புதுடெல்லி,ஆக. 24 –

‘ஒரே நாடு ஒரே தேர்­தல்’ திட்­டத்தை 2029 ஆம் ஆண்­டி­லேயே அமல்­ப­டுத்­தும் வகை­யில் தங்­க­ளது கூட்­டணிஆளும் 22 மாநி­லங்­க­ளின்சட்­டப்­பே­ர­வை­களை முன்­கூட்­டியே கலைப்­பது குறித்து பா.ஜ.க. தீவி­ர­மாக ஆலோ­சித்து வரு­வ­தாக தக­வல் வெளி­யாகி உள்­ளது.

‘ஒரே நாடு ஒரே தேர்­தல்’ மசோ­தாவை ஆய்வு செய்து வரும் நாடா­ளு­மன்ற கூட்­டுக் குழு­வின் அறிக்கை சமர்ப்­பிக்­கும் காலக்­கெடு, நாடா­ளு­மன்ற குளிர்­கால கூட்­டத்­ தொ­ட­ரின் கடைசி வாரம் வரை நீட்­டிக்­கப்­ பட்­டுள்­ளது.

‘ஒரே நாடு ஒரே தேர்­தல்’ திட்­டம் நாட்­டின் கூட்­டாட்சி முறைக்­கும், ஜன­நா­ய­கத்­திற்­கும் எதி­ரா­னது என தி.மு.க. உள்­ளிட்ட எதிர்க்­கட்­சி­கள் குற்­றம் சாட்டி வரு­கின்­றன.

இத்­திட்­டத்தை நாடு முழு­வ­தும் சட்­டப்­பூர்­வ­மாக கொண்­டு­வர, அர­சி­ய­ல­மைப்­பின் 83 மற்­றும் 172 ஆகிய பிரி­வு­கள் உட்­பட மொத்­தம் 18 திருத்­தங்­களை மேற்­கொள்ள வேண்­டி­யுள்­ளது. இதற்கு நாடா­ளு­மன்­றத்­தில் மூன்­றில் இரண்டு பங்கு பெரும்­பான்மை தேவை.

தற்­போ­தையை நிலை­யில், ஒரே நேர தேர்­தல் முறை 2034 இல் தான் முழு­மை­யாக அம­லுக்கு கொண்­டு வர முடி­யும்.

இந்­நி­லை­யில் பா.ஜ.க. மற்­றும் அதன் கூட்­டணி கட்­சி­கள் ஆளும் 22 மாநி­லங்­கள் மற்­றும் யூனி­யன் பிர­தே­சங்­க­ளின் ஆட்­சிக்­கா­லம் முடி­வ­தற்கு முன்பே அவற்றை கலைத்­து­விட்டு, 2029 மக்­க­ள­வைத் தேர்­த­லு­டன் மாநில சட்­ட­மன்­றத் தேர்­தல்­க­ளை­யும் இணைத்து நடத்த பா.ஜ.க. ஆலோ­சித்து வரு­வ­தாக தக­வல்­கள் வெளி­யாகி உள்­ளன.

இந்த 22 மாநி­லங்­க­ளில், அடுத்த இரண்டு ஆண்­டு­க­ளில் 11 மாநி­லங்­க­ளுக்கு தேர்­தல் வர­வி­ருக்­கி­றது. மீத­முள்ள மாநி­லங்­க­ளின் ஆயுட்­கா­லம் 2029-க்கு பிற­கும் நீடிப்­ப­தால், அவற்றை முன்­கூட்­டியே கலைக்க வேண்­டி­யி­ருக்­கும் என்­பது குறிப்­பி­டத்­தக்­கது.