சிவகங்கை.ஆக24 .
நேற்று முன் தினம் சிவகங்கையில் கடந்த கால தி.மு.கஆட்சியில் ரூபாய் 9.32 கோடியில் கல்லூரி 150 மாணவ மாணவிகள் தங்கும் விடுதி ,கிருங்கா கோட்டை அமராவதி புதூர் ஆகிய ஊர்களில்ருபாய் 77.89 லட்சம் மதிப்பீட்டில் கிராம அறிவுசார் மைய கட்டிடங்கள் ஆகியவைகள் திறப்பு விழா மாவட்ட ஆட்சியர்ப.ஆகாஷ் தலைமையில் சிவகங்கையில் நடைபெற்றது.இதில் காரைக்குடி சட்டமன்றத் தொகுதி எம்.எல்.ஏ. மற்றும் அமைச்சர்
டி.கே. பிரபு கட்டிடங்களை திறந்து வைத்து சிறப்புரை ஆற்றினார். இந்த நிகழ்ச்சியில் உயர் அதிகாரிகள் கலந்து கொண்டனர். சிவகங்கையில் நடைபெற்ற இந்த நிகழ்ச்சிக்கு சிவகங்கை சட்டமன்ற தொகுதி உறுப்பினர் திருமதி குழந்தை ராணி நாச்சியாருக்கு முறையான அழைப்பு கொடுத்தும் அவர் பங்கேற்காமல் புறக்கணித்தார். இதற்கு காரணம் தான் எம்.எல்.ஏ. ஆனவுடன் அமைச்சராகலாம் என்ற கனவில் இருந்தார். காரைக்குடி எம்.எல்.ஏ டி .கே .பிரபு அமைச்சரானதி லிருந்து அவர் கட்சியின் மீது அதிருப்தியில் இருப்பதாக கூறப்படுகிறது. தொடர்ந்து அமைச்சர்பங்கேற்கும் நிகழ்ச்சியை புறக்கணித்து வருகிறார்.
மேலும் நேற்று சிவகங்கை யில் நடைபெற்ற முக்கியமான அரசு நிகழ்ச்சியில் சிவகங்கை சட்டமன்ற உறுப்பினர் பங்கேற்காதது கட்சி தொண்டர்களிடையே அதிர்ச்சி ஏற்படுத்தியுள்ளது.
இதேபோல் சிவன் கோவில் அருகே 100 நாள் சாதனை பட்ஜெட் விளக்க பட்ஜெட் பொதுக்கூட்டம் நடைபெற்றது. இதில் எம்.எல்.ஏ குழந்தை ராணி மற்றும் நிர்வாகிகள் சிறப்புரையாற்றினார்
கள் .
மாவட்ட அமைச்சராக உள்ள டி.கே.பிரபு பங்கேற்கவில்லை. அவரது பெயர் படம் பொதுக்கூட்டத்தில் வைக்கப்பட்டிருந்த பிளக்சில் இடம் பெறவில்லை.
சிவகங்கை எம்.எல்.ஏ விற்காக வைக்கப்படும் பிளக்சில் தொடர்ந்து கடந்த மூன்று மாதங்களாக மாவட்ட அமைச்சர் படம் ,பெயர் இடம் பெறுவதில்லை. அமைச்சருக்கும் எம்.எல்.ஏ விற்கும்நடைபெறும் கோஷ்டிமோதல் தொண்டர்களிடையே கடும் அதிருப்தியை ஏற்படுத்தியுள்ளது. இதனால் கட்சியினர் மிகவும் அதிருப்தியில் உள்ளார்கள்.அமைச்சர் பங்கேற்ற அரசு நிகழ்ச்சியில் திருப்பத்தூர் சட்டமன்ற உறுப்பினர் சீனிவாச சேதுபதி , மானாமதுரை சட்டமன்ற உறுப்பினர் இளங்கோவன் ஆகியோரும் பங்கேற்கவில்லை என்பது குறிப்பிடத்தக்கது.