின் அன்புமகள் நந்தினி என்கிற கற்பகவள்ளி ஆகியோரின் திருமணத்தை, கழக இளைஞர் அணிச் செயலாளரும், சட்டப்பேரவை எதிர்க்கட்சித் தலைவருமான உதயநிதி ஸ்டாலின் நடத்திவைத்து வாழ்த்துரை வழங்கினார்.
மணவிழாவில் கலந்துகொண்டு, கழகஇளைஞர் அணிச் செயலாளரும், சட்டப்பேரவைத் எதிர்க்கட்சித் தலைவருமான உதயநிதி ஸ்டாலின் அவர்கள் பேசிய தாவது:–
இன்றைக்கு நம் அண்ணன் வி.கே.வெங்கடேசன் -– ஸ்ரீதேவி ஆகியோரின் அன்பு மகன் சகோதரர் ராம்பிரசாத்,
எம்.எஸ்.விஸ்வநாதன் – சீதாலட்சுமி ஆகியோரின் அன்புமகள் சகோதரி
நந்தினி என்கிற கற்பகவள்ளி ஆகியோரின் திருமணத்தை, பட்டுக்கோட்டையில் உங்கள் முன்னிலையில் நடத்தி வைப்பதில் மிகுந்த மகிழ்ச்சி அடைகிறேன்.
முதலில் மணமக்களுக்கு நம் வாழ்த்துகளைத் தெரிவித்துக் கொள்வோம். மணமகனின் தந்தையார் அண்ணன் வி.கே.வெங்கடேசன் அவர்களின் திருமணத்தை நம் இனமானப் பேராசிரியர் தாத்தா அவர்கள்தான் நடத்தி வைத்தார். இன்றைக்கு அண்ணன் வெங்கடேசன் அவர்கள் மகனின் திருமணத்தை நான் நடத்தி வைக்கின்ற வாய்ப்பை பெற்றுள்ளேன். இந்த வாய்ப்புக்கு முதலில் எனது நன்றியைத் தெரிவித்துக் கொள்கிறேன்.
அண்ணன் வெங்கடேசன் அவர்களின்குடும்பத்தைப் பொறுத்தவரைக்கும் அவரின் தந்தை மறைந்த தோழர் அய்யா கலியமூர்த்தி அவர்கள் பொதுவாழ்வு இயக்கமான கம்யூனிஸ்ட் இயக்கத்தில் மிகச் சிறப்பாகப் பணியாற்றியவர். ஆனால், வெங்கடேசன் அவர்கள்
நம் தலைவர் அவர்களால் ஈர்க்கப்பட்டு, திராவிட முன்னேற்றக் கழகத்தில் இணைந்துசிறப்பாகப் பணியாற்றி
வருகிறார். பல்வேறுபொறுப்புகளில்
இருந்திருக்கிறார்.
இந்தத் திருமண நிகழ்ச்சியில் கலந்து கொள்வதில் எனக்கென்ன பெருமை என்றால், அண்ணன் வெங்கடேசன் அவர்கள் எங்கள் இளைஞர் அணியின் கண்டுபிடிப்பு.
முதலில் அவர் இளைஞர் அணியில் பணியாற்றிக் கொண்டிருந்தாலும், அதன் பிறகு, பல்வேறு பொறுப்புகளில் பணியாற்றி, இன்று சிறப்பாக கழகப் பணிகளில்ஈடுபட்டு வருகிறார். கழகம் அறிவித்த அனைத்துப் போராட்டங்களிலும் கலந்துகொண்டவர்தான் அண்ணன் வெங்கடேசன் அவர்கள். போராட்டங்களில் கலந்துகொண்டது மட்டுமல்லாமல், கைதாகி சிறை சென்று வந்தவர், அந்த அனுபவத்துக்கும் சொந்தக்காரர்தான் அண்ணன் வெங்கடேசன் அவர்கள். அப்படிப்பட்ட அண்ணன் வெங்கடேசன் அவர்களின் இல்லத் திருமண விழாவில், கலந்துகொள்வது எனக்கு மிகுந்த பெருமையைத் தருகிறது.
கடந்த சில மாதங்களாகவேஇந்த தஞ்சாவூர் மாவட்டத்துக்கு அடிக்கடி வந்துகொண்டிருக்கிறேன். கடந்த மூன்று மாதங்களில், நான்கு முறை வருகை தந்துள்ளேன். அப்படியே நான் வரவில்லை என்றாலும், இந்த அரசு என்னைக் கைது செய்து, அவர்களே இந்த தஞ்சாவூர் மாவட்டத்துக்கு அழைத்து வருகிறார்கள்.
இரண்டு வாரங்களுக்குள் மூன்று முறை வந்துவிட்டேன். கடந்த 3-ஆம் தேதி என்ன நடந்தது என்பதை, நீங்கள் அனைவரும் பாத்திருப்பீர்கள். தமிழ்நாட்டில் எங்கு பேசினாலும், தஞ்சாவூர் மாவட்டத்தில் பேசும்போது மிகவும் ஜாக்கிரதையாகப் பேச வேண்டும். நாம் பேசவில்லை என்றாலும், பரவாயில்லை, கீழே இருந்து பேசி, நம்மை மாட்டிவிட்டுவிடுவார்கள்.
இன்றைக்கு அந்தமாதிரி அண்ணன் துரை.சந்திரசேகரன் அவர்கள் சில வார்த்தைகளைக் கூறி, என்னை மாட்டிவிட்டிருக்கிறார். அதற்கும் நான்தான் பொறுப்பேற்க வேண்டும். பரவாயில்லை, இந்தக் கைது நடவடிக்கைகளுக்கெல்லாம் பயந்தவன் கிடையாது, இந்த உதயநிதி என்பது இந்த அரசுக்கு இந்நேரம் தெரிந்திருக்கும்.